VECTURA, Glossarium mediae et infimae latinitatis, Du Cange et al.

« Vectura » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 260a. http://ducange.enc.sorbonne.fr/VECTURA

VECTURA, in Gloss. Lat. Gr. φόρετρον, ναῦλον. Alibi : Ναῦλον, navis vectura, naulum. MSS. Sangerm. : Vectura, φόρετον, μισθὸς τοῦ ζώου. Nempe merces, quæ pro vectione datur naviculario Joanni de Janua : Naulum, pretium, quod datur pro portatura. Gloss. Lat. Gall. Sangerm. : Vectura, porture, voiture, ou le pris que l'en baille pour porter. Plautus Mostell. :

Treis minas pro istis duobus præter Vecturam dedi.

les Bénédictins de St. Maur, 1733–1736.

Vectura, Omne jumentum, nempe equus, camelus, mulus, asinus, bos, in Gloss. Gasp. Barthii ex Bartholphi Hist. Palæst. apud Ludewig. tom. 3. Reliq. MSS. pag. 512. Bongars. pag. 578. lin. 29. Vide Vehiculus et Vehitura.

P. Carpentier, 1766.

◊ Simul et Emolumentum, quod ex jumentis percipitur. Libert. Laudosi ann. 1392. tom. 8. Ordinat. reg. Franc. pag. 199 :

Per quamlibet mulierem viduam vel aliam viventem ex sua Vectura, unam cuppam bladi.

les Bénédictins de St. Maur, 1733–1736.

Vectura, Servitium quo vecturas suppeditare quis tenetur. Charta ann. 1360. apud Ludew. Reliq. MSS. tom. 6. pag. 404 :

Ab omni exactione, collecta, contributione, talliis, precariis, Vecturis, steuris et aliis quibuscumque gravaminibus deserviant libertate.

Vide Vehitura.

Vecturas Corpore Suo Factitare, pro Βαστάζειν, dixit Gellius lib. 5. cap. 3.