« »
 
TERMINUS 1, TERMINUS 2, TERMINUS 3, TERMINUS 4, TERMINUS 5, TERMINUS 6.
[]« 1 terminus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 069a. http://ducange.enc.sorbonne.fr/TERMINUS1
1. TERMINUS, Pagus, regio terminis suis et limitibus circumscripta, districtus. Gregorius Turon. lib. 1. de Miracul. cap. 59 :
Ecclesia est vici Iciodorensis sub Termino Turonicæ urbis, etc.
Cap. 90 :
Apud Terminum vero Pictavum vicus est in Arbasilico nomine Becciaco, etc.
Cap. 101 :
Cum portitores ad locum quemdam Lemovicini Termini pervenissent, etc.
Ita cap. 107. lib. 2. cap. 12. lib. de Gloria Confess. cap. 11. 18. de Vitis Patrum cap. 5. et in Hist. non semel. Gall. Chr. novæ edit. tom. 3. pag. 935. narratur, Lotharium III. Imp. ann. 1132. decrevisse, assensu Leod. Episc. Alexandri, Ecclesiam parochialem S. Servatii solam in Trajectensi urbe habere decimas et terminum, hoc est, jurisdictionem, qualis competit ecclesiis parochialibus. Literæ Caroli V. Fr. Regis ann. 1366. pro Arvernis, tom. 4. Ordinat. pag. 686 :
Mandantes Baillivo nostro..... ceterisque Justiciariis et Officiariis regni nostri.... quatenus dictam præsentem gratiam.... in suis Terminis teneant et observent.
Ubi Terminus idem omnino est quod districtus, ut et alibi non semel. Lex Bajwar. tit. 1. § 4 :
Si quis servum Ecclesiæ vel ancillam ad fugiendum suaserit, et eos foras Terminum duxerit,
Id est, territorium Ecclesiæ. Terminus sancti Petri ac Pauli, Ecclesiæ Romanæ patrimonium, apud Joannem VIII. PP. Epist. 87. 249.
Bona hereditaria...... infra muros et communitatem dicti oppidi [] nostri in Eschewege et Terminos decimales ipsius oppidi sita,
in chart. ann. 1341. apud Haltaus. voce Zent, col. 2150. Vide eumdem col. 2051. voce Weichbild.
© École des chartes.
[]« 2 terminus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 069b. http://ducange.enc.sorbonne.fr/TERMINUS2
2. TERMINUS, Definitio, ὅρος, quomodo hæc vox Græce sumitur in Actis Conciliorum. Synodicon adversus tragœdiam Irenæi cap. 38 :
Excommunicationis conculcaverunt Terminum.
Ita cap. 209. extremo. Epiphanius Scholast. lib. 5. Hist. tripart. cap. 29 :
Quem Terminum salutarem, adorabilemque deliberationem, corrumpere quidam aliis cogitationibus atque temerare voluerunt.
Ex Theodoreto lib. 2. Hist. cap. 22. ubi legitur :
ὅνπερ σωτηριώδη ὅρον ϰαὶ τὴν προσϰυνητὴν σϰέψιν, etc.
© École des chartes.
[]« 3 terminus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 069b. http://ducange.enc.sorbonne.fr/TERMINUS3
3. TERMINUS, Præfinitum tempus, dies præstituta, Gall. Terme. Solvere in Termino, in Charta ann. 1341. apud Ludewig. tom. 5. pag. 554.
Habere ad Terminum
de rebus ad certum annorum numerum conductis dicitur in Epistola ann. circ. 1180. apud Marten. tom. 1. Anecdot. col. 600. Vide supra Terminarius 1.
P. Carpentier, 1766.
◊ Nostris alias Termine. Charta Theob. comit. Barri ann. 1260. in Chartul. Campan. ex Cam. Comput. Paris. fol. 140. r°. col. 1 :
Et se li devant nommé signor voloient, il porroient cest Termine aloignier, s'il lor ere mestiers et lor plaisoit.
