RECORS, Testis, qui rei gestæ meminit, Gall. Record, in Consuetudinibus municipalibus passim : quas recenset Raguellus in hac voce. Testamentum Johannis Comitis Armeniaci ann. 1381. apud Marten. tom. 1. Ampliss. Collect. col. 1514 :

Ut hujus nostri præsentis testamenti sint memores et Recordes, et testes, qui præsentes fuerunt adhibiti et vocati, et rogati per dictum dominum testatorem.

Testamentum Vandræ uxoris Bernardi Domicelli de Tonaco ann. 1300. e Schedis Marchionis de Flamarens :

Hujusmodi testamenti mei... testes, memores et Recordes.

Nostris interdum être Record, idem est quod Memorem esse, meminisse. Præceptum Caroli Johannis Regis Franc. filii primogeniti ann. 1358. apud D. Secousse, tom. 3. Ordinat. Reg. pag. 243 :

Nous sommes bien Records, que en May derrenier passé, la greigneur partie ou plusieurs des gens des bonnes villes dudit royaume, lors estans à Compiegne, nous supplierent et requirent, etc.

Vide Recordum.