« »
 
[]« Neoptolemus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 587a. http://ducange.enc.sorbonne.fr/NEOPTOLEMUS
NEOPTOLEMUS, Tyro, novus Miles, ex Græco Νεοπτόλεμος, quod fuit cognomen Pyrrhi Achillis filii. Brito in Synonym. :
Miles, Eques, Tyro, Tyrunculus, atque Quirites,
Atque Neoptolemus, novus est regnator in illis.
[] Vita S. Neoti Abb. num. 10 :
Hunc ergo locum Christi miles eligens, tamquam Neoptolemus, et conversus a sæculo, rursus elapsus est, etc.
Cunradus Fabariensis de Casib. S. Galli cap. 14 :
Junior frater Neoptolemus in Curia, frater Imperatoris magni, Cremonæ factus, auxilio venerabilis Curiensis Episcopi et Abbatis nostri, cingulum Militare morum decoravit honestate.
Ubi legendum puto a fratre Imperatoris, etc. Pactum ann. 1306. tom. 2. Hist. Dalphin. pag. 125 :
Item promittit ipse Johannes (Comes Vapincensis) quod ipsum Rolletum (Dominum de Intramontibus) ad suam requisitionem Neoptolemum faciet, et quod ipsum tenebit ad raubas sui corporis, quandiu ipse Rolletus fuerit in humanis.
Vide Tyro.
© École des chartes.