THORACIDA, Imago pectore tenus : προτομή, Gall. Buste. Trebellius Pollio in Claudio :

Expressa Thorace vultus imago.

Glossæ MSS. : Toracida, imago sculpta pectoralis, i. usque ad pectus, in auro, vel in quolibet, a thorace quod est pectus. Adamnanus lib. 3. de Locis sanctis, cap. 4. de statua marmorea. S. Georgii divinitus emollita :

Hinc itaque manifeste ostenditur, quantæ et qualis fuerit honorificentiæ apud Deum Georgius, inter tormenta, cujus Thoracidam, in re natura impenetrabili, penetrabilem potentia fecit.

Et cap. 5 :

S. Mariæ matris Domini Thoracidam habet.

Versus in Althelmum, in libro Epistolarum S. Bonifacii Archiep. Moguntini Epist. 69 :

Nec non adhuc munusculum

Quidam addunt pulcherrimum

Thoracidos, tuentibus

Retorquentes luminibus

Imagines auriferis

Christi Matris capitibus.

Walafridus Strabo lib. de Reb. Eccl. cap. 8 :

In gestis Silvestri Papæ legitur Constantinum Imperatorem per Thoracidas Apostolorum, quos ipsos in visione viderat, cognovisse.

Durandus lib. 1. Ration. cap. 3. n. 2. ait, Græcos imagines pinxisse solum ab umbilico supra, et non inferius. Vide Scutum, Surtaria.