THEATRUM, Forum, locus publicus, ubi merces venum exponuntur. Glossar. Gall. Lat. ex Cod. reg. 7684 : Theatrum, quarrefour, lieu où les gens s'assemblent. Vita MS. S. Martial. Lemovic. :

Postea denique perrexit (Martialis) cum discipulis suis ad Theatrum prædicare Evangelium regni Dei.

Charta ann. 1295. apud Ludewig. tom. 11. Reliq. MSS. pag. 626 :

Hoc autem principaliter præcipimus observari : ne quisquam de fraternitate plures quam octo pannos Theatrum præsumat inportare.

Alia ann. 1323. apud eumd. tom. 9. pag. 523 :

Nullus in districtu seu advocatia Soldwedell de cætero pannum incidere præsumat, seu divisum seu indivisum vendat, nisi tantummodo in antiqua nostra civitate Soltwedell, in communi Theatro pannicidarum.

Vide Haltaus. Glossar. Germ. voce Hausmete, col. 850. et Spiel-haus, col. 1703.