« »
 
SOCIETAS 1, SOCIETAS 2, SOCIETAS 3, SOCIETAS 4, SOCIETAS 5.
[]« 1 societas » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 506b. http://ducange.enc.sorbonne.fr/SOCIETAS1
1. SOCIETAS, Eadem notione qua Italis Socida. Vide in hac voce. Nostris Société en commande, vel commandite ; in tractu Bressiæ et Bugiæ Commande de bestiaux. Vide Commenda 3.
Tenere ad Societatem
, est tenere ad medietatem fructuum. Hinc Societarius dicitur ejusmodi societatis particeps. Litteræ Offic. Atrebat. ex Chartul. Montis S. Eligii pag. 146 :
Item confessi sunt dicti venditores se vendidisse abbati et conventui prædictis Societates quas personæ infra scriptæ de ipsis tenebant.... Nec tenebitur ecclesia de Monte S. Eligii aliquid apponere in dictis terris quæ tenentur ad Societatem excolendis et seminandis : immo percipiet tertiam partem fructuum earumdem, hoc salvo quod Societarius debet percipere terragium in eadem tertia parte secundum quantitatem ejusdem.
Vide Medietarius, et Soistura. Hinc
In Socio Dare, Donner à moitié. Edictum Rotharis Regis tit. 95. § 3. 238. et Lex Longob. lib. 2. tit. 32. § 3 :
Servus massarius licentiam habeat de peculio suo, id est, bovem, vaccam, caballum similiter et de minutis peculiis in Socio dare et in Socio recipere, etc.
© École des chartes.
[]« 2 societas » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 506b. http://ducange.enc.sorbonne.fr/SOCIETAS2
2. SOCIETAS inter Monachos variorum monasteriorum, qua sua sibi invicem bona ita communicabant, ut tanquam fratres alterius monasterii haberentur. Vide Fraternitas 3.
© École des chartes.
[]« 3 societas » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 506b. http://ducange.enc.sorbonne.fr/SOCIETAS3
3. SOCIETAS, Militarium turma. Plures exstitere ejusmodi societates inter quas celebriores sunt
Societas Britonum
in Mirac. MSS. Urbani V. PP. :
Nobilis Johannes de la Chalma diocesis Valentinensis ann. 1374. cum Societates Britonum cepissent castrum appellatum Sahon super Rodanum, manus eorum evadere volens, etc.
Societas Catalanorum quæ et
Universitas fœlicis Francorum exercitus existentis in partibus imperii Romaniæ
inscribitur in Litteris ann. 1314. tom. 2. Hist. Dalph. pag. 151. col. 2. Bulla Clementis VI. PP. ann. 1346. ibid. pag. 533. col. 1 :
Cæterum super hoc quod sententias olim promulgatas adversus illos de magna Societate Catalanorum in ducatu Athenarum existentium, etc.
Societas Hispanorum, in Charta ann. 1361. ex Schedis Præs. de Mazaugues :
Pro parte regiæ et reginalis curiæ, ac dictæ provinciæ ex una parte, et comitem Tristamene ac ejus fratres et certos alios caporales Societatis Ispanorum guerram facientes in dicta provincia, et eam nimis dispendiose tenentes impeditam ex parte alia.
Magna Societas, de qua hæc scribit Innocentius VI. PP. ad Johannem Reg. Franc. apud Marten. tom. 2. Anecd. col. 910 :
Intellectis..... guerrarum fremitibus per nonnullas gentes nefarias, quæ se Magnam Societatem appellant, in regni tui finibus exortis, etc.
Vide Compagnia. Hinc
les Bénédictins de St. Maur, 1733–1736.
Societas, Exercitus, in Gloss. Gasp. Barthii ex Hist. Palæst. Roberti Mon. apud Ludewig. tom. 3. Reliq. MSS. pag. 110.
