« »
 
[]« Mancipia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 208b. http://ducange.enc.sorbonne.fr/MANCIPIA
MANCIPIA, Servi homines, sed non ejusdem ordinis atque conditionis ; Mancipia quippe Ecclesiastica ab aliis diligenter secernunt Capitularia Regum nostrorum, cum ne in servitutem secularem redigantur, prohibent tom. 2. col. 364. neque ea commutari nisi ad libertatem permittant. Capituli Caroli C. ibid. col. 56 :
Neque Mancipia ecclesiastica quisquam nisi ad libertatem commutet ; videlicet ut Mancipia quæ pro ecclesiastico dabuntur, in Ecclesiæ servitute permaneant ; et ecclesiasticus homo, qui commutatus fuerit, perpetua libertate fruatur.
les Bénédictins de St. Maur, 1733–1736.
Mancipia Adventitia et fugitiva, in Capitul. Caroli M. ex Lege Longobard. num. 7.
les Bénédictins de St. Maur, 1733–1736.
Mancipia non casata, hoc est, servi ruralibus possessionibus non addicti. Vide Casati.
les Bénédictins de St. Maur, 1733–1736.
Mancipia Originalia, Servi a prima origine colonariæ conditionis. Appendix Marculfi form. 16 :
Propterea obnoxiationem de capud ingenuitatis meæ in te fieri et adfirmare rogavi ; ut quicquid de Mancipia tua originalia vestra facitis, etc.
Idem occurrit inter Lindenbrogii formulas n. 136. Vide Originarii.
les Bénédictins de St. Maur, 1733–1736.
Mancipia Palatii, Ejusdem conditionis atque Mancipia Ecclesiarum, in Capitul. Caroli M. ann. 793. num. 12.
L. Henschel, 1840–1850.
Mancipia Dotalia, Ecclesiastica, quæ in dote ecclesiæ sunt. Chart. Otton. 1. Imperat. ann. 950. apud Guden. Cod. Diplom. tom. 2. pag. 1 :
Reddidimus cœnobitis S. Maximini... æcclesias cum decimis, dote, Dotalibusque Mancipiis.
les Bénédictins de St. Maur, 1733–1736.
Mancipia, Serva. Præceptum Lotharii Regis ann. 856. apud Marten. tom. 1. Ampliss. Collect. col. 146 :
Ex beneficio Irigilmari Mancipias duas, nomina earum Ottruth et Willigart, et istas supra nominatas Mancipias cum infantibus eorum ad proprium tribuimus.
Vide Marculfi Appendicem form. 37.
© École des chartes.