« »
 
DECANUS 1, DECANUS 2, DECANUS 3, DECANUS 5, DECANUS 6, DECANUS 7.
[]« 1 decanus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 018b. http://ducange.enc.sorbonne.fr/DECANUS1
1. DECANUS. Decani, qui decem præsunt militibus, δεϰαδάρχαι Theophylacto Bulgariæ Archiepiscopo Epist. 18. Gloss. Græco-Lat. : Δέϰαρχος, Decanus. Vegetius lib. 2. de Re milit. cap. 8 :
Erant Decani 10. militibus præpositi, qui nunc Caput contubernii vocantur.
Vincentius Belvacensis lib. 30. cap. 73 :
Est etiam statutum Chingis-Cam illius primi, quod per Millenarios, Centenarios, ac Decanos, eorum exercitus debeat ordinari.
Thwroczius in Chronico Hungar. parte 2. cap. 2 :
Centurionesque ac Decanos more solito constituerint.
Agunt de Decanis militaribus, Isidorus lib. 3. Orig. cap. 3. Modestus de Vocab. rei milit. Rufus in Legibus militarib. etc.
Decania, Manipulus decem militum, cui præest Decanus ; δεϰαρχία, Leoni in [] Tacticis cap. 4. § 3. 6. Gloss. Lat. Gr. : Decuria, δεϰανία, δεϰάς, ϰαὶ φατρία. Decurionatus, δεϰαδαρχία. Lex Wisigoth. lib. 9. tit. 2. § 4 :
Si Decanus relinquens Decaniam suam de hoste ad domum suam refugerit, etc.
Decani, cum Mensoribus, Lampadariis, et Cursoribus junguntur in l. ult. Cod. de Divers. offic. (12, 59.) militabantque in Palatio, nec alii sunt a Decanis, quos ῥαϐδούχους fuisse ait Cedrenus pag. 170. S. Ambros. lib. 5. Epist. 35 :
Nuntiatum est, quod ad Basilicam Portianam de Palatio Decanos mittebant.
Joann. Chrysost. in Epist. ad Heb. cap. 7. Hom. 13 :
Καὶ τῶν λεγομένων Δεϰανῶν τὸπον ἐπέχοντες ἐν τοῖς βασιλείοις εἰσί.
In Synodo ad Quercum objectum eidem Chrysostomo quod Decanos contra Severianum concitasset, apud Phot. Cod. 59. Marcus Diac. in Vita S. Porphyrii Episc. Gazensis n. 39 :
Nos accersit Cubicularius Amantius per duos Decanos, ut iremus in Palatium.
Basilii Diaconi supplicatio in Concilio Ephesino part 1. cap. 30. § 3 :
Κᾀϰεῖθεν τυπτόμενοι παρὰ τοῦ ὄχλου τῶν δεϰανῶν, ἀπηγόμεθα ἐν τῷ δεϰανιϰῷ.
Corippus lib. 3. de Laudib. Justini vers. 157 :
... Jussuque regentis
Acciti proceres omnes, scholaque palati est
Jussa suis astare locis : jamque ordine certo
Turba Decanorum, Cursorum, in rebus Agentum, etc.
Ita porro dicti videntur quod ex Decanis militaris custodiæ ad id muneris proveherentur : de iis est titulus in Codice Th. et Justin. Vide Glossar. med. Græcit. in Δεϰανοι et Ῥαϐδοῦχοι.
© École des chartes.
[]« 2 decanus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 018c. http://ducange.enc.sorbonne.fr/DECANUS2
2. DECANUS. Decani, quibus incumbebat cura humandorum corporum Constantinopoli, ut docent Novellæ Justiniani 43. et 59. ubi de eorum numero, et lex Cod. de Sacrosanct. Eccl. (1, 2.) Hi in civitatibus corpus conficiebant, ex variis Corporibus et Collegiis conflatum : unde Collegiati appellantur in l. un. C. de Collegiat. et Cartoprat. lib. 11. (18.) Gloss. Basilic. : Δεϰανοί, ϰολετεάτοι, συνημμένοι, Δεϰανοί, οἱ συναγόμενοι. Dicuntur et Copiatæ in Cod. Justiniano.
