« »
 
TRACTATOR 1, TRACTATOR 2, TRACTATOR 3, TRACTATOR 4, TRACTATOR 5.
[]« 1 tractator » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 142c. http://ducange.enc.sorbonne.fr/TRACTATOR1
1. TRACTATOR, Chartularius, qui tractat vel retractat largitionales titulos. Scholiastes Juliani Antecess. ad cap. 82 :
Tracteutæ, quos dicimus apud Latinos, Tractatores, maxime in Africa sic dicuntur, id est Scriniarii, qui annonas publicas computant et tractant.
Eustathius in Vita S. Eutychii Patriarch. CP. n. 68 :
Συνέϐη πρὸς τὴν ἐπαρχίαν τοῦ Πόντου διοιϰοῦντας, τραϰτεύτας φημὶ ϰαὶ ἀνυτὰς τῶν δημοσίων, etc.
Ita Chartularios et Tractatores pro iisdem dici in leg. 3. Cod. de Canone largit. titulor. (10, 23.) in leg. 10. de Numerariis, lib. ult. (12, 50.) eod. Cod. et Nov. 28. 30. 128. 129. 147. observat Cujacius ad d. leg. 3. Vide Nicolaum Alemannum ad Procopii Anecdota pag. 100. 1. edit. et Nov. 1. Theod. sub finem. Lydum de Magistrat. lib. 3. sect. 21. et 68.
© École des chartes.
[]« 2 tractator » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 142c. http://ducange.enc.sorbonne.fr/TRACTATOR2
2. TRACTATOR, Qui de rebus seriis docte et erudite tractat, scribit, loquitur, disputat. Gloss. Gr. Lat. : Ὁμιλία, Loquela, sermo, locutio. Ὁμιλιτιϰός, Tractator. S. Cyprianus in Præfat. ad libr. de Cardinal. operib. Chr. :
Sublimes materiæ subtilium ingeniorum exigunt Tractatores.
Infra :
Aditum ad se temerariis Tractatoribus vel scriptoribus interdicit.
S. Hieronymus adversus Helvidium :
Quæ non solum pene omnes Græciæ Tractatores in suis voluminibus reliquerunt.
Spartianus in Geta :
Fuit adolescens moribus asperis, a natura decorus, Tractator, gulosus, etc.
Monachus Sangall. lib. 1. de Carolo M. cap. 4 :
De pauperibus supradictis quemdam optimum Tractatorem et scriptorem in Capellam suam assumpsit.
Horatius, Ethicus Tractator dicitur Ivoni Carnotensi Epist. 7.
les Bénédictins de St. Maur, 1733–1736.
◊ Huc, ut videtur, revocari possunt Tractatores, de quibus hæc habentur in Privilegiis Ecclesiæ Rom. apud Marten. tom. 2. Ampl. Collect. col. 1232 :
Pacta et conventiones, concordata inter Regem ipsum (Siciliæ Tancredum) et Ecclesiam Romanam, mediantibus Cardinalibus missis ad Regem et certis aliis Tractatoribus deputatis per Regem super appellationibus libere faciendis in toto regno ad Ecclesiam Romanam.
Oratores intelligo vel viros doctos, qui de negotiis prudenter et erudite tractare poterant. []
Tractatores dicti præsertim Librorum sacrorum Interpretes, qui de rebus sacris tractant. S. August. de Doctrina Christ. :
Debet divinarum Scripturarum Tractator et dictor, defensor rectæ fidei, ac debellator errorum, et bona docere, et mala dedocere.
Vincentius Lirin. Commonit. 1 :
Doctores, qui Tractatores nunc appellantur, quos hic idem Apostolus etiam Prophetas interdum vocat, eo quod per eos Prophetarum mysteria populis aperiuntur.
Ruffin. de adulteratione Librorum Origenis :
Quoscunque veterum nobilium Tractatorum invenerunt de his, quæ ad gloriam Dei pertinent, plene et fideliter disputasse, etc.
Facundus Hermianensis lib. 4. cap. 2 :
Hieronymus quoque noster, vir admodum doctus, qui etiam tantæ fuerat lectionis, ut omnes, aut pene omnes, sive in Græco, sive in Latino eloquio divinarum Scripturarum Tractatores legeret, etc.
Idem lib. 9. cap. 5 :
Proinde melius facimus, si quemadmodum divinam Scripturam, sic etiam ejusdem Scripturæ Tractatores locutos contra hæreticos fuisse credamus.
Arnobius Junior in Psal. 67 :
Cleros enim hoc loco dictos et Judæi dicunt, et nostri plurimi Tractatores.
Senator lib. de Divin. Instit. cap. 17 :
Habent etiam post Tractatores, (SS. Patres) diversos relatores temporum studia Christiana, etc.
Nicolaus I. PP. Epist. 42 :
Si enim ipsorum decreto cæterorum opuscula Tractatorum approbantur, etc.
Didymus apud S. Hieronymum in Epist. 51. ad Domnionem,
Scientia Scripturarum omnes sui temporis Tractatores vincere
dicitur ; adde Epist. 52. 61. 62. 64. etc. Idem Hieronymus Claudiano Mamerto lib. 2. de Statu animæ cap. 9.
Potissimus Tractatorum
appellatur : Lupo Servato de Trib. quæst.
Alterum lumen Tractatorum
. Beda, Monacho Sangallensi lib. 1. de Carolo M. cap. 2.
Peritissimus post sanctum Gregorium Tractator.
