« »
 
CLOCA 1, CLOCA 2, CLOCA 3, CLOCHA 1, CLOCHA 2.
[]« 1 cloca » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 375a. http://ducange.enc.sorbonne.fr/CLOCA1
1. CLOCA, pro Cloaca, Si bene conjecto, Fossa major in agris, per quam eluuntur imbrium aquæ. Charta permutationis inter Petrum de Ferreriis, etc. ann. 1304. ex Archivo D. Marchionis de Flamarens :
Confrontatis et adjacentiatis inter terram dicti Domini Petri ex parte [] una et vineam Guilhermi Sabaterii versus quamdam Clocam supra seram.
© École des chartes.
[]« 2 cloca » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 375b. http://ducange.enc.sorbonne.fr/CLOCA2
2. CLOCA, Clocca, Campana : nostris Cloche. Papias : Amplare, ris, (leg. applare) Cloca, signum, Campana. Capitul. Caroli M. ann. 789. cap. 7 :
Ut Cloccæ non baptizentur.
S. Bonifacius Moguntin. Epist. 9 :
Et si vobis laboriosum non sit, ut Cloccam unam transmittatis.
Ibidem Epist. 89 :
Clocam, qualem ad manum habui, tuæ Paternitati mittere curavimus.
Alcuinus Poem. 203 :
Semper in æternum faciat hæc Clocula tantum
Carmina, sed resonet nobis bona Clocca cocorum.
Vita S. Anscharii Archiepiscopi Bremensis num. 84 :
Insuper etiam, quod antea nefandum Paganis videbatur ut Cloca haberetur in Ecclesia, consensit.
Vita Aldrici Episc. Cenoman. pag. 126 :
Plenam et legalem vestituram per Cloccas et ostia senioris ipsius monasterii... solemniter fecerunt.
Hariulfus lib. 2. Chron. Centul. cap. 10 :
Cloccaria auro parata 3. Cloccæ optimæ 15. cum earum circulis, skillæ 3.
Vita S. Remberti Archiepisc. Bremens. n. 8 :
Signumque Ecclesiæ unum, quod nos Cloccam vocamus.
Tabular. S. Remigii Remensis :
Cloccas 3. de metallo 1. de ferro.
Anonymus Thuanus MS. :
Dic Cloquam turris, scalam, testamque limacis.
A Saxonico Clugga deducit Somnerus ; alii a Cermanico Clocke, Campana. Jacobus Bourgoing lib. de Orig. et usu vulgar. vocum pag. 66. a Græc. ϰέϰληται, vocare : vel a glocitu gallinarum, etc. Anglo-Britannis, Clocc, est Horologium, Cloch, Campana, nola, Clochdy, Campanarium. Apud Somnerum in Gloss. Saxonico, Cloccan, est glocire, glocitare, singultire, bombum sive sonitum edere : sed has fortean voces a Germanico Clock hauserant Anglo-Saxones, atque hi etiam a Latino, Glocire, vel potius ab ipso sonitu.
Cloquemannus, Presbyter, cui campanarum Ecclesiæ cura, easque pulsare incumbit : ita etiamnum appellatur, in Ecclesia Ambianensi. Tabularium Episcopat. Ambian. ann. 1327 :
Item super alia captione Thomæ Cloquemandi et sex pulsatorum dictarum campanarum, etc.
Ita dictus quasi homo campanarum. Id enim sonat vox man. Ubi observandum præterea dici præfectum cæteris pulsatoribus. Statuta MSS. Capituli S. Audomari :
Cloquemannus qui in Vigiliis et Commendationibus tenebitur solemniter pulsare, habebit quatuor solidos Parisienses. Item cum ad Præpositum pertinet ponere Custodes, scilicet Majorem et Minorem et Campanarium Gallice, Cloqueman, custodire, vel facere custodire periculo suo jocalia, Reliquias, etc
. Vide Campana et Campanarius.
les Bénédictins de St. Maur, 1733–1736.