© École des chartes.
[]« 3 decanus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 018c. http://ducange.enc.sorbonne.fr/DECANUS3
3. DECANUS. Decani, Minores judices, qui per Decanias jus dicebant. Walafridus Strabo lib. de Reb. Eccles. c. ult. :
Decuriones, vel Decani, qui sub ipsis Vicariis (pagorum) quædam minora exercent, minoribus presbyteris titulorum possunt comparari.
Hincmarus Epist. 4 :
Comites et Vicarii, vel etiam Decani plurima placita constituant.
Vide Cathwlphum in Epist. ad Carolum M. Legem Wisigoth. lib. 2. tit. 1. § 26. lib. 9. tit. 2. § 1. 4. Legem Longob. lib. 1. tit. 25. § 50. 73. lib. 2. tit. 38. § 2. Liutpr. 44. 84. (6, 15, 31.) De Longobardorum Decanis vide Murator. Antiquit. Ital. tom. 1. col. 516. sqq. Savinium Histor. Jur. Rom. med. temp. tom. 1. cap. 4. § 84. not. a. de Anglosaxonum eundem § 82. et de Francorum § 81. Conf. Eichhorn. Histor. Jur. German. § 23. et 74.
P. Carpentier, 1766.
◊ Charta Ottonis II. imper. ann. 978. apud Murator. tom. 1. Antiq. Ital. med. ævi col. 998 :
Nemo etiam comes, vicecomes, sculdasio, gastaldius, Decanus publicæ, et imperialis aut regiæ partis infra muros Cremonenses, vel foris circa civitatem per quinque miliaria placitum teneat.
Alia Joan. de Castell. dom. de S. Hilario, ann. 1324. in Reg. 62. Chartoph. reg. ch. 361 :
Item Decanus villæ per dictos habitantes eligetur seu per saniorem partem eorumdem ;... debetque dictus Decanus in dicta villa adjornamenta facere, gagia [] capere, et nullus præter ipsum.
Ubi apparitoris officium describitur, quo sensu occurrit non semel, a Germ. et Fland. Dienst, officium, servitium. Charta præpositi de Marisiaco ann. 1318. in Reg. 56. ch. 238 :
Feismes asavoir, dire et senefier par nos Doians et sergens establis de par nous à ce faire, etc.
Pactum inter Joan. de Joinvilla dom. de Valle color. et habitat. ejusd. loci ann. 1330. in Reg. 66. ch. 501 :
Item que il n'aura que dous Doyens en laditte ville, qui soient creu sur les diz habitans,... sauf tant que les sergens que les bonnes gens de laditte ville esliront pour garder les bois de ladite ville, seront creu, ainsi comme on a acoustumé.
Lit. remiss. ann. 1452. in Reg. 181. ch. 231 :
Ung appellé Estienne, lors maire de Waxancourt au ban d'Espinal, pria et requist le suppliant qu'il feust son Doyen.
Vide infra Dienstmannus et Decanus 6.
◊ Ita porro apud Anglo-Saxones Centuriæ (hundredos vocant) in denas Decurias partitæ erant. Decuriæ ex decem viris constabant, quorum singuli uniuscujusque sistendi fidejussores erant, et si quis eorum aliquid dedisset damni, id omne reliqui resarcire debebant. Qui Decuriis præerant, seu novem aliis, Decuriones, Saxonice ρ eotungman dicebantur. Centuriæ vel decem friborgis præerat Decanus, quem tienheofod dicebant. De hac partitione Angliæ agunt copiose Leges Edwardi Confess. cap. 32. et Leges Henrici I. cap. 6. et 8. Porro ex Decreto Aluredi Regis, quisquis liberæ erat conditionis, in Centuriam aliquam, et in decemvirale Collegium adscribi tenebatur. De minoribus negotiis judicabant Decuriones ; si quæ res esset difficilior, ad Centuriam referebant. Hos etiam Decanos Friborgi vocitant Leges Edwardi Confessoris.