P. Carpentier, 1766.
◊ Ii a principibus acciti, dehinc ab ipsis dimissi stipendioque destituti, sub aliquo duce omnia devastabant et deprædabantur ; quos ita describit Gualv. de la Flamma ad ann. 1341. apud Murator. tom. 12. Script. Ital. col. 1031 :
Congregati sunt viri scelerati et pestiferi ex partibus Alamanniæ, Italiæ, Tusciæ, qui dicti sunt Societas. Et fuerunt homines sine jugo, absque rege, absque lege, viventes de rapinis, nulli parcentes ætati. Hi fuerunt viri instabiles, docti ad omne scelus, civitates et castra obsidentes.
Præter memoratas supra ejusmodi Societates, Societatis Albæ et Societatis Fortunæ meminit[] Murator. tom. 1. Antiq. Ital. med ævi col. 905. Inter præcipuas erat Societas dicta La Margot. Vide supra in hac voce et Sociales.
P. Carpentier, 1766.
◊ Alterius generis est, sicariorum videlicet conductitiorum, Societas, de qua in Lit. official. Lingon. ann. 1321. ex Reg. 61. Chartoph. reg. ch. 288 :
Item quod dictus clericus prædicta delicta..... fecit seu fieri et perpetrari fecit...... per quosdam homines, qui vocabantur de Societate seu de conspiratione et confœderatione vocatorum de la bonne voluntey.
De Societate de la bonne volunté, in Charta seq. ubi de eadem re.
les Bénédictins de St. Maur, 1733–1736.
Societas, Cœtus, caterva, Gall. Bande. Charta ann. circ. 853. apud Chorier de statu polit. Dalphin. tom. 1. pag. 111 :
Venientes itaque religiosissimi et venerabiles patres, illustrissimaque Societas Comitum, solito more, sicut in aliis locis.
Cæremon. MS. B. M. Deauratæ Tolos. :
Et nota quod in istis collationibus non cedent (sedent) sicut consueverunt in prandio per Societates camerarum ; sed mixtim antiquiores et honorabiliores primi.
© École des chartes.
[]« 4 societas » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 506c. http://ducange.enc.sorbonne.fr/SOCIETAS4
4. SOCIETAS, Vox negotiatoribus maxime nota. Veterum ejusmodi Societatum aliquot nomina, quæ a suis principibus acceperunt, hic appellabo ; quod a Glossarii instituto alienum esse judicabit nemo. Charta Bern. Anic. episc. ann. 1309. in Reg. A. Cam. Comput. Paris. fol. 6. v° :
Quæ (jocalia) dum præsidebamus regimini ecclesiæ Albiensis, apud mercatores socios et Societatem de Guilharma.... posuimus.
Eadem quæ
Societas Gullimina
vocatur, in Arest. parlam. Paris. ann. 1384. 30. Jan. ex Cod. reg. 9822. 2. fol. 142 :
Ita allegavit contra illos de Compendio, qui dicebant se habere privilegium, quod poterant ducere in fluvio Ysaræ sine Societate Parisiensi, quæ vocatur Societas Gullimina. Societas Bardorum de Florentia
a Joan. de Bardis nuncupata, in Lit. ann. 1317. ex Reg. 54. Chartoph. reg. fol. 39. v°. Les Compaignies des Angoissolles (alibi des Acheyolles vel Escheiolles et
Aschioles), des Douceins, des Falez et des Scaramps
, in Reg. B. ejusd. Cam. Comput. ad ann. 1335. fol. 65. v°.
Les Compaignies des Magalez et Mossez
, in Ch. ann. 1340. ex Reg. 74. ch. 536.
Societas Falletorum de Alba
, in alia ann. 1351. ex Reg. 80. ch. 503.
© École des chartes.
[]« 5 societas » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 506c. http://ducange.enc.sorbonne.fr/SOCIETAS5
5. SOCIETAS, Comitatus, Gall. Cortege, suite. Testam. Joan. Franc. de Gonzaga march. Mantuæ ann. 1444. tom. 3. Cod. Ital. diplom. col. 1789 :
Item volo et jubeo quod ubicumque moriar, corpus meum sepeliatur de nocte, cum Societate non ultra viginti personarum, computatis personis ecclesiasticis et illis, quæ portabunt corpus et quæ portabunt doperios.
© École des chartes.