◊ Nec flatus ventris, nec buccarum inflatio, ut vult Camdenus, eo loci significatur ; sed Sibilus, Gall. Sifflet : quod maxime colligitur ex similibus hominiis quæ etiamnum obtinent in Normannia : unum referre sufficiat. Usus est quotannis ut aliquis ex vassallis Dom. de Belhomme de Graulay prope Sagium ad vesperam vigiliæ Natalis Domini stipitem ad ejus coquinæ focum deferat ; statimque tenetur saltare, crepitum edere et sibilum quod vulgo dicitur un sault, un pet et un Sifflet, vel, ut Normanni efferunt, un soufflet.