« »
 
[]« Barganaticum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 577a. http://ducange.enc.sorbonne.fr/BARGANATICUM
BARGANATICUM. Ch. Virdunense ann. 755 :
Carolus Magnus contulit Deo et S. Petro... ut nullis hominum Flaviniacensis Ecclesia in omni regno suo teloneum daret in civitatibus, mercatis, vicis, villis, pontibus, portibus, nec de rotatico, Barganatico, pulveratico, mutatico, salutatico, etc.
Occurrit pluries in Chartis Caroli Magni apud Doubletum in Hist. Sandionys. pag. 708. 709. Incertum vocis [] etymon, etsi a barcaniare, vel barganiare, ortum videatur, ita ut pro tributo accipi debeat, quod pro mercibus quæ in foris ac mercatibus venduntur et emuntur, præstatur. Potius derivarim Barganaticum a Barga, quam a Barcaniare, ita ut sit, Tributum ex Bargis exsolutum : Alium intellectum pati non videtur locus seq. ex Præcepto Pippini Regis Franc. pro Monasterio Prumiensi apud Marten. tom. 1. Ampliss. Collect. col. 30 :
Nullo teloneo vel Barganatico, neque ex navali remigio, neque saumariis, vel de carrali evectione solvere nec reddere debeant. Teloneum
ad merces curru, Barganaticum ad merces Bargis vectas referendum puto. Capitul. ann. 821. cap. 1 :
Volumus... ut nullus teloneum exigat nisi in mercatibus, ubi communia commercia emuntur ac venundantur.
Adde Capitulare 2. ann. 805. cap. 13. et lib. 3. Capitul. cap. 12. Vide Barcaniare et Varcinaticum
les Bénédictins de St. Maur, 1733–1736.
Barganaticus, Eodem intellectu. Charta Caroli Regis Franc. apud Doubletum in Hist. Sandionys. pag. 709 :
Barganiare, Wultaticos, pontaticos, portaticos et cæteros teloneos ac Barganaticos.
© École des chartes.