JUDICISSA, Quæ promiscue Regina nuncupatur, quæ Judicatum seu regnum possidet, uxor reguli seu toparchæ in Sardinia. Charta ann. 1224. apud Murator. tom. 6. Antiq. Ital. med. ævi col. 7 :

Ego Benedicta donnicella marchisana Massæ et Judicissa Calaritana... viginti libras argenti nomine census pro regno meo Calaritano sive judicatu ac tota terra, quam habeo in Sardinia,... in festo Omnium Sanctorum promitto solvere annuatim. Item promitto quod nullus de novo efficietur Judex vel Judicissa in ipso regno sive judicatu, quin jurent fidelitatem ipsi (Romanæ) ecclesiæ.

Alia ann. 1236. ibid. col. 9 :

Ego Adelasia regina Turritana et Gallurensis, etc.

Vide in Judex.