1. FACERE, Commorari. Exodi cap. 34 :

Fecit ergo ibi cum domino Moyses 40. dies et 40. noctes, etc.

Papianus in leg. Miles, ad leg. Jul. de Adulter. (lib. 48. tit. 5. fr. 11. § 5.) :

Ne sibi computarentur dies, quos in custodia Fecisset.

Adde leg. 14. D. de Statu lib. (40, 7.) In Monumentis Christianis :

Fecit annos xx. etc.

pro vixit, passim habetur, apud Gruterum 447. 3. 838. 12. 842. 7. 1051. 1. 1176. 9. In Actis Apostol. cap. 18 : Ποιήσας χρόνον τίνα. Et cap. 20 : Ποιήσας τε μῆνας τρεῖς. Occurrit hæc loquendi formula non semel apud Scriptores, Senecam Epist. 67. Capitolinum in Maximo, Julianum Antecess. Constit. 15. § 57. in Collat. Carthag. cap. 142. apud S. Jacob. Ep. 4. in Actis S. Theogenis Mart. n. 12. S. Fructuosi n. 2. in Actis SS. Nicandri et Marciani apud Carracciolum sub finem, apud Gaufridum lib. 2. de Vita S. Bernardi cap. 3. Anastasium Bibl. in S. Marcello PP. in Hist. Eccl. pag. 77. 99. Domnizonem lib. 2. cap. 18. Lupum Ferrar. Epist. 4. etc. Vide Glossar. Pithœi ad Julianum Antecess. et Marin. Pap. Diplom. num. 73. not. 34. Ubi Fecit mensis talis dies tot, etc. Loquendi formula frequens in Actis quinti et sexti sæculi, pro diei ac mensis charactere. Nicetius Episcop. Epist. 2. tom. 1. Concilior. Gall. pag. 323 :

Per festivitatem S. Martini, quam undecima die Facit November.

Vetus Epitaph. in Monast. S. Crucis Burdegalensis :

Hic requiescit bone recordationis humilis KPI. Monmolenus, qui vixit annus CCC. (circiter)septuaginta, aput quem nullus fuit dolus malus, qui fuit sene ira jocundus, hoc est accepit transitum sub die VI. Iidus Augustas, ubi fecit Augustos dies septem, anno V. regnum Donni nost

. Chlodovei res †. Alia bina Epitaphia conjugum paris, inventa in Ecclesia S. Acheoli juxta Ambianum ann. 1660 : †.

Leudelinus hic requiescit in pace, vixit annus L. defunctus est ubi Ficit genar. dies XV.

†

Valdolina hic requiiscit in pace, vixit annus XXX. defuncta est, ubi Ficit Julius dies XXVIII.

Tabular. S. Cyrici Nivern. ch. 28 :

Theotbaldus scripsit et dictavit in mense Octobris ubi Fecit dies 13. anno 1. regnante Ludovico Imperatore.

Hujusmodi diem et mensem adscribendi formulas similes proferunt placita vetera optimæ notæ, quæ Jo. Mabillonius eruit ex veteribus corticeis membranis Monasterii S. Dionysii, quas una cum eodem viro doctissimo ac humanissimo videre contigit in Chartophylacio ejusdem Monasterii ann. 1671. et tom. 4. Actorum SS. Ord. S. Benedicti inseruit pag. 617. 618. 620. Ea autem fere semper ita clauduntur :

Datum quod Fecit mensis Augustus dies duodecim. Datum quod Fecit mensis Junius dies quinque, etc.

Vide Vitam Aldrici Episc. Cenoman. num. 69. et Acta Episcopor. Cenomanensium tom. 4. Analector. Mabillonii, ubi hæc formula passim occurrit, et infra Quod fecit.

2. FACERE, Gall. Faire avec quelqu'un, hoc est, Rem conficere, negotium peragere, pacisci. Gregorius M. lib. 2. Ind. 2. Epist. 32 :

De Neapolitana vero urbe... vobis indicamus, quia ut cognovimus, cum Arnulpho se Fecit, et reipublicæ contra fidem venit.

Anonymus Barensis in Chr. ann. 1073 :

Et secundo die intrante Febr. Fecit cum ipso Duce.

An. 1089 :

Mortuus est Urso Archiep. et electus est Helias, et Fecit Bari cum Boamonte.

Idem ann. 1080 :

Ipse Dux Fecit fine cum Bari, et mense Aprili Fecit Taranto cum illo et Trane.

3. FACERE, Colere, arare. Capitul. de villis cap. 8 :

Ut judices nostri vineas recipiant nostras, quæ de eorum sunt ministerio, et bene eas faciant.

Codex MS. Irminonis Abb. Sangerman. fol. 27. verso col. 1 :

Radoardus lidus et uxor ejus lida... Faciunt in vinea arpen. iiii. in unaquaque ebdomada et curvadas ii.

