CHOUA, Glossarium mediae et infimae latinitatis, Du Cange et al.

« Choua » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 316c. http://ducange.enc.sorbonne.fr/CHOUA

CHOUA, Porticus nundinaria, idem quod Cohua, Gall. Halle, alias Choue ; unde Chouagium, vulgo Chouage, Vectigal et tributum ex Chouis pensitari solitum, ut Cohuagium. Charta ann. 1251. tom. 1. Probat. Hist. Brit. col. 948 :

Deventum est ad concordiam in hunc modum, quod prædictam Chouam faciemus in platea coram ecclesia, ubi stallagia erant.... Et illa die nullus intrabit Chouam, causa emendi vel vendendi. Item volumus et concedimus pro nobis et nostris hæredibus, quod de blado priorum de Trinitate, de Bodieuc et de S. Leviano Chouagium non solvatur.... Concedimus quod si contingat prædictos priores aliquid emere infra Cohuam (sic) prædictam ad usus suos proprios, quod de hujusmodi solvere non teneantur Cohuagium (sic) nec costumam.

Alia ann. 1283. ibid. col. 1067 :

Et est acordé entre le duc et nous que nous aurons la moitié des Choes de Dinant.

Infra semel et iterum Choue legitur. Charta Joan. de Couciaco dom. de Pinon ann. 1248. in Reg. 74. Chartoph. reg. ch. 116 :

Quittamus quemdam redditum, quem habebamus in dicta villa de Pinon, qui Chouage vulgariter appellatur.

Perperam Chouage, pro Corvage, in Recogn. feud. ann. 1348. ut videre est infra in Corvagium. Vide Cohuæ.

CHOTUS CHOULLA © École des chartes.

« 1 cova » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 600c. http://ducange.enc.sorbonne.fr/COVA1

1. COVA, Cavea, locus cavus. Lucas Tudensis pag. 72 :

Ecce in ista Cova inclusa est maxima pars militiæ Gothorum, etc.

Infra spelunca dicitur. Leg. f. Cava. Hispani hodie Cueva efferunt, Lusitanis Cova olim idem quod Silo. Vide S. Rosa de Viterbo voce Cova.

P. Carpentier, 1766.

◊ Hispan. Covacha. Charta pro monast. de Bolbona ann. 1364. in Reg. 103. Chartoph. reg. ch. 78 :

Confrontatur ex una parte cum via publica et ex alia parte cum vallo sive Cova communi dicti loci.

« 2 cova » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 600c. http://ducange.enc.sorbonne.fr/COVA2

2. COVA, Manipulus, Ital. Covone, Gallice Botte, gerbe. German. infer. ein Schoof Stroh. Adel. Chron. Bergom. ad ann. 1402. apud Murator. tom. 16. Script. Ital. col. 911 :

Combusserunt unum torcular, cum uno magno porticu, sub quo erat una maxima quantitas bladæ in Covis.

Stat. Astæ pag. 80. v°. :

Statuerunt quod nulli laboratores audeant portare manipulum sive Covam messium de possessionibus suis vel alienis, sub pœna solidorum v.

Vide infra Covis.