ANNATA 1, Glossarium mediae et infimae latinitatis, Du Cange et al.

« 1 annata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 257a. http://ducange.enc.sorbonne.fr/ANNATA1

1. ANNATA, Reditus unius anni ab eo qui recens in demortui Episcopi, aut Abbatis, locum succedit exsolvi summo Pontifici solitus, de cujus origine, ac usu, consulendi Renatus Chopinus lib. 2. Monast. tit. 1. § 14. lib. 1. de Eccles. Polit. tit. ult. art. 18. 19. lib. 3. tit. 3. art. 4. 5. 6. 7. Petrus Matthæus in Constit. PP. 131. 142. 157. 206. 258. et alii.

les Bénédictins de St. Maur, 1733–1736.

Annata, Dicuntur etiam de reditu unius anni vel dimidii præbendæ Canonici defuncti, fabricæ Ecclesiæ assignari solito in quibusdam Ecclesiis, in quibusdam aliis usibus. Collect. Concil. Hispan. tom. 4. pag. 193 :

In habendis mediis Annatis fructuum beneficiorum simplicium ad anniversaria spectantium, talis modus servetur, videlicet quod contra novos obtentores beneficiorum infra medium annum a die obitus beneficiati computandum minime procedatur sed elapso eo ni persolverint a distributionibus communibus.... sint penitus privati.

Vide Annale 4.

les Bénédictins de St. Maur, 1733–1736.

Annata, Subsidium a Clemente VI. Papa recens creato bonis ecclesiasticis impositum et tribus annis exactum ; hinc dictum Annata quod erat reditus unius anni. Hist. Dalphin. tom. 2. pag. 609. col. 2. in Bulla dicti Papæ ad Humbertum Dalphinum :

Nosti etiam nisi nosse dissimules, quod cum in subsidium ejusdem fidei, et favorem fidelium illarum partium certam Annatam tenendam per triennium fieri provida fuisset ordinatione statutum, eam tamen ad biennium tui præcipue consideratione duximus prorogandam, etc.

P. Carpentier, 1766.

◊ Eodem nomine nostri appellabant minuta quædam servitia, quæ, præter Annatam seu reditum unius anni, ab eodem succedente exsolvebantur. Bulla Sixti IV. PP. ann. 1472. in Continuat. mag. Bullar. Rom. pag. 282. col. 2 :

Quod gravatus in eadem taxa prælatus promovendus, solvat communia et minuta servitia, quæ plures ex Gallis Annatam vocant, etc.

P. Carpentier, 1766.

Annata, subsidium pecuniarium, quod singulis annis a confœderato præstatur, apud Burcard. Arg. de Alex. VI. pag. 16.

ANNAS 2. ANNATA © École des chartes.

« 2 annata » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 257b. http://ducange.enc.sorbonne.fr/ANNATA2

2. ANNATA, Annus, Gall. Année, Charta Officialia Rotomag. ann. 1471. ex Archivo Monasterii de Bono-Nuncio ejusdem urbis :

De reddendo et solvendo ipsis Religiosis sommam septem librarum et solid. decem pro tribus Annatis dictæ pensionis.

Baluz. Hist. Arvern. tom. 2. pag. 453. ex Registro Parlamenti ann. 1452 :

Et eisdem (bonis) per ultimas Annatas et expleta ultima pacifice et quiete usi et gavisi fuerant.

Ibidem pag. 783. in Charta Bernardi de Turre ann. 1308 :

Drapparii, ferrarii, et coyrarii, sutores sotularium, pelliparii (solvant) tres denarios quilibet pro Annata.

Hist. Harcur. tom. 4. pag. 1127 :

Quodque dicta Haricuria dictum annuum reditum ducentarum lib. Turon. per plures Annatas et usque ad ejus obitum vel circa solveret.

1. ANNATA 3. ANNATA © École des chartes.

« 3 annata » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 257b. http://ducange.enc.sorbonne.fr/ANNATA3

3. ANNATA, Alicujus officii annua functio ; dicitur etiam de tempore, quo quis in tirocinio est. Stat. sabbater. Carcass. ann. 1402. in Reg. 157. Chartoph. reg. ch. 320 :

Item quod suprapositi dictæ artis... teneantur quilibet in fine suæ Annatæ, sive in fine sui temporis supraposituræ tradere... totam quotam pœnarum levatarum.

Arest. parlam. Paris. ann. 1421. in Lib. 1. stat. super artif. Paris. ex Cam. Comput. fol. 89. r° :

Nullique apprenticii seu apprenticiæ in dicto ministerio, et qui in eodem suas Annatas perfecerant, prædictum ministerium levare donec... sufficientes et ydonei reperti, etc.

Hinc nostris Anné, pro Annua frugum perceptio. Charta ann. 1397. in Chartul. Corb. sign. Ezechiel fol. 53. r° :

Et ne porront presser, ne faire presser leur Anné, que à no pressoirs de notre eglise chacun an.

« 4 annata » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 257b. http://ducange.enc.sorbonne.fr/ANNATA4

4. ANNATA, Vas vinarium statutæ capacitatis, f. pro Amata. Vide supra Ama 3. Lit. remiss. ann. 1381. in Reg. 119. Chartoph. reg. ch. 290 :

Quinque Annatas vini, quæ erant in suo celario in terram projecerunt : deinde in eorum severitate permanentes, venerunt ad domicilium Johannis Parvi de Villaribus, et in eodem duo tonalia vini simili modo effuderunt.

Vide infra Annua 3.