Ibid. fol. 28. col. 2 :

Macebodus colonus... Facit in vinea dimid. arpen. et Facit ortum dominicum.

Donatio anni 1164. apud Acherium Spicil. tom. 8. pag. 196 :

Adhuc etiam dederunt terram illam quæ est ad Rocam caducam, quam Faciunt Pontius Balzans et Pontius Alonis, et terminatur, etc.

4. FACERE, Dare, præbere. Charta Geraldi Abb. S. Joannis Angeriac. ann. 1385. ex Chartulario ejusd. Monasterii pag. 458 :

Item qualibet die pro Fratribus mortuis nominatis in Capitulo debet Facere dominus Abbas et vinum in refectotorio de Conventu.

Ibid. pag. 459 :

Item Camblentus debet Facere per medietatem Quadragesimæ... centum pauperibus cuilibet duo allecia.

Item pag. 460 :

Debet Facere jadellos et scutellas et tersoria ipso die ad faciendum Mandatum.

Rursum occurrit pag. 464.

5. FACERE, Tradere vel disponere. Leges Luithprandi Regis 64. (6, 11.) apud Murat. tom. 1. part. 2. pag. 64. col. 1 :

De eo præcipimus, qui filiam in capillo in casa habuerit, et filium non reliquerit legitimum, ut de rebus suis amplius per nullum titulum cuicumque per donationem, aut pro anima sua Facere possit, nisi partes duas, tertiam vero relinquat filiæ suæ, sicut gloriosissimus Rotharis Rex disposuit.

6. FACERE, Dicere affirmare. Leges Rachis 3. tom. 1. part. 2. apud Murat. pag. 86. col. 1 :

Si quis Langobardus qualemcumque hominem aldium aut servum suum Facere voluerit (i. e. suum esse voluerit contendere) et ipse ad palatium venerit ad proclamandum.

8. FACERE, Homines, Milites conscribere, Gall. Lever les troupes, Faire des hommes. Occurrit apud Rymerum tom. 3. pag. 540. col. 2.

15. FACERE, Assignare, statuere. Scacar. apud Cadom. ann. 1234. in Reg. S. Justi Cam. Comput. Paris. fol. 27. v°. col. 1 :

Quando domina petit dotalium suum, reus non habebit nisi unam essogniam ; et post defautam, citabitur reus ad assisiam ; et si venerit, dabit defautam et Faciet dotalium ; si non venerit, rex Faciet.

16. FACERE, Cantare. Acta Mss. capit. Paris. :

De funeralibus reginæ Franciæ cum omnibus cæremoniis 15. Febr. 1513. Missam decantavit reverend. dom. Cenonomanensis : archiepiscopus Lugdunensis evangelium Fecit, cui assistebant abbas S. Genovefæ et Guillelmus Hector canonicus : epistolam vero dom. Senonensis, cui assistebat abbas de Rota portans librum et Thomas Du Prat canonicus.

Reg. visitat. Odon. Archiep. Rotomag. ex Cod. reg. 1245. fol. 509 :

xj. Kal. Januarii Rothomagi Fecimus nostrum O.

1. FORUM, Nundinæ, feriæ, Foires. Charta Lotharii Imperatoris, filii Ludovici Pii, in Tabulario Ecclesiæ Viennensis fol. 4 :

Quia Agilmarus venerabilis Archiepiscopus ad nostram accedens Majestatem, retulit, quod in pago Lugdunensi, in villa scilicet, quæ vocatur Pavasianis, super proprium suum, quoddam Forum, publicumque construere et convocare vellet mercatum, deprecans, ut ei illud concederemus, quod inde ad jus publicum exigi poterat.

Henricus Aquilonipolensis de Lubeccanæ Urbis primordiis lib. 1. cap. 5 :

Bis Forum in hebdomada statuit generale, etc.

Leges Burgorum Scoticor. cap. 40 :

Mercator sive institor, qui habet stallum coopertum in die Fori, vel botham in Foro die Fori, dabit obolum pro consuetudine et custuma sua.

Adde Statuta secunda Roberti I. Regis Scotiæ cap. 32. Charta Alan. Episcopi Autissiodorensis :

Justitita Episcopi est ; Forum et theloneum Episcopi est, quidquid de Foro exit, et justitia de omnibus hominibus, qui venerunt, infractura castri, et rapina, et incendium, Episcopi est.

Thwroczius in Bela I. Rege Hungar. cap. 45 :

Iste enim omnia Fora die Sabbati constituit, pro vendendo et emendo.

Etiam usurpant Consuetudines villæ de Regula apud Labbeum tom. 2. Bibl. pag. 744. Innocentius III. PP. lib. 13. Epist. 95. etc. Vide Mercatura.