« »
 
RAISA, RAYSA, REISA 1, REISA 2, RESA 1, RESA 2, RESA 3, REYSA.
[]« Raisa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 009a. http://ducange.enc.sorbonne.fr/RAISA
© École des chartes.
[]« Raysa » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 032c. http://ducange.enc.sorbonne.fr/RAYSA
RAYSA, Iter, ex Teutonico Reyse, iter ; unde pro expeditione seu excursione militari usurpatur. Charta ann. 1378. apud Pez. tom. 6. Anecd. part. 3. pag. 65. col. 2 :
Quousque omnia damna proinde per nuntios, Raysas et alias vias contracta, quæ rationabiliter possent demonstrari, plene per nos ipsis.... fuerint persoluta.
Alia ann. 1379. ibid. pag. 67. col. 2 :
Et omnia damna soluta, quæ sæpe dicti dominus Albertus episcopus, Petrus et Sazema per vias, nuntios, Raysas, aut alio quocunque modo perceperint, etc.
Vide Reisa 1.
© École des chartes.
[]« 1 reisa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 104b. http://ducange.enc.sorbonne.fr/REISA1
1. REISA, Reysa, et Resa, Iter, ex Teutonico, Reyse, Iter, unde Reysen, Iter facere : vel ex Saxonico, ræse, Cursus, impetus, præcipitium. Vide Graff. Thesaur. Ling. Franc. tom. 2. col. 524. Miracula S. Catharinæ Suecicæ :
Equum ascendit,... et Resam suam sine omni difficultate perfecit.
◊ Maxime vero hæc vox usurpatur pro expeditione, atque adeo excursione militari. Vide Haltaus. Glossar. German. col. 1543. Constitutio Friderici I. Imper. ann. 1187. apud Conradum Uspergensem :
Si in Reisa alicujus Domini, cum ipso Domino cujus est Reisa, aliquis fuerit, qui, ut sæpius contingit, incendium fecerit, Dominus ipse cujus est Reisa, jurabit super Reliquias quod non fecerit conscientia vel mandato, vel voluntate sua.
Joan. a Leidis lib. 22. cap. 2 :
Otto Episcopus Trajectensis de Reisa et profectione Hierosolymitana reversus, etc.
Historia Archiepiscop. Bremensium ann. 1350 :
Deinde in crastina Gervasii et Protasii Bremenses Reisam facientes in Comitia, Gerardus Comes insecutus fuerat eos, etc.
Charta Henrici Magnopolensis et Stargardiæ Domini ann. 1323. apud Isaacum Pontanum lib. 7. Rer. Danicar. :
Servitia etiam ad quæ ipsis Dominis nostris Regibus, et eorum successoribus in Alemannia, ut præmissum est, sumus obligati, etiam infra sex septimanas ab intimatione nobis et hæredibus nostris facta, prompta esse debeant et parata : ipsi vero Reges, et eorum in [] regno Daciæ successores, nobis et hæredibus nostris parvos equos, quos nos vel homines nostri in servitio ipsorum, et quacunque parte maris amiserimus in eadem Reisa, persolvent.
Privilegium Mathiæ Regis Bohemiæ pro Monasterio Dorbilucensi, apud Ludewig. tom. 1. Reliq. MSS. pag. 509 :
Ab omnibus stewris, exactionibus, collectis, precariis, bernis, angariis, perangariis, Resis, expeditionibus, et negotiis popularibus, aliisque gravaminibus eximere dignaremur.
Vide Albericum in Chronic. ann. 1234. ubi exhibetur Henr. reg. Constit. Francof. ann. 1234 :
Imprimis omnibus imperii fidelibus ne in Reysa publica procedant, omnibus modis inhibemus.
Infra :
Reysam, quæ Keymszuche dicitur, si quis commiserit, proscribatur.