Clocquemani, Pulsatores quilibet campanarum. Obituarium Ecclesiæ Morinensis fol. 34 :
Habebunt, Clocquemani Ecclesiæ onus ipsum accendendi et extinguendi finito dicto Salve.
Et fol. 39. v° :
Clocquemanis ad onus titubandi grossam campanam, ut moris est, 12. den.
Occurrit ibid. fol. 36. et 42.
Glogga, Idem quod Cloca, Campana. Antiq. Fuldenses lib. 1. Tradit. 46 :
Duo tintinnabula, una Glogga, duo scrinia.
Lib. 2. Tradit. 39 :
Glockæ 4. et unum tintinnabulum, etc.
Rhabanus in Epist. ad Simeonem :
Mitto vobis unam Gloggam, et unum tintinnabulum.
Ita etiam Eigil in Vita S. Sturmii Abbat. Fuld. cap. 24.
Glocca, in Vita S. Wnebaldi Abbatis [] Heidenhemensis cap. 25 :
Illa Glocca in Ecclesia sine manibus hominum... se commovere cœpit.
les Bénédictins de St. Maur, 1733–1736.
Cloccum, in Vita S. Bonifacii Archiep. tom. 1. SS. Junii pag. 472.
les Bénédictins de St. Maur, 1733–1736.
Clocha, in Actis S. Golvenni MSS. et apud Lindwodum Provinciali Cantuar. pag. 123. Clocha banni, quæ pulsabatur dum Princeps viros nobiles ad militaria munera convocabat, apud D. Brussel tom. 2. de Feudorum usu pag. 721.
Klockum, in Vita S. Liobæ Abb. cap. 6. Vide Crocea.
Clocarium, Cloccarium, Gall. Clocher. Campanarium. Glossæ MSS. : Toral, sedes vel Clocarium, vel longa mappa. Vita Aldrici Episcopi Cenomanensis num. 34 :
In præfata seniore et matre Ecclesia Civitatis duodecim signa ex metallo optimo fundere, et firmare studuit, quæ in jam dicta Ecclesia decenter in Clocariis collocavit.
Ademarus Caban. :
Ibidem Clocarium incœptum est.
Gaufredus Vosiensis lib. 1. cap. 40 :
Signa Clocarii, claustra, officinæ,... igne cremata sunt.
Adde cap. 66. Chron. Dolense ann. 1210 :
Cecidit Clocarium Dolense.
Hariulfus in Vita S. Angilberti Abb. inter Acta SS. Benedict. sec. 4. part. 1. pag. 116 :
Cloccaria auro parata tria, cloccæ optimæ quindecim, etc.
Occurrit præterea non semel apud Henricum Knyghton. in Chron. et in veteri Charta apud Puricellum in Ambrosiana Basilica pag. 668. 671. 673. necnon etiam in Chron. MS. Ytherii Monachi S. Martialis Lemovic. ad ann. 1214. inter Frag. Hist. Stephanotii nostri tom. 1. et in Antiquo Regesto S. Martialis Lemovic. ann. 1222.
Clocherium, apud Nangium in Chron. ann. 1283. et in Charta visitationis Monasterii Castrensis ann. 1261. ex Archivo S. Victoris Massil.Cloquerium, apud Gariell. in Episc. Magalonensib. pag. 143.
les Bénédictins de St. Maur, 1733–1736.
Clocherii Abbas, Idem qui Cloquemannus, in Charta Ecclesiæ Aniciens. ann. 1312. Vide Abbas Clocherii.
les Bénédictins de St. Maur, 1733–1736.
Cloquerium Ecclesiæ, apud Edm. Marten. tom. 1. Anecd. col. 783.
© École des chartes.
[]« 3 cloca » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 375c. http://ducange.enc.sorbonne.fr/CLOCA3
3. CLOCA, Vestis species, quæ equitantium et peregre euntium propria fuit : sic nuncupata quia forte campanæ aut circuli, uti apud Græcos Cyclas, speciem referebat, quæ in superiori parte strictior, in ima largior, circulum quodammodo formabat, cujusmodi Flandrense Domicellæ, utuntur. Angli etiamnum Cloake pallium vocant. Statuta Hospitalis S. Juliani, in Additamentis ad Matth. Paris pag. 164 :
In equitando Cloca rotunda competentis longitudinis, capello nigro, freno, calcaribus, botis, et aliis ornamentis utuntur.