© École des chartes.
[]« 4 terminus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 069b. http://ducange.enc.sorbonne.fr/TERMINUS4
4. TERMINUS, Dies fastus, apud Spelmannum. Quinam vero sint apud Anglos Termini, seu anni tempora litibus agendis designata, vide apud eumdem Glossatorem.
© École des chartes.
[]« 5 terminus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 069b. http://ducange.enc.sorbonne.fr/TERMINUS5
5. TERMINUS, Idem quod Placitum, assisia, conventus, qui ad præfinitum tempus habetur. Charta Pertoldi Aquil. patr. ann. 1231. inter Monum. ejusd. eccl. cap. 71. col. 707 :
Ipse (Pertoldus) in generali Termino suo apud Camformium habito, cum consensu et voluntate capituli Aquilegensis..... concessit civibus Aquilegensibus, etc. Actum in prato de Camformio feliciter. Terme,
eadem acceptione, in Libert. Engolism. ann. 1373. tom. 5. Ordinat. reg. Franc. pag. 681. art. 3 :
Et tout cecy fait, tient ses Termes le maire chascun jour, environ heure de tierce devant disner et à relevée après disner.
© École des chartes.
[]« 6 terminus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 069b. http://ducange.enc.sorbonne.fr/TERMINUS6
6. TERMINUS, Ratio, modus, forma. Charta ann. 1345. inter Probat. tom. 4. Hist. Occit. col. 201 :
Ramundus Arquerii, athilator Tolosæ dom. nostri Franciæ regis, recognosco habuisse..... pro..... una caxia cadrillorum parvi Termini, etc.
les Bénédictins de St. Maur, 1733–1736.
Terminus Impius, Mors, obitus, ut videtur. Cod. Theod. lib. 6. tit. 24. leg. ult. :
Ut fructus domesticis, impio Termino consequenti, etiamsi mortalitas intervenerit perire non possint, etc. Terminum impium explicant etiamsi mortalitas intervenerit,
ut videtur Gothofredo.
P. Carpentier, 1766.
Terminus Languoris, Dilatio a judicibus reo concessa ob infirmitatem qua detinetur et juri stare non potest. Vide supra Jurare languorem in Juramentum.
les Bénédictins de St. Maur, 1733–1736.
Terminus Paschalis, Dies quo incidit luna decima quarta Paschalis cujusvis anni. Hac nota chronologica primus, quem sciam, usus est Rodradus presbyter Ambian. medio sæculo ix. ut jam dictum est in voce Pascha. Laudatur apud Lobinellum tom. 2. Hist. Britan. col. 237. Charta data anno mcxxxii. Ind. x. Epacta i. Concurrentibus v. Terminus Paschalis ii. Non. Apr. Dies ipsius Paschalis diei iv. Id. Luna ipsius diei xx. Quæ omnes notæ optime cohærent, ut sibi quisque persuadere poterit, si tanti faciat, indices chronologicos in voce Annus[] descriptos consulendo. Vide Claves terminorum.
P. Carpentier, 1766.
◊ Charta ann. 1035. inter Instr. tom. 8. Gall. Christ. col. 414 :
Anno ab incarnatione Domini m. xxxv. concurrente ii. indictione iii. epacta ii. nov. Terminus Paschæ sexto Calendas Aprilis, dies Domini Paschæ tertio Calendas Aprilis, luna ipsius diei 17.
Termini Sanctorum, quomodo, Limina Sanctorum dicunt alii. Epistola Placidiæ Augustæ ad Pulcheriam Augustam, apud Hieron. Rubeum lib. 2. Hist. Ravennatis :
Ut Romam frequentibus concursibus adæque desideremus inspicere, causa nobis est amplectenda religionis, ut Terminis Sanctorum nostram exhiberemus præsentiam, quos certum est pro sua virtute in cœlestibus constitutos, neque inferiora despicere.
Vide in Limen.
© École des chartes.