Vide Pertz. Leg. tom. 2. pag. 301. et pag. 429. Constit. Rudolf. I. Imper. ann. 1281. art. 36. Utuntur etiam nostri Scriptores. Olivarius de la Marche ;
Tost aprés ceux de la verte tente et autres Gandois firent une Rese sur les marches de Hainaut
. Willelmus de Lannoy Dom. de Villerval in sua peregrinatione MS. :
Je renonçai à l'ordene, par ce qu'il estoit lors anemi des Seigneurs de Prusse, où je aloie en leur armée, que on appelloit pour lors Reze.
Alibi :
Les Seigneurs de Prusse firent Reze sur le Roy de Poullane.
Joan. de la Hogue, in Histor. MS. Principum de Deols, in Biturigibus :
Ils avoient tenu leurs Raises moult honorablement.
Rursum :
Et s'en allerent sur le pays de Lasto ou ils firent Rese par huit jours, et deservirent bien deux mille de celle gent.
Ex his emendandum Chronicon Senoniense cap. 16 :
Unde contigit Abbatem istius Monasterii claustri Mediani-Monasterii constangiis dictorum armatorum ita attritum, ut ab Imperatore ammonitus armatos in Resam Principis mittere nequiret.
Perperam enim editum Rhedam.
les Bénédictins de St. Maur, 1733–1736.
◊ Non ausim indubitanter asserere, retineri non posse rhedam hac notione, ut re ipsa retinet Mabillonius in Actis SS. Benedictin. sæc. 3. part. 2. pag. 480. Ab Armorico Ret, Cursus, et Reda, Currere, Rheda dici potuit, ut videtur, pro expeditione militari.
Raisa, Eadem notione. Charta Conradi Ratisbonensis Episcopi ann. 1205. in Metropoli Salisburgensi tom. 1. pag. 232 :
Qui in alium sine querimonia violenter per Raisam insultum fecerit, damnum illatum integre restituat.
Adde pag. 237.
Raisogueldum, Idem quod Herebannum, Mulcta irrogari solita ei qui in raisam seu reisam, id est exercitum, non pergit. Ita Aventinus.
© École des chartes.
[]« 2 reisa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 104c. http://ducange.enc.sorbonne.fr/REISA2
2. REISA, Oryza, Gall. Ris, si recte puto. Charta ann. 1342. apud Steyererum in Commentariis pro Historia Alberti II. Ducis Austriæ col. 64 :
Sal, ferrum, caseos, oleum, ficus, Reisam, amygdala, uvam passam, species, pisces, ceram, vinum, bladum... debent ubique per terras nostras et aquas, civitates et villas libere deducere.
© École des chartes.
[]« 1 resa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 139b. http://ducange.enc.sorbonne.fr/RESA1
1. RESA, Mensuræ frumentariæ species, f. eadem quæ mox Res. Tabularium Absiense :
Quibus adhuc largitus est unam Resam avenæ, et dimidiam gallinam, quam habebat de terra, etc.
Idem videtur quod Raseria, de qua voce supra. Vide Reisa.
P. Carpentier, 1766.
◊ Reise, in Charta ann. 1246. ex Chartul. S. Petri de Monte :
Jaikemins de Bovigney... doit à Jean de Haucourt... à tousjours trois Reise de froment.
Un Reis [] de froment à Meralcourt, in Homag. Joan. de Baleicourt milit. ex Memor. E. Cam. Comput. Paris. fol. 167. v°. Vide Res 1. et mox Resale.
© École des chartes.
[]« 2 resa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 139c. http://ducange.enc.sorbonne.fr/RESA2
2. RESA, Idem quod infra Riesa, Terra reses, relicta, inculta. Charta Raynaldi Rem. Archiepisc. ann. 1132. inter Monumenta sacræ antiq. tom. 2. pag. 12 :
Quidquid infra præscriptas metas omnimodis continetur, in sylva, terra, aqua, pratis et Resa, sicut libere tenebant... gratanter Ecclesiæ de Gland concesserunt.
© École des chartes.
[]« 3 resa » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 139c. http://ducange.enc.sorbonne.fr/RESA3
3. RESA, Iter. Vide Reisa 1.
© École des chartes.
[]« Reysa » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 180c. http://ducange.enc.sorbonne.fr/REYSA
REYSA, Iter, etc. Vide Reisa.
© École des chartes.