« »
 
CONSILIUM 1, CONSILIUM 2, CONSILIUM 3.
[]« 1 consilium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 517b. http://ducange.enc.sorbonne.fr/CONSILIUM1
1. CONSILIUM, seu Dies Consilii, Qui concedebatur reo, ut ei de actori respondendo caveretur : Jour de Conseil, in Consuetudine Senonensi art. 143. et in Stabilimentis sancti Ludovici lib. 2. cap. 13. § 1. Leges Henrici I. Regis Angl. cap. 46 :
In aliis quærat accusatus Consilium, et habeat ab amicis et paribus suis, quod nulli jure debet defendi, etc.
Cap. seq. :
Si quis a justitia Regis implacitatus ad Consilium exierit, etc.
Adde cap. 48. 49. 51. Ordericus Vitalis lib. 11 :
Cumque Robertus licentiam, ut moris est, eundi ad Consilium cum suis postulasset, eademque accepta egressus, purgari se objectis criminibus non posse cognovisset, etc.
Arestum ann. 1260. in Probat. Hist. Guinensis pag. 374 :
Et habuerat super hoc diem Consilii et ostensionis.
Vetus Franciæ Consuetudinarium :
Selon l'usaige de Court-laye, il y a grande difference entre deliberation et Advis. Car [] jour d'Avis est prins par le deffendeur au commencement de la cause ; mais deliberation est prinse par le demandeur, quand sur le jour d'Advis le défendeur propose aucunes exceptions ou défenses, sur lesquelles le Procureur de deffendeur a à parler à son Maistre.
Cap. seq. :
Le défendeur comparant en personne ou par Procureur aura Advis de 40. jours, et puis aura veue.
Cato Vernaculus MS. :
Amis, quant tu as à plaidier,
Et tu n'as qui te voeille aidier,
Ton jugeour Conseil demande,
La Loi du droit si le commande.
Vide Magnum Recordum Leodiense pag. 60. et supra vocem Arestum 1.
P. Carpentier, 1766.
◊ Mettre à Conseulx une requeste, in Tabul. capit. Carnot. pro vulgari, Renvoier à un plus ample informé, Amplius deliberandum censere. Dire à Cousoil, Secreto dicere, in aurem susurrare, apud vet. Poetam ex Cod. reg. 7615. fol. 210. r°. col. 1 :
A Consoil li dist, Belle amie,
Alez tost, ne vous ennuit mie.
Conseus, a Lat. Consilium, vulgo Projet, dessein, in Annal. regni S. Ludov. edit. reg. pag. 166 :
Pour ce que il avoit revelés leurs secrez et leur mauvés Conseus, etc.
Consilium Eruditum, apud Juriscons. Anglos, Conseil erudit, qui alias Attornatus, seu Advocatus vel Procurator, qui pro quovis reo et accusato in jure respondet, illius jura plene edoctus. At in crimine læsæ majestatis reus per se respondere tenetur, non vero per Attornatum, Vide Stanfordium in Placitis Coronæ lib. 2. cap. 63.
© École des chartes.
[]« 2 consilium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 517c. http://ducange.enc.sorbonne.fr/CONSILIUM2
2. CONSILIUM, pro Concilium, Cœtus, quomodo Consilium vocamus cœtum Consiliariorum. Gloss. Basilic. : Κονσέλιον, συνέδριον, ἐϰ φανερῶν ἀνδρῶν. Vide Jacobum Gotofred. ad leg. 1. Cod. Theod. de Legat. Statuta Arelat. MSS. art. 139 :
Neque Clavarii... possint libellum facere super bona Communis... nisi de voluntate totius Consilii. Consilium Communis Rupellæ,
Collegium Scabinorum et Parium, ut recte interpretatur Valesius Notit. Gall. pag. 488. col. 1. Frider. II. Imper. edict. ann. 1232. ap. Pertz. vol. leg. 2. pag. 286 :
Cassamus in omni civitate vel oppido Alemanie Comunia, Consilia et magistros civium, etc.
Vide Indic. ejusd. vol. voce Civitas et Consul.
P. Carpentier, 1766.
◊ Charta Joan. vicedom. Ambian. ann. 1300. ex Chartul. 23. Corb. :
Aller à ses assises pour estre as Consaulx et as jugemens avec ses autres hommes, qui sont no per.
