APPREHENSIO 1, Glossarium mediae et infimae latinitatis, Du Cange et al.

« 1 apprehensio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 331b. http://ducange.enc.sorbonne.fr/APPREHENSIO1

1. APPREHENSIO, Comprehensio personæ, Gall. Prise de corps. Idem etiam interdum quod manucaptio, id est, injectio manus Regis, magistratus, aut domini feodalis in alicujus res et prædia, Gall. Saisie réelle. Tabularium Conchensis Abbatiæ in Ruthenis ch. 26 :

Dimitto malos usus et Apprehensiones, et torlos, quos pater meus habuit, vel aliquis homo per illum in villa de Palatio.

Ch. 365 :

Et in totam prædictam villam totum decimum de Apprehensionibus hominum, et medietatem decimi de animalibus eorum.

Et ch. 545 :

Ut Geraldus de Rofiaco qui juxta sub ditione mea assistit, per manum Abbatis et Monachorum sanctæ Fidis in unaquaque Apprehensione unum solummodo denarium habeat, quandiu in servitio et fidelitate eorum permanserit.

Charta Henrici Imperatoris ann. 1014. apud Ughellum in Episcopis Savonensibus :

Insuper etiam jubemus, ut in his præscriptis confinibus castella non ædificentur, neque aliqua superimposita a Marchionibus, vel a suis Comitibus vel Vicecomitibus prædictis hominibus fiat, scilicet de fodro, de Apprehensione hominum, vel saltu domorum, etc.

Apprisio, Eadem, ut videtur, notione. Bulla Stephani VII. PP. apud Catellum lib. 5. Historiæ Occitan. pag. 774 :

Statuentes... ut nulli unquam parvo aut magno homini liceat quamlibet forciam, vel Apprisionem in omnibus rebus ejus facere, aut potestatem aliquam habere, vel aliquem distringere, etc.

Vide Apprisia, Apprisio et Captio.

P. Carpentier, 1766.

◊ Apprehensio, Minus recte intelligi videtur a DD. Benedictinis ; supra allatis magis convenit Usurpatio, injusta exactio, sive ex rebus fiat, sive ex hominibus, ut et in Chartul. S. Vict. Massil. pag. 164 :

Facio donationem et gurpitionem.... eo tenore,.... ut nec nos, nec ulta persona faciamus ullam Apprehensionem nec in hominibus nec in avero.

Vide supra Apprehendere 2. et infra Appressio 1.

« 2 apprehensio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 331c. http://ducange.enc.sorbonne.fr/APPREHENSIO2

2. APPREHENSIO, Ager ex inculto ad culturam redactus. Charta ann. 869. in Append. ad Marcam Hispan. col. 793 :

Cum omnibus aut regali dono, aut quorumlibet Deum timentium largitionibus, aut comparationibus, aut commutationibus, aut omnibus Apprehensionibus, quas ipsi monachi propriis manibus de eremi vastitate traxerunt.

Alia ann. 872. ibid. col. 795 :

Præter Apprehensiones Hispanorum intra ipsos terminos sitas.

Vide Aprisiones.