FALDAO, Sedes, seu sella brachiis conclusa, a fald Saxonico, quod, ut supra diximus in Falda, non modo stabulum ovile, sed etiam quodvis septum significat. Exstat apud Theodulphum Episc. Aurelian. lib. 2. Carm. 15. Epigramma cujus titulus est :

In Faldaone Episcopi,

et principium, Sessio Teudulfi placeat precor, etc. Fredegarius in Chron. cap. 34 :

Ubi ad ventrem purgandum in Faldaone sedebat, sagitta saucius moritur.

Vide Faldistorium. Nescio, an ejusdem originis vox Gallica Faude, de qua Octavianus de S. Gelais in Viridario honoris :

Hucques de pris, tres-riches mantelines,

Venans sans plus jusqu'au dessous des Faudes.

Ubi Faude braccas, Gall. Haut de chausses, vel Garde-chausses significare videtur. Nec alia notione Raimundus Montanerius in Chron. Aragon. cap. 124 :

Et dona li tal cop par les Faldes en la cuxa, que la cuxa li passa, et la sella, et apunta lo cavall.