Decania, Pars Centuriæ, constans decem familiis, cui præerat Decanus. Leges Henrici I. Regis Angl. cap. 6 :
Centuriæ in Decanias vel Decimas... distinguuntur.
Adde cap. 8. et Leges Wisigoth. lib. 9. tit. 2. § 4. Vide Decenna, Friborgh, Hundredus.
© École des chartes.
[]« 5 decanus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 019c. http://ducange.enc.sorbonne.fr/DECANUS5
5. DECANUS, in Monasteriis, qui decem Monachis, seu Decaniæ Monachorum præerat. Δέϰαρχος, in Vita S. Alexandr. Acœmeti Abbat. cap. 7. Regula S. Benedicti cap. 21 :
Si major fuerit congregatio, eligantur de ipsis Fratres boni testimonii et sanctæ conversationis, et constituantur Decani, qui sollicitudinem gerant super Decanias suas, in omnibus secundum mandata Dei, et præcepta Abbatis sui. Qui Decani tales eligantur, in quibus securus Abbas partiatur onera sua ; et non eligantur per ordinem, sed secundum vitæ meritum et sapientiæ doctrinam.
De ejusmodi Decanis agunt præterea S. Isidorus in Regula cap. 14. S. Fructuosus in Regula cap. 12. Magister in Regula cap. 11. S. Augustinus lib. 1. de Morib. Eccl. Cathol. cap. 31. S. Hieron. Epist. 22. Cassian. lib. 4. Instit. cap. 7. et 10. Adelbertus Abbas Heidenheimensis in Relat. pag. 365. Supplex libellus Monachor. Fuld. Carolo M. porrectus § 11. apud Browerum lib. 3. Antiq. Fuld. Chronicon Casinense non uno loco, Concil. Moguntiac. ann. 813. cap. 21. Itinerarium S. Willibaldi num. 25. Fulbertus Carnot. Epist. 21. etc. Vide Haeftenum lib. 3. Disquisit. Monast. tract. 6. disq. 4. 5. 6.
Decani Seniores, Majores, Qui decanis istis præerant. Capitula Lud. Pii Add. 1. cap. 55 :
Ut senior Decanus reliquis Decanis præponatur, et Abbate vel Præposito præsente locum proprium teneat.
De Decano isto majore cap. seq. :
Ut Præpositus, Decanus, Cellarius, de eorum ministerio, nisi causa utilitatis aut necessitatis, non removeantur.
De ejusmodi Decanis majoribus intelligendus Continuator Aimoini lib. 5. cap. 42 :
Robertus Comes cupiditate magis ductus, quam de cura animarum sollicitus, Abbatiam S. Germani accepit, seque Abbatem vocitari fecit, statuens Decanos qui curam haberent Monachorum.
Et petrus Diac. lib. 4. Chron. Casinensis cap. 45 :
Demum ab Oderisio Abbate Monasterii hujus Decanus ordinatur.
Cap. 77 :
Mallem Decanus esse Casinensis, quam Cluniacensis Abbas.
Adde cap. 52. Chronicon Abbatiæ Trudon. lib. 8 :
Bozo Decanus, quia sic tum in illo veteri ordine appellabatur, qui modo in isto Prior vocatur.
Vide Eckehardum Jun. de Casib. S. Galli cap. [] 1. pag. 42. et Vadian. de Monasteriis Germaniæ pag. 32.
Foris Decanus in Monasteriis, cujus munus describitur in Tabulario Monasterii S. Theofredi in Diœcesi Aniciensi, quod scilicet versatur circa res exteriores.
Decana, in Monasteriis puellaribus, apud Rudolfum in Vita S. Liobæ cap. 3. et in Actis S. Forannani Abbatis Walciodorensis n. 15.
P. Carpentier, 1766.
◊ Doyennesse, in Charta ann. 1444. ex Reg. 177. Chartoph. reg. ch. 2 :
L'abbesse, Doyennesse et chapitre de l'église de S. Pierre de Remiremont.
Vide in Decanus 5.
