« »
 
[]« 1 viagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 304c. http://ducange.enc.sorbonne.fr/VIAGIUM1
1. VIAGIUM, Iter, Gall. Voiage. Historia fundationis Hospitalis S. Leonardi Eboracensis :
Deinde ad Eboracum declinans, in Ecclesia B. Petri ibidem diu et devote precibus insistens, se et Viagium Deo et B. Mariæ..... humiliter commendabat.
Testam. Bernardi Comit. Armaniaci ann. 1302. apud Marten. tom. 1. Ampl. Collect. col. 1409 :
Item, legamus militibus, scutiferis,.... clericis solmentariis et quartonibus hospitii nostri, qui in isto Viagio nobiscum sunt, etc.
Ordinat. Humberti II. ann. 1340. tom. 2. Hist. Dalph. pag. 396. col. 1 :
Quando extra hospitium pro nostris negotiis (messagerius) transmittetur, habeat pro expensis personæ suæ die qualibet qua vacaverit in Viagio faciendo per eum unum grossum.
Charta ann. 1473. ex Schedis Præs. de Mazaugues :
Ultra sumptum et Viagia quæ contingeret facere.
Occurrit præterea apud eumd. Marten. tom. 2. Anecd. col. 1540. et tom. 3. col. 29. Lobinell. tom. 2. Hist. Britan. col. 855. Menester. in Hist. Lugdun. pag. 78. col. 2. Elmham. in Vita Henrici V. Reg. Angl. cap. 23. pag. 51. in Statutis Massil. lib. 3. cap. 5. 16. 17. 18. et alibi. Veage, in Inquisitione ann. 1378. ex Tabul. Cartusiæ B. M. de parco.
les Bénédictins de St. Maur, 1733–1736.
Viagium, Itineris terminus. Tabul. S. Victoris Massil. :
Videns dominus Admiratus non posse navigare versus Viagium suum, etc.
les Bénédictins de St. Maur, 1733–1736.
Viagium, Expeditio. Elmham. in Vita Henrici V. Reg. Angl. cap. 29. pag. 69 :
Rex cum exercitu et captivis per medium campi, quo commissum erat prælium, tanquam viam suo Viagio apciorem, rediens, etc.
Infra pag. 79 :
Ducem Bedfordiæ hujus Viagii capitaneum constituit et præfectum.
les Bénédictins de St. Maur, 1733–1736.
Viagium, Itineris pretium, præstatio pro facultate iter faciendi. Charta ann. 1368. ex Tabul. S. Victoris Massil. :
Item quælibet galea solvat pro Viagio quinque renos. Item quælibet barchia de pallela aut de tymono bayonesto pro quolibet Viagio 3. grossos.
Vide Viaticum.
les Bénédictins de St. Maur, 1733–1736.
Viagium, Peregrinatio, et maxime Hierosolymitana. Chron. Corn. Zantfliet apud Marten. tom. 5. Ampl. Collect. col. 211 :
Et ne juxta legem patriæ oporteret maximam partem superstitum diversa Viagia, secundum exigentiam culparum exsolvere, qui forsitan in itineribus morerentur,... decreverunt concorditer unam erigi capellam, etc.
Occurrit rursum col. [] 476. Procuratio Edwardi I. Reg. Angl. ann. 1289. apud Rymer. tom. 2. pag. 420 :
Librarum Turonensium nobis dudum mutuatarum in Viagio et pro Viagio nostro ad Terram sanctam.
Menoti Serm. fol. 147. v° :
Tu promisisti Viagium tuum : maritus tuus non vult quod adimpleas : tu non obligaris.
Vide Via Sanctorum.
P. Carpentier, 1766.
◊ Veage de la Croix, Expeditio Hierosolymitana, in Test. Petri comit. Alenc. ann. 1282. pag. 182 :
Donnons planier pouoir à nos executeurs, s'il avenoit par aventure que nous ne peussions mie aler en Veage de la Croix, etc.
Vide infra Voiagium.
les Bénédictins de St. Maur, 1733–1736.
Viagium Septem Sanctorum. Inquisitio MS. pro Canonisat. S. Yvonis :
Nobilis vir D. Alanus de Keraxraiz miles et domina Theophania de Pestivien ejus uxor, cum vellent transfretare...... ad faciendum Viagium septem Sanctorum, etc.
P. Carpentier, 1766.
◊ An ad septem pueros martyres in Sicilia, de quibus tom. 3. Mart. part. 611. et tom. 1. Apr. pag. 809 ?
les Bénédictins de St. Maur, 1733–1736.
Viagium, Processio. Obituar. MS. Eccl. Morin. fol. 30 :
Item in conductu processionali feretri B. Mariæ et in ejus regressu quilibet habituatus de gremio ecclesiæ Morinensis et omnes alii supra in articulo præcedenti declarati, cum aliis servitoribus in Viagio dicti feretri ordinatis per capitulum, quilibet percipit tertiam partem quatuor denariorum.
© École des chartes.