Statuta Synodalia Guillelmi Majoris Episcopi Andegav. ann. 1298 :
Inhibitum (fuit) ne Abbates, Monachi, Priores, et alii Religiosi, qui secundum instituta majorum cappas clausas de panno nigro deferre tenentur, houcias et Clochias deferre præsumerent, etc.
Occurrit ibi rursum. Testamentum Pauli Episc. Massil. ann. 1433. ex Archivo ejusd. Eccl. :
Item legamus Clochiam nostram, tunicam nostram rastacii foderatam, etc.
Charta fundat. Hospitalis S. Joannis in civitate Cowentriæ in Angl. tom. 2. Monast. Angl. pag. 430 :
Sorores velo albo utantur cum togis et mantellis talaribus, vel Clochis clausis, cum proficiscuntur, quibus etiam, ubicumque fuerint extra domum religiose utantur.
Concilium Londinense ann. 1342. can. 2. de Clericis :
Epitogiis ac Clocis furratis uti... non verentur.
[] Concilium Andegavense ann. 1365. can. 20. de iisdem :
Nec chlamydes fixas super humerum, sed clausas, largas, longas et honestas, nec Clocas, sericatas sive consutas de serico alterius coloris quam fuerint Cloca, vel mantellus seu cappa, deferant.
Cap. 19. Rotundellos appellavit : ex Gallico forte Rondeaux. Computum Stephani de la Fontaine Argentarii R. ann. 1351. Capite
des Pennes et Fourrures pour le Duc d'Orleans : Pour fourrer 2. paires de robes de 4. garnemens chascune, etc. Pour les 2. surcos de chacune robe 2. fourrures de menu vair tenant chacune 240. ventres, manches 50. chaperon 100. et la Cloche 280.
Infra :
Pour fourrer sa robe de Noël, etc. Pour les 2. surcos 2. fourrures de menu ver, tenant chacune 240. ventres, pour manches 50. pour le chaperon 100. et pour la Cloche 306.
Alibi :
Une livre d'or de Chippre en canet pour faire rubans aux Cloches de Nosseigneurs.
Ibidem :
Pour 8. letices à pourfiller les Cloches d'icelles robes.
Computum incipiens 28. Aug. 1350 :
Pour tondre deux marbres bruns de Saint Omer, pour faire Cloches à chevaucher ausdites Damoiselles.
Vide Rotundellus.
P. Carpentier, 1766.
◊ Stat. capit. Bened. apud Compend. celebrati ann. 1379. ex Bibl. S. Germ. Prat. :
De Clocis autem fissis ad latus idem decernimus observandum.
Inventar. Guidonis de Kaours mag. monet. ann. 1321. in Reg. A. 2. Cam. Comput. Paris. fol. 12. v° :
Item une Cloche, ou fonds de cuve de deux dras, c'est assavoir marbre camelin et pers.
Lib. rub. fol. parvo domus publ. Abbavil. fol. 55. r° ad ann. 1322 :
Avoit emblé une Clake et un mantel, lequele Clake ele avoit vendu à un viesier.
Rectius fol. 54. v°. Une Cloke de drap. Vide infra Cloqua.
P. Carpentier, 1766.
Clocha, Eadem notione. Testam. Phil. Episc. Sabin. 1372. ex Cod. reg. 9612. A F. :
Item sorori primogenitæ Andronetæ Clocham suam de blanco claro, cum qua maritetur, cum capuciis folratis de variis.
© École des chartes.
[]« 1 clocha » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 376a. http://ducange.enc.sorbonne.fr/CLOCHA1
1. CLOCHA, Campana. Vide in Cloca 2.
© École des chartes.
[]« 2 clocha » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 376a. http://ducange.enc.sorbonne.fr/CLOCHA2
2. CLOCHA, Clochia, Vestis genus. Vide Cloca 3.
© École des chartes.