Decania, Decani Monachici dignitas. Adelbert. Abbas Heidenheimensis pag. 365 :
Decania quoque, in qua rigor correctionis esse deberet, cuiquam levissimo timidissimoque tradebatur.
Decanus Operis, vel Operariorum, in Monasteriis, operis Monasticis præfectus. Eckeardus Junior de Casib. S. Galli cap. 3 :
Cum alias in nullo esset utilis... a Salomone operariorum positus est Decanus.
Bertholdus Monachus de Abbatib. S. Galli :
Post hunc electus est... Waltherus Decanus operis, et tenuit ipsam Abbatiam, etc.
Horum, ni fallor, mentio est apud Petrum Venerabil. lib. 1. Epist. 28 :
Quia brevem ferramentorum et rerum Monasterii Abbas non habet, eum vel superbum vel negligentem dicitis : et quare alio in loco legitur, Decani tales eligantur, in quibus securus Abbas partiatur onera sua ? etc.
Vide Operarius.
© École des chartes.
[]« 6 decanus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 020a. http://ducange.enc.sorbonne.fr/DECANUS6
6. DECANUS. Decani, Procuratores villarum itidem dicuntur in Monasteriis, apud Udalricum lib. 1. Consuetud. Cluniac. cap. 46. et lib. 3. cap. 5. ubi ita :
Ejus autem (Prioris Majoris) suffraganei ad temporalia sunt illi fratres, qui sunt villarum provisores, et quos pro more nostro Decanos appellamus, etc.
Quæ verba hausit a Bernardo Mon. in iisd. Consuetud. MSS. cap. 3. Hoc etiam nomine nuncupati sunt Villici seu Coloni, qui Monachorum villas et prædia tenebant. Codex MSS. Irminonis Abb. Sangerman. fol. 72. verso col. 1 :
Walateus Decanus ejusdem villæ solvit inter utrasque festivitates porcellos 11.
et fol. 123. col. 1 :
Regenulfus Colonus et Decanus... habet de terra arabili bunaria viii.
Villæ ipsæ, seu Obedientiæ, quibus præsunt,
Decaniæ ibidem dicuntur, et in Statutis Clun. in Bibl. Clun. pag. 1473. eaque appellatio pro cellis, prædiis, et Grangiis monasticis maxime in Hispania obtinuit. Acta consecrationis Ecclesiæ Gissonensis ann. 1099. in Appendice Marcæ Hispan. col. 1210 :
Et insuper donamus nos ipsam Decaniam de Balagario usque ad castrum de Puig alt ; quod ascendit de rivo meritario, et vadit in latus usque ad episcopatum Ausonensem.
Charta Ferdinandi Garciæ Regis, apud Antonium de Yepez in Chronico Ord. S. Bened. tom. 1 :
Damus vobis Monasterium proprium fundatum in honore S. Vincentii, etc... et insuper damus vobis illud cum suis Decaniis, scilicet Monasterium fundatum in honore S. Mametis, quod est inter villa Alara et Eveia, etc.
Alia Sanctii Regis Navarræ æræ 1214. apud eumdem tom. 3 :
Dono vobis libertatem et concedo, ut ab hac die inantea nullus homo sit ausus domus vestras, vel Deganias, vel cabanias, quas modo in regno meo habetis... molestare, intrare, frangere... præsumat.
Infra :
Et domos vestras, et Deganias, et collazos, atque [] omnia quæcumque nunc possidetis, etc.
Charta alia æræ 1153. tom. 4 :
Iste Prior ordinavit familias, et Decanias, unamquamque suo servitio congruam, ad honorem et excellentiam Clericorum, intra tam dignam deservientium aulam, etc.
Alia Bermundi II. Reg. æræ 1035. apud eumdem tom. 5. pag. 439 :
Et omnes hereditates, quas testavit amica nostra Domina Teresia ad Palumbario quæ in Ambas mixtas, etiam Decanias et Ecclesias, quas fuisse ædificatas et factas, cum ganato et homines de Palumbario.
Mox :
Mandat jussio nostra, ut ibi serviat, sicut et sancto Laurentio, cum omnes suas cuintiones, et Deganias cunctas, alteras Deganias quæ sunt in Bubalo, in Linia, etc.
