URBS, Glossarium mediae et infimae latinitatis, Du Cange et al.

« Urbs aurea » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 383a. http://ducange.enc.sorbonne.fr/VRBS

URBS Aurea, Roma. Petrus Diaconus lib. 4. Chron. Casin. cap. 125. de Lothario Imp. :

Juxta auream Urbem pervenit. Auream Romam

dixit etiam Martialis lib. 9. Epigr. 60 :

In septis Mamurra diu, multumque vagatus

Hic ubi Roma suas Aurea vexat opes.

Juvencus lib. 1. initio :

Non orbis, non regna hominum, non Aurea Roma.

Et Prudentius in Apotheosi :

Et venerata Deum percenset Aurea Roma.

Catwelphus in Epistola ad Carolum M. Regem :

Auream et Imperialem Romam intrasti, et Italiarum regna cum omnibus preciosis a Rege Regnorum suaviter accepisti, etc.

Carmen de Carolo Calvo Imp. v. 17 :

Aurea cum totum regnaret Roma per orbem

Consiliis, sublime caput solenniter astris

Extulit, ac tonitru sonuit per climata mundi.

Auctor Panegyrici Berengarii Imp. :

..... Valeat tuus Aurea Princeps

Roma diu, etc.

Adde Vitam S. Faronis cap. 124. Vitam S. Adalberti Episc. Pragensis n. 12. Alcuinum Poem. 178. etc. In sigillis præterea Imperatorum Auream Romam dici annotat Angelus a Nuce.

les Bénédictins de St. Maur, 1733–1736.

Urbs Æterna et Æternabilis, itidem Roma appellatur, in leg. 3. Cod. Theod. de Collat. donat. (11, 20.) et in leg. 11. eod. Cod. lib. 15. tit. 1. de Operib. publ. Vide Præfat. Baluzii in Reginonem.

les Bénédictins de St. Maur, 1733–1736.

Urbs Lapidum, Carnutum sic appellabatur : rationem docet Agano in Præfat. ad Libr. Chartarum S. Petri Carnot. :

Erat (urbs Carnotensis) ex quadratis immanissimis lapidibus constructa, altisque turribus munita, et idcirco Urbs lapidum vocitata.

les Bénédictins de St. Maur, 1733–1736.

◊ Urbs seu Civitas, ut Roma, sic Alexandria ϰατ᾽ ἐξοχὴν est appellata, in Cod. Theod. leg. 15. tit. 12. lib. 12. de Legat. et leg. 9. tit. 1. lib. 15. de Operibus publ. Vide ibi Gothofredum.

les Bénédictins de St. Maur, 1733–1736.

◊ Urbs et Oppidum idem sonat Valesio in Præfat. ad Notitiam Galliarum

pag. xiii. et seq. Vide Oppidum. Urbs pro Civitas dicta interdum sedes Archiepiscopi, præcipue in monetis, ut observat Le Blanc de Monet. pag. 155. vel 167. Vide Castrum et Civitas.

P. Carpentier, 1766.

◊ Consule Du Bos tom. 2. Hist. critic. monarch. Franc. 2æ edit. pag. 17.