PARAGIUM 1, Glossarium mediae et infimae latinitatis, Du Cange et al.

1. PARAGIUM, Paraticum, Conditionis ac nobilitatis paritas juxta quam Barones

debent maritare sorores, aut amitas, fratres aut nepotes

, ut est in Constitut. Siculis lib. 3. tit. 33 :

Pro modo scilicet facultatum suarum, et filiorum superstitum numero, secundum Paragium.

Adde Statuta MSS. Caroli I. Reg. Siciliæ cap. 158. Charta ann. 1269. apud Ughellum in Episcopis Casertanis :

Suppliciter petit ut mandari ipsam maritari juxta Paragium, et dotari de castro et casali prædictis benignius dignaremur, etc.

Quod porro Paragium nostri in nuptiis appellabant, congruam parilitatem recte vocat Martianus Capella lib. 1. pag. 4. Ὁμαλὸν γάμον Æschylus in Prometheo pag. 55. ubi consulendus Scholiastes pag. 54. Apuleius lib. 6. Metamorph. :

Connubium est, cum æquales in nuptias coeunt : ut puta cives Romani pari utique dignitate.

Ita Periander apud Laertium lib. 1. suadebat, γαμεῖν ἐϰ τῶν ὁμοίων. Et Solon apud Ausonium in Ludo sapient. :

Par pari jungatur conjux, quidquid impar dissidet.

Sed hæc nota. Hinc vox

Paragium, pro ipsa nobilitate usurpata. Philippus Mouskes in Hist. Franc. MS. :

Le Comte Estase de Boulogne,

Ki del Parage ne forlonge.

MS. :

Enfans, dit-il, de haut Parage,

Penssés de mes Chatiaus tenir, etc.

MS. :

La Dame iert de mult haut Paraige née.

MS. :

Vostre pere est frere Basin le fier,

Itel Paraige puisse Dex vergoigner.

MS. :

Gentil fu de Parage, et d'avoir fu manans.

Alibi :

Une fille à moult gente, qui est de haut Parage.

Rursum de Henrico II. Rege Angliæ :

Qui prist Alianor, dame de haut Parage.

Princesse de haut Paraige, apud Christinam Pisanam lib. du Tresor de la Cité des Dames, 1. part. cap. 24. Homens de Paratge, apud Raimundum de Montanerio in Chron. Aragon. cap. 113. in Chron. Petri Regis Aragon. lib. 1. cap. 28. etc. Chronicon Flandriæ cap. 5 :

Quand vous avez arse sa maison à la vergoigne de tout son Parage.

Adde cap. 9. Jacobus Passavantius in Speculo de vera Pœnitentia pag. 209 :

Non trovando niun altra creatura a suo Paraggio.

Dantes de Majano Son. 17 :

Cavalieri li mostraro di gran Paraggio.

Utitur etiam Johannes Villaneus. Quibus in locis sæpe pro parentage sumitur. Philippus Mouskes in Philippo Augusto de Reginæ Isembordis divortio :

Et par itant se l'en hai

Si fort, que de li s'en parti,

Quar l'Arcevesque de Rains

Parage i jura premerains.

Vide Dissertationem 3. ad Joinvillam pag. 151. ubi plura : et supra in Disparagare. Ita etiam

Paraticum usurpatur in Hispanicis Tabulis. Curia Generalis Catalon. ann. 1320. MS. :

De hominibus de Paratico, sive de genere Militari.

Alia Curia Generalis Barcinone celebrata ann. 1291. a Jacobo II. Rege Aragon. :

Quod aliquis Miles, vel homo de Paratico non possit facere malum alicui sine acunydamento.

Vide Bandositas.

les Bénédictins de St. Maur, 1733–1736.

Paragium, Parium dignitas et prærogativa, Pairie. Litteræ Philippi Pulcri ad Clementem V. PP. ann. 1307. in MSS. de Brienne, vol. 236. fol. 3 :

In Laudunensi ecclesia, quam licet in facultatibus tenuem, inter cæteras regni nostri ut pote Paritate seu Paragio regni ejusdem dotatam, excellentia nobilissimam reputamus.

Paragium, deinde appellatum, quicquid feudale a fratre primogenito, secundogenitis in partem hæreditatis datur, qui id ab ipso primogenito fratre tenent, pari ac ille reliquum feudum conditione, absque tamen homagio, (quod is pro toto feudo dominico præstat) usque ad septimam generationem, qua finita, omnis sanguinis affinitas extincta censetur : tum enim qui excipiunt, homagium præstant hæredibus primogeniti. Arestum Parlamenti Parisiensis anno 1275. apud Duchesnium in Histor. Drocensi pag. 281 :

Baillivo igitur Caleti pro domino Rege petente homagium a Comite Domni Martini de dictis terris sibi, ut dictum est, in excambium traditis : pro dictis Comitibus fuit ex adverso propositum, quod dictus Rex de dictis terris... homagium habere non debebat : imo Comes Drocensis eas Comiti Domni Martini per Paragium, juxta terræ consuetudinem garantire debebat usque ad septimum hæredem.

