AVALORIÆ, Glossarium mediae et infimae latinitatis, Du Cange et al.

« Avaloriæ » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 462a. http://ducange.enc.sorbonne.fr/AVALORIAE

AVALORIÆ, Fauces piscariæ circa Ligerim dictæ Avaloirs, alibi Gords, Montoirs, Pescheries. E cratibus palisque in clathrorum modum dispositis in alveis fluminum construuntur, ad salmones et maxime anguillas, cancrosque capiendos, quos aquarum lapsu raptos sorbent et deglutiunt. Hinc vocis etymon, Gallis enim Avaloire est guttur, fauces, et Avaler, Deglutire. Charta Rainaldi de Nivernis pro Fonte-Morigniaco inter Instrum. tom. 2. Galliæ Christ. pag. 69 :

Concessi totum censum de isla Berta in jure perpetuo possidendum et piscationes in Ligerim juxta eam islam habere et Avalorias ad pisces capiendos facere, etc.

Vide supra Avalison in Avalare.

P. Carpentier, 1766.

◊ Rectius a Gall. Aval, Deorsum, quam ab Avaloire, Fauces, deduci videtur, ut jam monuimus supra in Avalagium.