« »
 
[]« Stirpare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 601b. http://ducange.enc.sorbonne.fr/STIRPARE
STIRPARE, pro Exstirpare : Stirpitus evellere, quomodo Salmasius ad Histor. Augustam pag. 284. ait se reperisse apud Prudentium in vetustissimo codice. S. Ambrosius lib. 9. in Lucam :
Stirpare agrum solitus, ne sentibus gemma lædatur, ne luxuriet umbra foliorum.
Vita S. Agrippani Episcopi :
Accepto nempe tanto dignitatis officio, toto posse pravitatem hæreticam Stirpare satagebat.
Capitulare Aquisgr. ann. 789. cap. 79. et lib. 1. Capitul. cap. 75. de operis rusticorum :
Nec in silvis Stirpare, vel arbores cædere, vel in petris laborare, nec domos construere, etc.
Capitulare de Villis cap. 36 :
Ut silvæ vel forestes nostræ bene sint custoditæ, et ubi locus fuerit ad Stirpandum, Stirpare faciant.
Adde Capitul. 2. ann. 813. cap. 19. Charta Germanica ann. 801. apud Henschenium in Comment. ad Vitam S. Ludgeri Episcopi § 4 :
Tradidi comprehensionem illam, quam ego in propria hæreditate comprehendi....... excepta illa particula quam Folcbertus in proximo angulo inter Ruram et Widubergum olim Stirpare inchoavit.
Alia ejusdem anni ibidem :
Tradidit....... suam comprehensionem illam, quam..... proprio labore et adjutorio amicorum suorum legibus comprehendit et Stirpavit, id est, in loco qui dicitur, etc.
Le Roman de Guillaume au Court-Nez MS. :
Li Quens Estrepe tel grans ramier feuillis.
MS. :
Lor vingnes et lor boiz fist li Roiz Estreper,
Et lor maisons ardoir et lor chasteaux gaster.
Vide Styrpus. []
Stirpator, pro Exstirpator, Decoctor, Gallice Dissipateur. In Miraculis S. Ludgeri Episc. Mimigard. num. 9. Liber Ordinis S. Victoris Parisiensis MS. cap. 11 :
Neque prodigus sit et Stirpator substantiæ Monasterii.
Stirpaticum, Silva exstirpata, alias Essartum. Charta Friderici I. Imp. ann. 1175. apud Guichenonum in Episcopis Bellicensib. :
Ad hæc quoque omnia civitatis regalia, videlicet monetam, telonium,.... pascua, piscationes, venationes, silvas, Stirpaticum, et omne districtum et jurisdictionem civitatis.
Vide Exartus.
P. Carpentier, 1766.
◊ Charta ann. 1198. apud Murator. tom. 2. Antiq. Ital. med. ævi col. 85 :
Pro domo ipsorum marchionum ab eisdem personis pro communi Adriæ petebat nemus Adriani, et mille libras Venetorum pro extimatione fraudis Stirpatici a triginta annis usque nunc sibi factæ ; et neminem in ipso nemore debere venari vel aucupari sine eorum licentia vel sui nuntii.
Vide mox Stirpes et infra Styrpus.
Stirparium, Idem quod Stirpaticum. Charta Roberti Comitis Palatini Loretelli ann. 1179 :
Deinde descendit per pedem Nobilis,... et vadit per viam Esculanam, quæ est in medio Stirparii Termuleti, et deinde ascendit per latum dicti Stirparii recto calle usque ad fontem Nucum, etc.
Stirpetum, Eadem notione. Charta Conradi Imper. ann. 1108. tom. 3. Italiæ sacr. pag. 455 :
Cum..., silvis, buscariis, Stirpetis, pratis, paludibus, etc.
© École des chartes.