Regestum Parisiensis Parlamenti sign. B. f. 41. inter Aresta anno 1277 :

Hometum quod tenetur ab eo tanquam ab antenato per Paragium, juxta consuetudinem Normanniæ.

Totam hanc Paragii rationem et usum hisce verbis prosequitur vetus Consuetudo Normanniæ MS. 1. part. sect. 3. cap. 15 :

Les fleus sont tenus par Parage, quant le frere ou le cousin prent l'eritage à ses predecesseurs, et il la tient de son ainsné, et li respont de toutes les choses qui apartiennent à la partie de son fieu, et de toutes les droitures que le fiemenl de sa partie deura, il en respont et en fet les redevances as Chiés Seignors.

Et cap. 18 :

Tenure par Parage adecertes si est fet quant le tenant et celui del quel le fieu est tenus sont pers par la reson del lignage, qui descent de leurs antecesseurs, et en cette maniere tiennent les puisnez des ainznez de si atant que il viengnent au sesime degré de l'éritage. Més dilec en avant, li puisnez si sont tenus à fere fealté à l'ainzné, et quant vendra au septisme degré, il tendront encore de l'ainzné par homage, més dillec en avant tout c'en qui par de devant estoit tenu en Parage, il sera tenu en aprés par hommage. Li ainznez poet fere justice sur les puisnez pour les rentes et pour les services qui appartiennent as Seignors del fieu, etc.

Cap. 27 :

Les puisnez seront tenus à fare fealté à leur ainznez ou à leurs successeurs quant le lingnage sera alé et descendu siques au sisime genoil. El septisme degré les puisnez seront tenus à fere à leur ainznez homage, quer le septisme degré est establi tout au dehors des lignes de consanguinité.

Adde quæ de hacce materia fuse pariter observavimus in dicta Dissert. 3. ad Joinvillam pag. 150. Vide etiam, si placet, quæ eamdem in rem disserunt D. Brussel lib. 3. de Usu feud. cap. 13. D. de Lauriere in Gloss. Jur. Gall. v. Parage et in Præfat. ad tom. 1. Ordinat. Reg. Franc. pag. xix. et seq. Stabilim. S. Ludov. lib. 1. cap. 74. Butiller. in summa rurali, atque Consuetudinum municipalium Interpretes passim.

P. Carpentier, 1766.

◊ Hinc Aparageor, qui partem feudi seu prædii ea ratione possidet, in Stabil. S. Ludov. ann. 1270. cap. 42. tom. 1. Ordinat. reg. Franc. pag. 138 :

Et se li vavasor avoient Aparageors qu'ils deussent mettre en l'aide, il leur doit mettre jor que il auront lors Aparageors.

Et cap. 43. pag. 139 :

Et se aucuns est qui ait Aparageors, qui tiennent de lui en parage, etc.

Apparagium, pro parte hæreditatis paternæ aut maternæ, quæ secundogenitis datur a primogenito fratre, in Charta ann. 1316. ex veteri Regesto Cameræ Computorum Parisiensis :

Dominus Philippus filius Regis Comes Pictavensis et Burgundiæ de dono Regis Philippi patris sui ratione partagii seu possessionis hereditariæ quousque Rex sibi fecerit assideri de 20. mill. lib. Tur. solvend. hoc modo videlicet 3000. ll. super terram Comitatus Burgundiæ annis singulis, qui debebantur Regi a Comitissa Atrebatensi Dominæ Mathildi... Dominus Ludovicus Comes Ebroicensis pro recompensatione sibi facta super deceptione seu errore assisiæ terræ sibi factæ ratione sui Apparagii, super quibus dudum conquestus fuerat defunctis regibus Philippo seniori, et Ludovico germano quondam domini Regis moderni, etc.

Hinc etiam in Consuetudine Britanniæ art. 557. Lodunensi cap. 15. art. 5. cap. 27. art. 26. et in Turonensi art. 284.

fille apparagée suffisamment, ou deuement

, dicitur quæ legitime et juxta debitum dotata est a fratribus.

P. Carpentier, 1766.

◊ Appariage, eodem intellectu, in Lit. ann. 1392. tom. 7. Ordinat. reg. Franc. pag. 469.

Paragium, Quævis portio in re aliqua. Tabularium Vindocinense fol. 54 :

Guido de Blasone Dominicus vassus accedens ad Dom. Odericum Abbatem donavit eis tractum sagenæ unius in universis aquis suis, ubicumque piscaturas habere dinoscitur, ita ut ipse in eadem sagena unius hominis habeat portionem, quam nominant Paragium, reliquæ autem portiones sunt S. Trinitatis et Monachorum.

Charta ann. 1183 :

Aremburgis uxor Dagani conquerebatur super duobus Paragiis in clusa quæ Varias nuncupatur, quæ ei Daganus vir suus de sæculo decedens dederat ex conquisitione sua.

Tabular. Majoris-monast. :

Post mortem Gauffridi de Castro-Celso, frater ejus Odericus dedit terram quæ cognominatur Truncata,... et parilitatem quam vocant Paragium omnium exclusarum de illa castellaria.

Vide Cenagiator.