« »
 
RECTOR 1, RECTOR 2, RECTOR 3, RECTOR 4, RECTOR 5, RECTOR 6, RECTOR 7.
[]« 1 rector » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 061a. http://ducange.enc.sorbonne.fr/RECTOR1
1. RECTOR. Rectores Ecclesiarum, Prælati, Episcopi, Abbates, parochiarum Presbyteri, in Lege Longob. lib. 3. tit. 1. § 42. tit. 10. § 4. Lothar. I. 41. 84. in Capitularibus Caroli Mag. lib. 3. tit. 75. etc. Maxime Rector Ecclesiæ dicitur, qui vulgo Curio, seu Curatus, ut in Charta Alaman. 43. apud Goldastum, et alibi sæpissime, præsertim apud Aremoricos, qui hodieque Recteurs vocant, quos nos Curez nuncupamus ; Curez autem appellant ipsi, quos alii Vicaires dicunt, nempe Curionum vicarios. Vide Lobinelli Glossarium ad calcem Historiæ Britan. Burdigalenses Recteurs, etiam vocant Curiones. Concilium Londin. ann. 1237 :
De residentia in Ecclesiis a Rectoribus facienda videtur nobis consulendum facto potius, quam statuto.
Synodus Valentina ann. 1590. tom. 4. Concil. Hispan. pag. 458 :
Rectores eorumque Vicarii, qui Baptismi sacramentum in suis Ecclesiis conferunt, teneantur propria sua manu in Baptismi libro illorum nomina, qui baptizantur, describere.
Hinc
Rectoria, Dignitas Curionis, vel Ecclesia parochialis, in Statutis Ecclesiarum Cadurc. Ruthen. et Tutel. apud Marten. tom. 4. Anecd. col. 729. in Statutis Eccles. Nemaus. ibid. col. 1065. apud Thomam Madox Formul. Anglic. pag. 70. et 71. Rymerum tom. 14. pag. 265. col. 2. et tom. 15. pag. 180. col. 1. in Constitutionibus Eccl. Valentinæ tom. 4. Concil. Hispan. pag. 192. et alibi.Unde nostris Rectorie. Lit. remiss. ann. 1394. in Reg. 146. Chartoph. reg. ch. 84 :
Comme le frere de James eust prinst à certain et juste tiltre la possession de la cure ou Rectorie du mas de Guarne lez Verdun, etc.
les Bénédictins de St. Maur, 1733–1736.
Rectoratus, Eadem notione. Synodus Valentina ann. 1590. tom. 4. Concil. Hispan. pag. 458 :
Quando.... aliquis noviter conversorum Rector, vel ejus Vicarius, in alia Ecclesia extra Rectoratus sui Ecclesiam, ut Beneficiatus vel substitutus resederit, ieritque ad Rectoratus sui Ecclesiam, ad suum Rectoris vel Vicarii peragendum officium, volumus ne ejus absentiæ causa ad eos actus in Ecclesia, in qua beneficium obtinet vel substitutus est, punctum amittat, quibus alioqui præsens in illa fuisset.
© École des chartes.
[]« 2 rector » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 061a. http://ducange.enc.sorbonne.fr/RECTOR2
2. RECTOR. Rectores Apostolici Patrimonii, dicti ii ex ordine Clericali, qui a summis Pontificibus subinde in Provincias et Regna mittebantur, qui S. Romanæ Ecclesiæ Patrimonium curarent, id est massas et familias Ecclesiasticas, de quibus agit Gregorius M. lib. 7. Ind. 2. Epist. 17. lib. 12. Epist. 12. 30. Census et Denarios S. Petri exigerent, et Romam transmitterent, apud eumd. Gregorium M. lib. 2. Ind. 11. Epist. 32. lib. 5. Epist. 5. 53. et aliis locis : quod fuit etiam Defensorum munus. Vide Gesta Innocentii III. PP. pag. 137. et Diurnum Romanum cap. 6. tit. 4. 5. 6.
les Bénédictins de St. Maur, 1733–1736.
