« »
 
[]« Clausuræ » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 364b. http://ducange.enc.sorbonne.fr/CLAUSURAE
CLAUSURÆ, Claustra montium, angusti aditus, aliis Clusæ, Græcis recentioribus ϰλεισοῦραι. Lexic. Græc. MS. Reg. Cod. 2062 :
ἐμϐολή, εἴσοδος στενοτάτη, Clavaguera,
in Chronic. Petri IV. Regis Arag. lib. 3. cap. 4. Senator. lib. 2. Epist. 5 :
Præcepimus 60. militibus in Augustanis Clausuris jugiter constitutis annonas... præstare,... decet enim cogitare de militis transactione, qui pro generali quiete finalibus locis inoscitur insudare, et quasi a quadam porta provinciæ gentiles introitus probatur excludere.
Anonymus Barensis in Chron. ann. 1097 :
Et per montibus vel Clausuris Vulgariæ, similiter Ungariæ multi sunt occisi et necati fame.
Conradus Uspergens. :
Ad quædam itinera angusta, quæ Lombardi vocitare solent Clausuras Volerni.
Tageno Pataviensis :
Inde transivimus ad primam Clausuram, etc.
Passio S. Andeoli MS. :
Cumque ad Clausuras ipsius Monasterii pervenissent, etc.
Utuntur passim Scriptores, Lex 2. § 4. Cod. de Offic. Præf. Prætor. (1, 16.) lex 4. Cod. de Offic. Magistri Offic. (1, 31.) Egica Rex in Concilio Tolet. XVII. Willelmus Malmesb. lib. 2. de Gestis Anglic. cap. 11. Rogerius Hoveden. ann. 1031. Florent. Wigorn. et Simeon Dunelm. eodem ann. Julianus Episc. in Hist. Wambæ Regis non semel : Lucas Tudensis æra 902. etc. Vide Notas ad Alexiadem pag. 300. et infra vocem Clusa. Vide Claustra montium in Claustrum.
P. Carpentier, 1766.
◊ Hinc Cloistrieres meretrices appellatæ, quod in angustis viarum sedeant, eadem ratione qua Femmes de chemin nuncupatas observavimus supra in Cheminus 2. Stat. ann. 1395. ex Cod. reg. 8312. 5 :
Item que toutes filles de vie Cloistrieres ou femmes communes diffamées voisent tenir, tiennent et facent leurs bouticles ès lieux ad ce ordonnés d'ancienneté en ladite ville
(de Troyes.) Lit. remiss. ann. 1400. in Reg. 155. Chartoph. reg. ch. 178 :
Ledit Jehan estoit en la maison d'une femme de vie Cloistriere, appellée Amelot Lestarce, demourant pour lors à Paris en la rue Jehan Gencien.
Aliæ ann. 1408. ex Reg. 162. ch. 225 :
Une fillette Cloistriere, appellée Jehannete la Cameline, qui demoure à Laigny.
Clausura, Septum in quo animalia custodiuntur, vel quo vineæ, prata, vel arva muniuntur. Brito in Vocab. : Septum, ambitus, Clausura. Bulla Celestini PP. ann. 1196. pro Monast. S. Joan. Ambian. in Tabul. ejusd. Monast. :
Clausuram piscium, quæ vulgo dicitur exclusa.
In Legib. Aleman. tit. 84 :
Clausuram in aqua facere.
Vide Legem Salicam tit. 8. § 8. Legem Ripuar. tit. 82. Legem Burgund. tit. 23. § 3. tit. 49. § 2. Legem Bajwar. tit. 13. § 3. Legem Longobard. [] lib. 1. tit. 29. § 2. tit. 25. § 45. lib. 2. tit. 36. § 3. lib. 3. tit. 4. § 1. .... Rothar. 352. Liutpr. 116. (6, 63.) Rothar. 363. Charta ann. 1283. ap. Guden. Cod. Diplom. tom. 2. pag. 236 :
Lacum illum... cujus fundum comparavimus... et Clausuram construximus nostris laboribus.
Vide Mitterm. Princip. Jur. Germ. § 150. not. 4.
Clausura, Ager clausus sepibus, clausum. Chronicon Farfense apud Murator. tom. 2. part. 2. col. 540 :
Unam Clausuram excepto oliveto dominico.
Col. 554 :
Pro solidis xx. concessit in Serrano Clausuram unam ad quartam.
Rursum occurrit ibid. col. 594. Index MS. Beneficiorum Ecclesiæ Constantiensis fol. 28. v°. :
Rector habet manerium in eleemosyna situm et sex virgatas terre in Clausura dicti manerii.
Charta Thossiac. in Dumbis ann. 1462 :
Ad conducendum aquas per pratum et Clausuram dicti de Laye.
Vide Ughellum tom. 1. pag. 137.
P. Carpentier, 1766.
Clausura, Septum, ambitus, Gall. Enceinte.
Cloyson
, in Lit. ann. 1331. tom. 5. Ordinat. reg. Franc. pag. 675. art. 1 :
Ceux qui forfaict auront dedans la Cloyson du chastel, etc.
Hinc vectigal pro claudenda urbe impositum, Cloison appellabant. Lit. remiss. ann. 1474. in Reg. 195. Chartoph. reg. ch. 1145 : Le suppliant pour aider à Jehan Ermenier à cuillir et lever certaine coustumerie ou Cloison, qui est de la baronnie de Craon, et laquelle icellui Ermenier tient à ferme, etc. Vide Glossar. jur. Gall. ad hanc vocem. Charta ann. 1265. ex Chartul. S. Joan. in valle :
Abbas et conventus dicebant se habere debere omnimodam justitiam, altam et bassam, in burgo S. Johannis in Valleia, prout est limitatus et extenditur et se proportat, et infra Clausuram abbatiæ et in toto clauso vinearum.
Vide supra Claudura. Aliis notionibus exstat in Clausuræ.
P. Carpentier, 1766.
Clausura, Id omne quod claudit, in eadem Charta :
Similiter licebit eisdem abbati et conventui facere Clausuram muri vel sepis.
Vide Claustura.
les Bénédictins de St. Maur, 1733–1736.
Clausura, Præstatio quædam, aut potius operarum præbitio ad clausuras construendas vel custodiendas. Recognitiones Albæripæ in Regesto Probus fol. 67 :
Ille debet esse liber et immunis a cavalgata et a chevallagio et a palea et a Clausuris.
Clausuria, apud Ughellum tom. 8. pag. 607.
© École des chartes.