CAUCIA. Vestigium animalis a calceus sic dictum. Statuta Arelat. MSS. art. 87 :

Roueria levatarum et Caucie et receptacula cyrogrillorum cumulentur.

Provincialibus Caucigar, Calcare. Vide Causia.

1. CHAUCIA, Agger, moles, Gall. Chaucée. Charta ann. 1336. ex Chartul. eccl. Lingon. Cod. reg. 5188. fol. 105. v°. :

Eadem domina... faciat decenter et sufficienter refici et aptari septa sive Chauciam stanni prædicti, ita quod bene et sufficienter possit eadem Chaucia aquam ejusdem stanni sive ipsi stanno utilem et necessariam continere.

Vide Chaucida.

2. CHAUCIA, Venatio, Gall. Chasse. Charta ann. 1316. ex Reg. Ludov. in Chartoph. reg. fol. 6. v°. :

Concessit domino Othoni de Grandissone.... Chauciam seu venationem ad cuniculos et minorem feram in boscis de Pontibus super Secanam.

Vide supra Chassia 2.

CHOCHIA, Coquina, Gall. Cuisine, Angl. Kitchin, Belg. Keucken. Literæ Galteri ann. 1218. e Tabulario Ecclesiæ Audomarensis :

Notum facio quod ordinationem de quinque officiis factam, videlicet Subpræpositura, Magisterio Scholarum, Pistoria, Celeraria et Chochia.... Est autem forma ordinationis talis, quod Pistoria, Celeraria et Chochia ad commumunes usus Ecclesiæ nostræ cedent.

Vide Cochia.

1. COCHIA. Charta Joan. comit. Fores. ann. 1296. apud Charvet. Hist. Vien. pag. 669 :

A fluvio Rodani usque ad Cochias seu cacumen S. Salvatoris, in quibus Cochiis seu cacumine, etc.

Vide infra Cocolarius.

2. COCHIA, Coquina. Consultatio Philippi Cancellarii Paris. ann. 1218. ex Tabulario Audomarensi :

Dicit Præpositus se esse in possessione dandi illa quinque beneficia... Decano et Capitulo inconsultis, Subpræpositum in Subpræpositura, Magistrum Scolarum in Scolastria, Pistorem in pistoria, Cellerarium in celleraria, Cocum in Cochia.

Vide Chochia.

COCIA, Mensura frumentaria, sextarii pars trigesima. Pedag. Avenion. ann. 1215. ex Cod. reg. 4659 :

Lesda bladi accipiatur in hunc modum, videlicet quod de singulis tribus manganariis bladi aut leguminis accipiant pro lesda unam Cociam, et illa Cocia sit tanta, quanta est Cocia sextarii, ita quod xxx. cocinæ faciant sextarium.

Vide in Cossa.

1. COSSA, Cosca,Cossia, Pensitationis species Provincialibus nostris nota. Coisse, ou droit de mesurage, exponitur in Histor. Monast. S. Barbaræ Lugdun. cap. 40. n. 4. Charta pro Communia de Balneolis ann. 1208. inter Schedas D. Lancelot :

De omnibus illis quæ ad mensuram venduntur vel emuntur datur de sextario una Cossa, quarum xxxii. complent eminam.

Charta Beatricis Comitissæ Provinciæ ann. 1245 :

Salvis..... lesdis, et Cossis, et pedagiis, et boagiis consuetis.

Sententia anni 1216. in parvo Chartulario S. Victoris Massil. fol. 157. v° :

Item homines Ecclesiæ immunes sunt a lesdis, Coscis, a talliis et quistis et exactionibus quibuscumque.

Charta Willelmi Comitis Folcalcarii ann. 1206. pro Manoscensibus, apud Columbum pag. 470 :

Nec teneantur solvere.... bladagium, sive albergam, nec contalagium, sive civatam, nec Cossias, sive medias Cossias de eorum bladis, et rebus quæ ad mensuram sestarii venduntur et mensurantur.

Donatio Reg. Ludovici Comitis Provinciæ ann. 1349. ex Schedis Præsidis de Mazaugues :

Cossias bladorum et partem quam percipit curia Regia in lesdis, focagiis castri, etc.

Statuta Avenion. lib. 1. rubr. 25. art. 1 :

Molendarius habere teneatur duas mensuras, vulgo vocatas Cossas signatas signo Curiæ.

Exiguam hanc mensuram Provinciales etiamnum appellant Cuesso : qua mensura cum uterentur in percipiendis pensitationibus frumentariis, hujuscemodi pensitationes Cossas vel Cossias vocavere. Vide Copanagium in Cupa 3.