Rectoria, Munus Rectoris ejusmodi. Appendix ad Agnelli Pontificale de Patrocinio Archiep. Ravenn. apud Murator. tom. 2. pag. 211. col. 1 :
Pro Ecclesia Romana in Romandiola Rector fuit, quæ Rectoria vulgariter Comes Romandiolæ nominatur, et diu in dicta Rectoria stetit.
Mox occurrit ibi.
P. Carpentier, 1766.
◊ Hoc munus Rectoriatus nuncupatur, in Stat. comitat. Venaiss. sub Clemente[] PP. VII. cap. 70. ex Cod. reg. 4660. A.
© École des chartes.
[]« 3 rector » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 061b. http://ducange.enc.sorbonne.fr/RECTOR3
3. RECTOR, Dignitas in Imperio CP. apud Luithprandum lib. 3. cap. 7. (26.) Rector domus, apud eumd. lib. 6. cap. 10. Constantinum Porphyrogen. de Administr. Imper. pag. 199. Scylitzem pag. 607. 781. Zonaram pag. 48. etc. Vide Notas ad Alexiadem pag. 233. et Glossarium mediæ Græcitatis in Ῥαιϰτωρ, col. 1280. Alii sunt Rectores Provinciarum.
© École des chartes.
[]« 4 rector » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 061b. http://ducange.enc.sorbonne.fr/RECTOR4
4. RECTOR, in Prologo Pactus Legis Salicæ, Idem qui Dux Comesve, sive provinciæ Rector, aut Judex :
Dictaverunt Salicam Legem Proceres ipsius gentis, qui tunc temporis apud eamdem erant Rectores.
© École des chartes.
[]« 5 rector » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 061b. http://ducange.enc.sorbonne.fr/RECTOR5
5. RECTOR, Præses in Academiis, Gall. Recteur. Quolibet trimestri eligitur in Academia Parisiensi ; unde quatuor Rectoriæ memorantur a Roberto Goulet in Compendio jurium hujus Universitatis fol. 5 :
Rectoriæ S. Dionysii, Nativitatis Domini, Paschæ et S. Johannis Baptistæ. Rector studii,
dicitur in Bulla Alexandri VI. PP. tom. 3. Concil. Hispan. pag. 691. Vide Savin. Histor. Jur. Rom. med. temp. tom. 3. passim. Locos exhibet index rerum.
les Bénédictins de St. Maur, 1733–1736.
Rectoriatus, Dignitas Rectoris in Academiis, Gallice Rectorat, apud Robertum Goulet in Compendio jurium Universitatis Paris. fol. 3. verso, etc.
P. Carpentier, 1766.
◊ Ea dignitas Rectoria passim appellatur. Consule Statuta Univers. Andegav. ann. 1410. tom. 9. Ordinat. reg. Franc. pag. 499.
© École des chartes.
[]« 6 rector » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 061b. http://ducange.enc.sorbonne.fr/RECTOR6
6. RECTOR, Jesuitis dicitur Superior domorum, quas Collegia vocant vel Seminaria : iis autem Collegia sunt domus in quibus extraneos, Seminaria vero, in quibus suos duntaxat sodales docent. Plures aliæ sunt monachorum, pauperum, ægrotorum atque peregrinorum domus, in quibus præses etiam Rector appellatur ; sed eas omnes et singulas enumerare operosius esset quam utilius.
© École des chartes.
[]« 7 rector » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 061b. http://ducange.enc.sorbonne.fr/RECTOR7
7. RECTOR, Titulus honoris apud Venetos, qui tribuitur Potestati et Capitaneo armorum. Massiliensibus Rector dicebatur Præses, cujus erat Civitatem regere, gubernare, defendere et salvare, ut habetur in Statutis ejusdem Civitatis cap. 1. ubi singula Rectoris munia fusius exponuntur.
