VALLATUM, Vallatus, Fossatum, vel locus vallo septus. Charta ann. 1193. inter Instr. tom. 1. Gall. Christ. novæ edit. pag. 79. col. 1 :

Et tangit muros civitatis et Vallatum.

Pactum inter Jacobum Aragon. Reg. et Berengarium Magalon. Episc. ann. 1272 :

Usque ad viam quæ est juxta dogam Vallati Montis-pessulani.

Tabul. S. Victoris Massil. :

Ut quilibet habeat vel in futurum habebit plateas sive luegas juxta dogas Vallatorum murorum dictæ civitatis.

Charta ann. 1070. inter Instr. Gall. Christ. tom. 6. col. 352 :

Refutas... duas tertias partes de feudis quæ tenuit Petrus Liecas de S. Petro extra Vallatos Montis-pessulani ?

Statuta Arelat. MSS. art. 40 :

Addentes quod Vallati qui in directum vadunt seu portendunt in Rodanum, etc.

Tabularium Brivatense ch. 448 :

Cum Ecclesiis in eodem Vallato, seu vico dicatis.

Eximinus Salanova Justitia Aragonum, de militum privilegiis :

Ad constructionem, refactionem, sustentationem et reparationem portarum villæ, Vallatuum sive valvartium, et murorum tenentur.

Adde Observant. Regni Aragon. lib. 6. eodem tit. § 1. et tit. de Munitionib. Charta Rutenensis ann. 1307. ex Regesto 2. Philippi Pulchri Regis Franc. Chartophylacii Regii num. 4 :

Et ex parte inferiori cum domibus Stephani Cantaire, et cum Vallato dicti loci.

Alia ann. 1309. ibid. n. 75 :

Item 16. branchiatas Vallati seu fossati dicti castri, in quo sunt tres domus ædificatæ.

Alia num. 85 :

Vallata, fossata, muros, fortalicia, etc.

Historia MS. bellorum Albigensium in Bibl. Regia pag. 51 :

Mais ainsin que son estats arribats alsdits Valats, (supra, les fossats) et en commensat de donnar l'assaut, etc.