Magnum Consilium ; ita passim in veteribus Tabulis Gallicis appellatur Consessus Consiliariorum intimorum, quod et Privatum interdum, ut et hodie dictum. Guill. Guiart ann. 1276 :
Cil du Privé Conseil connurent,
Qu il n'iert pas tans de l'estriver.
Consilium Strictum, seu Conseil estroit, in Ratificatione Testamenti Philippi Pulcri per Ludovicum Hutinum mense Decemb. ann. 1314. Postmodum peculiari appellatione donata Curia, quæ hodie le Grand-Conseil nuncupatur, instituta a Carolo VIII. Edicto dato Donjoni in Boiis 2. Aug. ann. 1497. et verificato Molini : in Magno Consilio 13. Septemb. seq. quo idem Magnum Consilium in Collegium redegit, conflatum ex Cancellario, Magistris Requestarum, et 17. Consiliariis ordinariis per trimestre tempus cum eodem Cancellario servientibus, qui cum eo de Cancellariæ negotiis, et majoris momenti litibus tum [] hæreditariis, tum beneficiariis, quæ in Magno Consilio dirimi solebant, judicarent.
les Bénédictins de St. Maur, 1733–1736.
◊ In hac superiori Curia hodie ab anno 1690. supremus Præses unus est, inferiores octo, Consiliarii 54. alterno semestri servientes, Advocati duo generales, Procurator unus, Scriba superior, inferiores duo, etc. Hi Judices cognoscunt de omnibus controversiis Archiepiscopatuum, Episcopatuum, Abbatiarum, etc. de donis novo Regi faciendis, de indultis Cardinalium et supremi Senatus Parisiensis, de contradictionibus arrestorum, statutis Judicum, etc. Tam late patet jurisdictio Majoris Consilii, quantum est regnum.
© École des chartes.
[]« 3 consilium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 518a. http://ducange.enc.sorbonne.fr/CONSILIUM3
3. CONSILIUM, Favor, consensus, laudimium. Charta Guillelmæ filiæ Guillelmi D. de S. Michaele ann. 1203 :
Videlicet albergium duobus Militibus et tertiæ partis alterius Militis, et dominium, et Consilium, et laudimium, etc.
Charta Willelmi D. Montispessulani ann. 1103 :
Pertinent etiam Vicariæ omnes, donationes, et omnia Consilia omnium honorum, et omnium pignorum totius Montispessulani.
Altera ejusdem anni apud D. Brussel de Usu feudorum tom. 2. pag. 728 :
In omnibus supra scriptis domibus, dono vobis totum censum, et totas vendedas et Consilia impignorandi.
Alia ann. 1246. apud Gariellum in Episc. Magalon. pag. 256 :
Omnia laudimia, acapita, seu Consilia omnium honorum, etc.
Vide eumdem pag. 293. Regestum Comitatus Tolosæ ann. 1231 :
Petebatque idem Abbas quartam partem justitiarum quæ fuit dominorum de Lauriaco, quia dicebatur esse de feudo Ecclesiæ Galliacensis, et quidquid sine Consilio ejus Comes emerat, dicebat emptionem non valere de jure.
Statuta Monspeliensia ann. 1204. cap. 13 :
Qui comprez maison o sol non bastit à Monpell. dona daqui per Consell la quinta al senhor.
In Statut. iisdem Latine editis :
Quicumque comparat domum vel solum forte inædificatum in Montepessulano, dat inde pro Consilio quintam domino : hoc est, si venditor habuerit de pretio centum solidos, dat emptor 25. solidos, etc.
Cap. 57 :
Dominus Montispessulani vel ejus Bajulus nullatenus donare, vel vendere, vel concedere potest Consilium, vel laudimium alicujus rei quæ ab ipso teneantur, donec ipsius rei venditio vel alienatio sit contracta.
Vide Consiliare.
les Bénédictins de St. Maur, 1733–1736.
Consilium Regni et Juvamen, honoris gratia, dictus Robertus venerabilis Marchio, avus Hugonis Capeti, in Charta Caroli Simplicis, ann. regni 26. apud D. Brussel tom. 1. de Usu feud. pag. 128.
© École des chartes.