P. Carpentier, 1766.
◊ Ita quoque apud Montempessulanum : ubi præterea Rector appellatus, qui burgensibus regiis gubernandis eorumque privilegia conservandis a rege præpositus erat. Lit. ann. 1373. tom. 5. Ordinat. reg. Franc. pag. 628 :
Magistrum Arnaudum de Lar... conservatorem ejusdem burgesiæ ; nec non dictorum burgensium et privilegiorum suorum deputavimus et Rectorem, etc.
◊ Regimina Paduæ ad ann. 1293. apud Murator. tom. 8. col. 387 :
Per Commune Paduæ fuit statutum, quod omnes Potestates et Rectores venturi ad regimen Paduæ tantum per sex menses in ipso regimine debeant permanere.
In uno MS. legitur Prætores. Latinis noti sunt provinciarum atque civitatum Rectores, seu Præsides sive Gubernatores. De Rectoribus Societatum Bononiæ vide Savin. Histor. Jur. Roman. med. temp. tom. 3. cap. 20. § 55. Hinc
Rectoraticum, Munus et officium Rectoris urbis : apud Falconem Beneventanum in Chr. pag. 190.
les Bénédictins de St. Maur, 1733–1736.
Rectoratus, Munus Rectoris provinciæ, in Literis Clementis VII. Papæ [] ann. 1382. tom. 10. Spicil. Acher. pag. 224.
les Bénédictins de St. Maur, 1733–1736.
Rectoria, Dignitas Rectoris provinciæ vel urbis, in Epistola Urbani IV. PP. ann. 1263. apud Marten. tom. 2. Anecd. col. 10. et in Excommunicatione Petri III. Regis Aragon. ann. 1282. tom. 3. Concil. Hispan. pag. 530. col. 1. Vossius lib. 3. de Vitiis serm. cap. 41. regimen generatim exponit in hoc Chartæ Philippi Franc. Regis loco pag. 158 :
In qua quidem nostra curia Parlamenti, omnes et universæ curiæ seneschaliarum, balliviarum, Rectoriarum, vicariatuum, judicaturarum, etc.
De jure et dominio potestarie, et Rectorie, capitanie omnique regimine et omni jurisdictione, etc
. in Henric. VII. Imper. Bannit. Florent. ann. 1311. apud Pertz. tom. 2. Leg. pag. 523. et 526.
les Bénédictins de St. Maur, 1733–1736.
Rector Chori, Cantor. Breviarium Sarisbur. ann. 1555. asservatum in Parthenone Benedictinarum Angl. Pontisaræ :
Rectores chori, scilicet duo de superiori gradu, et duo de secunda forma, incipiant Missam.
Vide Cantores.
P. Carpentier, 1766.
Rector Puerorum et Cantus, Qui pueris symphoniacis instituendis et edocendis præpositus est. Stat. ann. 1534. ex Tabul. S. Petri Insul. :
Domini mei decanus et capitulum, suasu et ad requestam magistri Joannis Courtois, Rectoris quatuor puerorum et cantus, deliberarunt, etc.
les Bénédictins de St. Maur, 1733–1736.
Rector Mercatorum, Qui præest mercatoribus et cum eorum consulibus judicat de rebus ad mercaturam pertinentibus. Privilegia mercatoribus Nemausi concessa per Philippum Franc. Regem ann. 1277. apud D. Secousse tom. 4. Ordinat. Reg. pag. 671. art. 9 :
Licebit mercatoribus dicte universitatis sibi preficere et habere capitaneum seu Rettorem et consules in dicta civitate Nemausi et tota senescallia nostra Bellicadri, sicut habent in nundinis Campaniæ.
les Bénédictins de St. Maur, 1733–1736.
Rectores Scriniorum, Iidem qui Primicerii scriniorum, lib. 6. Codicis Theod. tit. 30. de Palatinis sacr. larg. leg. 15.
les Bénédictins de St. Maur, 1733–1736.
Rector Villæ, apud Thomam Madox Formul. Anglic. pag. 8. Idem qui Major, de quo supra.
© École des chartes.