« »
 
[]« Coopertorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 550c. http://ducange.enc.sorbonne.fr/COOPERTORIUM
COOPERTORIUM, Stragulum quo lectus insternitur, Καταλέϰτιον in Chronico Alexandrino pag. 902. S. Augustinus in Psalm. 33 :
Nolite interrogare stratos pretiosis vestibus lectos, et carnem multis divitiis obvolutam.
Vegetius lib. 3. de Re veterin. :
Calidis Coopertoriis involutus.
S. Bernardus de Vita et Morib. religiosor. cap. 10 :
An non posset dormiri nisi supra varium stratum, aut sub peregrino Coopertorio ?
Vincentius Belvac. lib. 28. cap. 95. habet, sub silvestri Coopertorio. Coopertorium martrinum, et Coopertorium de Alfanex, in Testam. Arnoldi Ep. Tolos. Vide Statuta Ordinis de Sempringham pag. 719. Petrus Cluniac. in Statutis Cluniac. cap. 17 :
Nil se habere non parva priorum, eisque adhærentium multitudo putabat, nisi ex pilosis illis et condensis Numantinorum, hoc est, juxta modernos, Amorensium cattorum pellibus contexto multi pretii Coopertorio, lectus muniretur pariter et ornaretur.
Rotulus Cameræ Comput. Paris. a nobis laudatus ad Joinvillam pag. 66 :
Pro scallatis et Tiretan. persia et viridi pro Coopertorio.
Ibidem :
Unum Coopertorium foratum de erminis. Convertoirs Hermins,
in Poem. de Garin le Loherans. Consule Notas nostras ad Joinvillam pag. 65. Examen testium ann. 1349. in Guden. Cod. Diplom. t. 3. p. 347 :
Magnam pecuniæ summam testis se dicit tunc vidisse jacentem in uno Coopertorio, Germ. Küssen.
Coopertoria inter vestes sacras, vel ministeria sacra, recensentur ab Anastasio in Sergio PP. :
Hic fecit Coopertoria, vel vasa aurea et argentea plura per diversas Ecclesias ad usum et ornatum Ecclesiarum Christi.
Gregorius Turon. de Vitis Patrum. cap. 8.
Dans Coopertorium Sarmaticum, quo altare Dominicum cum oblationibus tegeretur.
Et mox :
Coopertorium vero, quia rarum est, non ponatur super munera altaris, quia non exinde plene tegitur mysterium Corporis Sanguinisque Dominici.
Decreta Stephani Regis Hungar. lib. 2. cap. 34 :
Vestimenta vere, corporalia, et Coopertoria Rex (Ecclesiis) provideat.
Vide Palla 2. et Pallum 2. []
les Bénédictins de St. Maur, 1733–1736.
Coopertorium, Tectum. Computus anni 1202. apud D. Brussel tom. 2. de Usu feudorum ad calcem pag. cliv. col. 1 :
Ad faciendum Coopertorium turris Exolduni, xviii. l.
Coopertoria Equorum, Quibus ii insternuntur. Vegetius lib. 3. Artis veterinariæ cap. 77 :
Animal calidis Coopertoriis involutum deambulet. Κοπριτόριον,
apud Codinum de Offic. cap. 3. n. 8. Vide Sagum, et mox Coopertorius.
Coopertorium, Idem quod Festum, Culmen. Monasticum Anglic. tom. 2. pag. 813 :
Concessi eisdem fragium, focalia et Coopertoria sufficientia in omnibus mariscis et communibus villæ, etc.
Coopertoria. Fridericus II. lib. 2. de Arte venandi cap. 24 :
Pennæ majores sunt recollectæ sub duabus, quæ dicuntur Coopertoria.
Cap. 48 :
Pennas caudæ tenet recollectas sub duabus mediis superioribus, quæ duæ vocantur Coopercula.
Vide Coopertum, et Glossar. med. Græcit. in Καλυπτῆρες.
les Bénédictins de St. Maur, 1733–1736.
Coopertorium et Coopertoreum ferreum, Species armaturæ qua corpus vel pars corporis tegitur, Gall. Cuirasse. Testamentum Bartholomæi de Lega apud Th. Madox Formularis Anglic. pag. 423 :
Item G. nepoti suo loricam et Coopertoria ferrea et caligas ferreas.
Testam. Hengeromi de Budlecs apud eumdem Madox pag. 424 :
Item Coopertorea sua ferrea et unam loricam.
© École des chartes.