Adde pag. 444. b. 468. b. Sandovallium in Episcopis Pampilon. fol. 35. 74. Codex Irminonis Abb. Sangerman. f. 45. col. 1 :
Habet in Villamilt mansum indominicatum cum casa et aliis casticiis sufficienter. Habet ibi culturas inter majores et minores inter totas tres, Decanias xxi. habentes bunnar. cccclvi. quæ possunt seminari de modiis frumenti md.
Et f. 123. col. 1 :
De Decanaria Ragenulfi. Ragenulfus colonus et Decanus... habet de terra arabili bunaria viii.
Paulo alia notione intelligendus Baraterius lib. de Feudis tit. 4. § penult. :
Si quis pro villicaria, et, ut ita dicam, pro Decania, vel aliis quibuscumque angariis.... feodum acceperit.
Ubi Decania species est Beneficii laici, seu villicaturæ, ab Ecclesia dependentis ; dicitur etiam
Decanatus, Eadem notione. Charta Hugonis Abb. B. Dionysii ann. 1230. ex Tabul. ejusd. Mon. :
Simon filius defuncti Girardi, dicti Decani, quondam servientis Monasterii S. Dionysii recognovit, quod venerabilis Odo ejusdem Monasterii Abbas concesserat dicto Simoni de mera gratia Decanatum, quem præfatus Girardus pater quondam ipsius Simonis tenuerat, hoc modo videlicet quod idem Simon eumdem Decanatum teneret, et haberet, quamdiu Abbati B. Dionysii, quicumque fuerit, videbitur quod bene ac fideliter serviat Monasterio, et residentiam faciat in terra Monasterii apud S. Dionysium. Etiam idem Simon recognovit coram nobis, quod in prædicto Decanatu nihil hæreditario jure reclamaret, fide data in manu nostra firmavit.
Alia ann. 1332. ibid. :
Recognoverunt se vendidisse Ecclesiæ S. Dionysii in Franciam totam Sergenteriam suam de Morenciaco villa quæ vocatur Decanatus pro 40. libris Paris. etc.
L. Henschel, 1840–1850.
Decani vilatici et villarum passim in Polypt. Irminonis. Guerardo sunt : Ministri rurales, præpositi culturæ villæ vel definitæ alicujus agrorum quantitatis, operas laboresque rusticorum dirigentes, ac jurisdictionem quamdam inferiorem exercentes in colonos aliosque agrorum cultores. Decania, Certa quantitas agrorum excolendorum, jurisdictioni decani subjecta. Decanus junior, ap. Irminon. Brev. 9. sect. 58. et 210. Guerard. pag. 85. et 105. Uti apud Longobardus decani et saltarii jungi solent, ita Decanus et forestarius, ap. Irminon. Brev. 13. sect. 99. pag. 149. Vide Cancian. Barbar. Leg. tom. 4. pag. 219. Capitul. de villis cap. 10. et supra in Decanus 3.
Decanus Claustri, quidam Hermanus subscribit compositioni factæ pro Abbatia S. Basilii diœcesis Basiliensis ann. 1220. tom. 8. Spicilegii Acheriani.
© École des chartes.
[]« 7 decanus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 020b. http://ducange.enc.sorbonne.fr/DECANUS7
7. DECANUS, Idem qui Præfectus, Reg. Olim parlam. Paris. ad ann. 1302 :
Jacobus de Tornodoro præfectus vigiliarum, seu Decanus excubiarum urbis Senonensis,[] etc.
Lit. remiss. ann. 1371. in Reg. 102. Chartoph. reg. ch. 287 :
L'humble supplication... de Robinet le Keux, joene homme, boucher demourant à Soissons, contenant que comme en icellui mestier de boucherie soit accoustumé chascun an eslire un certain officier, appellé le Doyen dudit mestier,..... comme audit office soit necessité aucunesfois faire plusieurs ou aucunes escriptures, etc.
Vide Caput excubiarum in Caput 3.
© École des chartes.