BRUNETA, Glossarium mediae et infimae latinitatis, Du Cange et al.

« Bruneta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 1, col. 760c. http://ducange.enc.sorbonne.fr/BRUNETA

BRUNETA, Brunetum, Pannus non ex nativi coloris lana confectus ; sed quavis tinctura imbutus. Sebast. Cobarruvias :

Brunete, cierto panno basto de color negra non fina, de bruno, que en lengua Italiana vale obscuro.

Statuta Raimundi Comitis Tolosæ apud Catellum in Hist. Comit. Tolosæ pag. 350 :

Caligis de aliqua Bruneta etiam nigra.... non utantur.

Bulla Gregorii IX. PP. pro Benedictinis Monachis :

Nec quisquam in quovis loco tunicis vel coopertoriis de Bruneto, aut pellibus silvaticis... uti præsumat.

Concil. Monspeliense ann. 1214. cap. 17 :

Non utantur cappis, tunicis, vel pallis de aliqua Bruneta clara, vel nigra, etc.

Adde Concil. apud Campinacum ann. 1238. cap. 25. Concil. Biterrense ann. 1246. cap. 23. Litteras Official. Paris. e Chartulario Montis Martyrum, Macerias Insulæ-Barbaræ tom. 1. pag. 202. Marten. Anecdot. tom. 4. col. 249. D. de Lauriere Ordinat. Regum Franc. tom. 1. pag. 52. Statuta Joannis Archiep. Cantuar. ann. 1279. et Will. de Nangiaco in Vita S. Ludovici, de quo Will. Guiart ann. 1248 :

Ne vesti il vert, ne Brunete,

Ne drap, ce nous conte l'Histoire,

Qui ne traisit à couleur noire.

◊ :

Et une cotte de Brunette.

Reglemens pour les Drapiers de Commercy e MS. Cod. ejusdem urbis pag. 18 :

Ceux dudit metier qui feront pers, Brunette, verdz et mandres marchans soient urdis, etc.

Burnetum, apud Matth. Paris.

Monachi camisiis lineis, vel Burnetis non utantur

. Vitæ Abbat. S. Albani :

Nullus utatur tunica de Burneto.

Provinciale Eccles. Cantuar. lib. 3. tit. 19. ex Concilio Oxoniensi ann. 1222. cap. 38 :

Monachi nec Canonici regulares... Burneto vel alio panno irregulari de cætero utantur.

Ubi Lindwodus :

Potest esse differentia inter brunum colorem et Burnetum : brunus enim color potest fieri ex lana ipsa absque tinctura, quale apud nos est russetum et nigrum : Burnetum vero requirit tincturam et artificium hominis quoad colorem.

Occurrit apud Limborch. in Sentent. Inquisit. Tolos. pag. 161. in Hist. Dalphin. tom. 2. pag. 280. et 291. Vide Supertunicale, et Brunus.

Buretum, Eadem notione. Gesta Consulum Andegavensium cap. 6. n. 8 :

Indutus tunica illius panni, quem Franci Grisetum vocant, nos Andegavi Buretum.

Forte Burnetum.