1. CONSIGNATIO, Probatio per signa, seu per chartas. Capitulare Radelchisi Principis Beneventani cap. 18 :

Omnes homines qui sub tua potestate sunt, ex quocunque habent prædicta munimina sua perdita, si contentio fuerit de rebus aut servis aut ancillis aut aldionibus eorum, si aut per Consignationem, aut per pugnam approbare potuerint, quousque ad ipsum tempus quo barbaricum exortum est inter nos, et vos, etc.

Præceptum Chilperici Franc. Regis pro Gauzioleno Episc. Cenom. et Sichaudo Abb. S. Carilefi apud Mabil. tom. 3. Analect. pag. 235 :

Et post ejus discessum prædictum Monasteriolum absque ullius contradictione vel Consignatione, cum omni integritate et superpositio immelioratum, ad memoratam matrem et civitatis Ecclesiam et ad jus et dominationem matris Ecclesiæ Episcoporum in integrum convertatur.

2. CONSIGNATIO, Concessio, traditio. Notitia rerum monast. Gellon. ex Tabul. ejusd. :

Et postea Amalbertus modiatas de vineis tres S. Salvatori largitur, facta notitia guirpitionis vel Consignationis sub die Lunæ, xj. Kal. Oct. anno tertio regnante Ludovico rege.

Vide supra Consignare 2.

3. CONSIGNATIO, Confirmationis sacramentum. Charta ann. 847. apud Murator. tom. 2. Antiq. Ital. med. ævi col. 773 :

Quando circatas ad Consignationes faciendum de pleve in pleves vestras feceritis.

Vide Consignare 3.