« »
 
SUFFRAGIUM 1, SUFFRAGIUM 2, SUFFRAGIUM 3, SUFFRAGIUM 4, SUFFRAGIUM 5, SUFFRAGIUM 6, SUFFRAGIUM 7.
[]« 1 suffragium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 650b. http://ducange.enc.sorbonne.fr/SUFFRAGIUM1
1. SUFFRAGIUM, Pecuniæ, quæ suffragii titulo ab Imperatoribus accipiebantur, cum honores deferebant, quæ δεσποτιϰὰ vocantur in formula jurisjurandi Novellæ Justiniani 8. cujus titulus est, ut judices sine Suffragio fiant, quem Julianus Antecessor vertit, ut Magistratus sine pecunia fiant. Ubi Græca habent, χωρίς δόσεως. Glossæ Lat. Gr. Suffragium, ψηφοφορία, δόγμα, δόσις, ubi f. δωρεὰ pro δόγμα. Ita præterea usurpatur in Nov. 6. qua cavetur, ut qui emerit Præsulatum per Suffragium, non modo Episcopatu, sed et ordine Ecclesiastico, quem prius habebat, excidat. Adde leg. 4. § 2. lib. 2. Cod. tit. 2.
les Bénédictins de St. Maur, 1733–1736.
◊ Falso hic appellatur lex 4. Cod. lib. 2. Ad leg. unic. Cod. Just. de Suffrag. fortean respexit Vir doctissimus : sed et vox Suffragium eo significatu latius patet ; neque enim pecuniæ duntaxat, sed res etiam immobiles et fundi interdum assignabatur cum Imperatoribus, tum iis quorum suffragia ambiebantur rei cujusvis obtinendæ causa. Præsidium dicitur Lampridio in Alex. Severo. Vide Præsidium 4. Suffragii nomini Patronorum stipendia intelligit Butillerius in Summa rurali :
Action Suffragant, si comme la peine et labeur,
fol. 44. v°. Plura vide in hanc rem apud Jac. Gothofredum tit. 29. Cod. Theod. lib. 2. Adde Pancirolum lib. 1. Thes. var. lect. cap. 77.
© École des chartes.
[]« 2 suffragium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 650b. http://ducange.enc.sorbonne.fr/SUFFRAGIUM2
2. SUFFRAGIUM, pro Quavis præstatione. Leo III. PP. Epist. 5 :
Quia omnia secundum quod solebat Dux, qui a nobis erat constitutus per distractionem (leg. districtionem) causarum tollere, et nobis more solito annue tribuere, ipsi eorum homines peregerunt, et multam collectionem fecerunt de ipso populo ; unde ipsi duces minime possunt Suffragium nobis plenissime præsentare
. Charta Conradi Imp. ann. 1029. apud Ughellum in Episcopis Æmonensibus :
Cum placitis, et districtibus, collectis et angariis, foro, Suffragio, herbatico, eschatico, cæterisque publicis fructuationibus, etc.
Occurrit infra rursum.
© École des chartes.
[]« 3 suffragium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 650b. http://ducange.enc.sorbonne.fr/SUFFRAGIUM3
3. SUFFRAGIUM, pro Alimonia, Sustentatione. Concilium Toletanum III. can. 3 :
Si quid vero quod utilitatem non gravet Ecclesiæ pro Suffragio Monachorum, vel Ecclesiarum ad suam parochiam pertinentium dederint, firmum permaneat.
[] Regula cujusdam Patris cap. 12 :
Operandum namque est omni tempore præter dies festos, ut habeatur vel propriæ necessitatis usus, vel egenis, unde detur Suffragium.
Litteræ Caroli V. Reg. Franc. ann. 1365. tom. 4. Ordinat. pag. 555 :
Si.... compellatur suam egestatem, vel familiarem paupertatem procuratoribus collegii detegere, et collegii petere Suffragium,..... quamdiu idem secretarius vel notarius dictum auxilium exiget, quilibet secretarius et notarius tenebitur sibi, ad proprii victus et status sustentationem, ...... viginti solidos Paris. anno quolibet mutuare.
© École des chartes.
[]« 4 suffragium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 650c. http://ducange.enc.sorbonne.fr/SUFFRAGIUM4
4. SUFFRAGIUM, Auxilium. Synodus apud Vermeriam :
Statuimus illi Oeconomum persuadere, qui ei Suffragium, et Ecclesiæ sibi commissæ custodiam debitam et canonicam exhiberet.
Dudo lib. 3. de Actis Norman. pag. 98 :
Quin prece rex humili supplex pronusque requirit
Suffragia semet virtute tuaque tueri.
Sugerius in Ludovico VI :
Obsessis Suffragia accelerat.
Will. Tyrius lib. 20. cap. 24 :
Decretum est etiam, ut Domino quoque Imperatori Constantinopolitano, quia nobis vicinior et cæteris longe opulentior, facilius optata nobis posset ministrare Suffragia.
Thwroczius 1. part. cap. 11 :
Cum eos omnino navium carere scirent Suffragio, etc.
Chron. Angl. Th. Otterbourne pag. 165 :
Gandavenses leves et varii, non exspectato Suffragio, quod Rex Angliæ, non sine magnis sumptibus, illis præparaverat, Regi Franciæ manus dederunt. Pro abundantioris cautelæ Suffragio,
in Charta ann. 1319. Galli diceremus, Pour plus grande sûreté. Hinc Suffraganeus, adjutor, de qua voce supra.
P. Carpentier, 1766.
◊ Annal. Victor. MSS. ad ann. 1378 :
Tunc non aderat Suffragium seu auxilium sufficiens, quo mediante contra dictum intrusum prævalere posset.
Vide mox Suffrator.