S. Eulogius, Alvaro Cordubensi in ejus Vita n. 10.
Tractator peritissimus et dictator.
Origenes, Sidonio lib. 2. Epist. 9.
Scævus cavendusque Tractator,
Sulpitio Severo Dial. 1. cap. 3.
Tractator sacrarum Literarum peritissimus. Ecclesiastici Tractatores,
apud Vigilium Tapsensem lib. 5. contra Eutychem. Adde Auctorem Prædestinati pag. 36. 82. etc. Mitto, quæ alii de hac voce observarunt, Juretus, Savaro, Sirmondus, Jacobus Gothofredus, Joan. Filesacus, Baluzius, et alii.
© École des chartes.
[]« 3 tractator » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 143a. http://ducange.enc.sorbonne.fr/TRACTATOR3
3. TRACTATOR, Concionator, qui tractatus, seu homilias habet ad populum. Petrus Chrysologus serm. 91 :
Vacat humanus sermo, silet prædicatio Tractatoris, quando angelico præconio Joannis (Baptistæ) profertur gloria, virtus insonat, laus collaudatur.
Vide Tractare 3.
© École des chartes.
[]« 4 tractator » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 143a. http://ducange.enc.sorbonne.fr/TRACTATOR4
4. TRACTATOR, Consiliarius. Senatori lib. 8. Epist. 12 :
Decet enim Tractarores habere doctissimos, quibus summa potestas committitur, etc.
Ita alibi Tractatum, pro Consilio, usurpat. Vide Tractare 1. et Tractatus 2.
© École des chartes.
[]« 5 tractator » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 143a. http://ducange.enc.sorbonne.fr/TRACTATOR5
5. TRACTATOR, Arbiter, conciliator : idem etiam forte qui Conservator. Vide in hac voce. Litteræ Johannis Fr. Regis ann. 1356. tom. 4. Ordinat. pag. 178 :
Nec tamen nostre intencionis existit, quod per hoc antique consuetudini, per quam dicti Decanus et Capitulum asserunt se habere debere in dicta nostra curia Tractatores, etc.
Quæ sic Gallice utcumque redduntur in Litteris Caroli V. ann. 1367. tom. 5. earumd. Ordin. pag. 26 :
Et toute-voyes n'est pas nostre entente, que pour cause de noz presens don, grace et octroy, aucun prejudice soit fait, ou puisse estre mis de present, ne pour le [] temps à venir, aux autres privileges anciens de ladicte Eglise, par lesquelz lesdiz Doïen et Chapitre ne sont tenuz de plaidier audit Parlement, fors comme pardevant Traicteurs de leurs causes. Traicteurs esleuz,
in aliis ejusd. Reg. Litteris ann. 1372. ibid. pag. 516. Traiteur moyen apertius dicitur in Litteris Ægidii Episc. Tuscul. Cardin. ann. 1376. e Bibl. Reg. :
Puisque je estoye Traiteur moyen, il me convenoit essayer de mouvoir plusieurs voyes, afin de procurer l'acort d'une partie et d'autres.
P. Carpentier, 1766.
◊ Interdum et Judex delegatus a rege, vulgo Commissaire. Chartul. eccl. Carnot. :
De querelis episcopi et capituli contra comitem consuevit rex committere Tractatores, qui ex parte sua querelas inter eos et discordias amicabiliter pacificarent.
Ibidem :
Clausuram claustri quam faciebant canonici, comes impedire voluit : sed post inquestam per Commissarios ex parte regis propter hoc Carnotum destinatos factam, fuerunt fundamenta reperta et clausura facta, contradictione dicti comitis non obstante.
Rursum :
Omnem justitiam in omnibus exercuerent episcopi et capitulum in terris suis, absque eo quod ad comites vel ballivos regios appellaretur ab eis : sed si fuisset controversia, rex per se vel per nuntios et speciales Commissarios negotium matura deliberatione in se suscipiens advocabat.
Nostris Traicteur. Charta ann. 1312. ex Tabul. episc. Carnot. :
Erart de Tyenges,...... Pierre Honnovre,... Geffroy de Foucheis,... et Renaut de la Broce, Traicteurs des contens meus entre les gens de noble prince et puissant monseigneur Challes, fils de roy de France, conte de Chartres d'une part, et R. P. en J. C. l'evesque de Chartres d'autre. Traiteur,
Qui negotia principum tractat, apud Froissart. 1. vol. cap. 64 :
Si se devoient assembler ces appointeurs en une chappelle.... Le jour ordonné, après la messe et après boire, ces Traiteurs vindrent ensemble, etc.
les Bénédictins de St. Maur, 1733–1736.
Tractator Pacis, Ædilis, scabinus, qui pacem inter cives tuetur, idem qui Paciarius. Vide in Pax. Transactio inter Dominum et incolas de Mazalguis ann. 1501. e Schedis Præs. de Mazaugues :
Licitum sit.... annis singulis creare unum vel duos Tractatores pacis.
les Bénédictins de St. Maur, 1733–1736.
Tractator Venditionis, Cui cura erat vendendi res ad dominum pertinentes. Charta Ludovici Regis Fr. ann. 1484. apud Baluz. tom. 1. Hist. Arvern. pag. 231 :
Ac dicti ipsius Comitis servitores ac dictarum venditionum Tractatores ad requestam dicti Morinoti in vino rubeo ipsius Comitis vinum album loco aquæ pluries posuerant seu miscuerant.
© École des chartes.