VINARIUS, Glossarium mediae et infimae latinitatis, Du Cange et al.

« Vinarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 338b. http://ducange.enc.sorbonne.fr/VINARIUS

VINARIUS, Vinosus, qui multum vini bibit, οἰνοπότης, ὁ πολὺ πίνων, in Gloss. Gr. Lat. Usurpant Lex 4. § 1. et lex 25. § 6. D. de Ædilit. Edict. (21, 1.)

les Bénédictins de St. Maur, 1733–1736.

Vinarius, Torcular. Gloss. Lat. Gr. Vinarius, ὑπολήνιον. In MSS. Sangerm. Lacus vinarius.

Vinarius, Qui vina vendit, institor vinarius : οἰνοπώλης, in iisdem Glossis Gr. Lat. Victor Schotti in Galieno :

Inter hæc ipse popinas ganeasque obiens, lenonum ac Vinariorum amicitiis hærebat, etc.

Senator lib. 10. Epist. 28 :

Et ideo arcarios, prorogatores tritici, vini et casei, macellarios, Vinarios, Capitularios horreariorum et tabernariorum, etc.

Mentio est apud Lampridium, ut Corporis vinariorum Lugdunensium, in vet. Inscript. 466. 7. Prince des Viniers, qui institoribus vinariis præest, in Statuto pro iisdem ann. 1373. tom. 5. Ordinat. Reg. Franc. pag. 614 :

Aïant lesdis seignifians ordenné, et accoustumé de tres lonc et ancien temps, à faire eslire et renouveller de commun assentement et par l'accord de chascun d'eulx, chascun an, un chief auquel il ont recour, conseil et advis sur les fais dessus diz, lequel ont dist et appellé le Prince des Viniers.

Vinarius, Officium Monasticum, cui vini cura incumbit. Tabularium Cisoniense ann. 1266 :

Conventus quoque Vinarium sibi eligat, et vinis præponat, ut fieri solet, per diversum in officio suo duraturum, etc.

Historia ejusdem Monasterii pag. 528 :

Potest autem dictus Abbas officiales suos et obedientiarios, excepto Vinario Conventus, instituere et destituere pro suæ libito voluntatis. Frater Vinarius

dicitur apud Joan. Monachum Bertinianum in Vita S. Bernardi Pœnitentis num. 18. Custos vini, apud Bernardum Monach. in Consuetud. Cluniac. MSS. cap. 9. ubi de ejus officio hæc habet :

Custos vini est, qui vinum recipit et custodit, vindemia consummata, sicut granatarius de annona, etc.

Adde Udalricum in iisd. Consuet. lib. 3. cap. 19. Vide Vineator et Vinitarius.