Suffragantia, et Suffragium, in Capitulari I. Caroli M. ann. 802. cap. 30. pro alimonia, vel auxilio.
© École des chartes.
[]« 5 suffragium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 650c. http://ducange.enc.sorbonne.fr/SUFFRAGIUM5
5. SUFFRAGIUM, Districtus Metropolitani, seu Ecclesiæ suffraganeæ. Præceptum Caroli Simplicis pro Ecclesia Narbonensi :
Venerabilis sanctæ Narbonensis Ecclesiæ Archiepiscopus Arnustus nostram adiit serenitatem, innotescens auribus Clementiæ nostræ, quod in sua parochia, seu in cunctis Episcopiis qui in Suffragio ipsius positi sunt, gravissima quædam contra jura Canonum atque instituta Legum increverit consuetudo, etc.
Vide Suffraganea Ecclesia.
© École des chartes.
[]« 6 suffragium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 650c. http://ducange.enc.sorbonne.fr/SUFFRAGIUM6
6. SUFFRAGIUM, Privilegium, in Cod. Theod. lib. 14. tit. 2. de Privil. Corpor. leg. 3 :
In honorem æternæ Urbis, Corporatis indulta Suffragia valere præcipimus.
© École des chartes.
[]« 7 suffragium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 650c. http://ducange.enc.sorbonne.fr/SUFFRAGIUM7
7. SUFFRAGIUM, Perfugium. Will. Gemetic. monach. Hist. Norman. lib. 5. cap. 10 :
Odo vero atque Walerannus quærentes Suffragium vitæ, occuluerunt se Dorcasini castri munitione.
les Bénédictins de St. Maur, 1733–1736.
Suffragia Extrema, Sacramenta quæ in extremo positis concedebantur, in eodem Cod. lib. 15. tit. 7. de Scænicis leg. 1 :
Sedula exploratione quæratur, an indulgeri his (Scænicis) necessitas poscat extrema Suffragia.
Suffragia, Orationes, quibus Dei Sanctorum Suffragia, seu auxilia imploramus. Ugutio :
Suffragia proprie sunt orationes Sanctorum, quas pro nobis fundunt ad Dominum, et rogationes pro Christianis, quas eis fundimus.
Evervinus Steinfeldensis de Hæreticis sui temporis [] pag. 457 :
In Suffragiis Sanctorum non confidunt, etc. Suffragia precum,
in Epist. 73. inter Francicas tom. 1. Hist. Franc. Suffragia Sanctorum, apud Honorium Augustod. lib. 2. cap. 41. Fortunatus de Vita S. Martini lib. 1 :
Suffragiisque tuis cœli fremit arduus axis.
Will. Brito lib. 1. Philipp. de S. Thoma Cantuar. :
Ecce tuis redeunt meritis ad propria sani
Omnes infirmi, tua qui Suffragia poscunt.
Flodoardus lib. 14. Carm. 18 :
Inde Carantocus secretis visibus Abbas
Admonitus Sancto Suffragia ferre laboris, etc.
Orationis Suffragium, apud Fulbertum Epist. 51. et Cæsarium lib. 6. cap. 5. Depositio super Vita et mirac. dom. Caroli ann. 1371. apud Lobinell. tom. 2. Hist. Britan. col. 550 :
Itemque tot Suffragia et orationes dicebat, etc.
Henricus Rosla in Herlingsberga :
Ad consueta precum conversus munia, fundit
Vota precesque pias, et te Suffragia poscit
Utile perfugium, Mater Christi, miserorum.
Infra :
Eripiunt morti multos Suffragia Missæ.
Ita Silentiarius in Descript. S. Sophiæ part. 2. vers. 565. ψηφίδα usurpavit. Vide Concilium Moguntinum ann. 847. cap. 25. Vitam S. Rictrudis Abb. cap. 4. Miracula S. Richarii lib. 2. cap. 5. Alcuinum Epist. 32. etc.
les Bénédictins de St. Maur, 1733–1736.
Subphragia, Eadem notione, in vet. Cæremon. MS. B. M. Deauratæ Tolos. :
Non dicuntur Subphragia sanctorum, etc.
les Bénédictins de St. Maur, 1733–1736.
Suffragia, Orationes Monachorum, aliaque eorumdem pia opera, in quorum participationem admittebantur laici. Charta ann. circ. 1063. ex Schedis Præs. de Mazaugues :
Volentes participem facere benefactorum seu Suffragiorum dicti Ordinis, statuerunt, etc.
Charta ann. 1171. apud Kennett. Antiquit. Ambrosd. pag. 127 :
Salvis tantummodo mihi et hæredibus meis ejusdem Ecclesiæ orationibus et eleemosynæ Suffragiis.
Alia ann. 1219. ibid. pag. 189 :
Dicti vero Canonici receperunt me et dominam matrem meam specialiter in orationibus suis et Suffragiis domus suæ in perpetuum.
Vide Benefactum 2. et Fraternitas 5.
Suffragia, appellantur etiam Orationes, quæ pro defunctis dicuntur, quod pro iis Sanctorum suffragia invocentur. Liber Ordinis S. Victoris Parisiensis MS. cap. 55 :
Inclinant ad chorum, donec Suffragia finiantur, solus Sacerdos inter Suffragia erectus stabit contra altare, etc.
Vide Statuta antiqua Ord. Cartusiensis 1. parte cap. 43. § 76. Charta Henrici Reg. Angl. ann. 1457. in Chron. Joh. Whethamstedii pag. 422 :
Donentur...... 45. libræ annuæ pro Missis, Suffragiis et obitibus habendis, et elemosina danda, pro animabus dictorum Ducis Comitis et domini sic occisorum.
© École des chartes.