STATUS 1, Glossarium mediae et infimae latinitatis, Du Cange et al.

« 1 status » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589a. http://ducange.enc.sorbonne.fr/STATUS01

1. STATUS, Statura. Lactantius de Mortibus Persecut. n. 9 :

Erat etiam corpus moribus congruens, Statu celsus, caro ingens, etc.

Gregorius Turon. lib. 4. Hist. cap. 24 :

Celsum Patriciatus honore donavit, virum procerum Statu, in scapulis validum, lacerto robustum, etc.

Fredegarius in Chron. cap. 51 :

Formam staturæ meæ laudasti.

Alii codd. habent, Status mei. Idem cap. 65. de Heraclio Imp. :

Erat Status forma dignæ mensuræ.

Paulinus Natali 6. al. 7 :

Ergo (videte manum Christi) male pendulus ille

Per tenebras solito funis summissior infra

Aeris assuetum spatium pendebat, et inde

E capitis regione pari libramine factus,

Ut Status ejus erat, etc.

Lex Bajwar. tit. 1. cap. 11. § 1 :

Fiat tunica plumbea secundum Statum ejus, quod ipsa pensaverit, auri tantum donet, qui eum occidit.

Mon. Sangallensis lib. 1. cap. 19. de quodam Ep. :

Qui cum familiaritate illius animari cœpisset, in tantam progressus est proterviam, ut virgam auream incomparabilis Caroli, quam ad Statum suum fieri jussit, feriatis diebus vice baculi ferendam pro Episcopali ferula improvidus ambiret.

Versus in Althelmum, in libro Epistol. S. Bonifacii Archiep. Mogunt. Epist. 69 :

Statura spectabilis,

Statu et forma agilis, etc.

STATUROSUS 2. STATUS © École des chartes.

« 2 status » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589a. http://ducange.enc.sorbonne.fr/STATUS02

2. STATUS, Hominis stantis species. S. Cyprianus ad Demetrianum :

Rectum te Deus fecit, et cum cætera animalia prona, et ad terram situ vergente depressa sint, tibi sublimis Status, et ad cœlum atque ad Deum sursum vultus erectus est.

Victor in Theodosio :

Sic eminens Status, membra eadem, par cæsaries, etc.

Petrus

Damianus lib. 3. Ep. 8 :

Plerosque vidimus non modo sacri, sed et sæcularis ordinis viros, qui sic inter quælibet Ecclesiasticæ synaxis officia Status sui viribus sunt contenti, ut nec podio.... dignentur inniti.

Hinc erigere aliquem in Statum suum. Aëlredus in Vita S. Edwardi Confess. num. 29 :

In obicem aliquem uno pede immoderatius impingens, pene lapsum incurrit : quem tamen alius recto gressu procedens, iterum in Statum suum, nihil injuriæ passum erexit.

Gregorius M. lib. 3. Dialog. cap. 25 :

Manumque ejus tenuit, et eam in Statum suum protinus erexit.

Gotselinus lib. de Miracul. S. Benedicti Cant. cap. 2 :

Eum solutis nervorum nexibus in Statum suum erigite.

Mox :

Nec mora in Statum suum erigitur.

Estage, eadem notione, utitur le Roman d'Athis MS. :

Il s'est levé en son Estage

Pour mieulx veoir son heritage.

1. STATUS 3. STATUS © École des chartes.

« 3 status » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589b. http://ducange.enc.sorbonne.fr/STATUS03

3. STATUS, Regnum, imperium, ditio, nostris Etat. Litteræ Edwardi III. in Chron. Angl. Th. Otterbourne pag. 123 :

Quid ergo pro suo jure suaque securitate non licuit Regi, sui Status suique populi periculum jam videndi, dicat qui noverit.

Jac. De Layto in Annal. Estens. ad ann. 1409. apud Murator. tom. 18. col. 1074 :

Nuntiavit amodo filium olim dom. Ottonis et Statum Parmæ ac Regii esse sub recommendisia et protectione ipsius ducalis dominii.

2. STATUS 4. STATUS © École des chartes.

« 4 status » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589b. http://ducange.enc.sorbonne.fr/STATUS04

4. STATUS, Curia, Comitatus, Aula Regia. Jacobus de Vitriaco lib. 3. pag. 1126. de Sapphadino :

Primo die recipit ipsos (Legatos Christianorum) in prima scala de Cayron, ubi semper est Status ejus.

3. STATUS 5. STATUS © École des chartes.

« 5 status » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589b. http://ducange.enc.sorbonne.fr/STATUS05

5. STATUS, Comitia generalia regni, vel provinciæ alicujus, Gall. les Etats. Prosper Sanctacrucius de civilibus Galliæ dissentionibus apud Marten. tom. 5. Ampl. Collect. col. 1449 :

In communi totius Galliæ concilio, id Status vocant, quod ante indictum reperiebatur, ea de re transferri voluit tractationem, etc.

Quæ nomenclatura potissimum mansit penes Comitia septem Provinciarum confœderatarum. Charta ann. 1592. apud Rymer. tom. 16. pag. 152 :

Duo millia peditum.... et cæteros milites a Statibus Hollandiæ et Zelandiæ aliarumque Provinciarum unitarum mittendos, etc.

Eodem nomine designatur conventus hominum alicujus Communiæ, apud Kennett. Antiquit. Ambrosd. pag. 456 :

Die Dominica in festo sancti Andreæ Apostoli ann. 17. Edwardi III. omnis Status de Wrechwyke elegerunt Hugonem Kyng ad officium præpositi, et juramentum suscepit.

4. STATUS 6. STATUS © École des chartes.

« 6 status » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589b. http://ducange.enc.sorbonne.fr/STATUS06

6. STATUS, Ordo. Charta ann. 1361 :

Per tres Status Concilii generalis Prælatorum, Baronum, Nobilium et Universitatuum comitatuum Provinciæ, et Forcalquerii nuper, ut dicitur, facti et ordinati, etc.

Charta ann. 1496. apud Rymer. tom. 12. pag. 598 :

Ratificatio pacis per tres Status de Caours.

Pag. 599 :

Ratificatio pacis per tres Status de Agennoys.... absque infractione per dictas gentes trium Statuum.

5. STATUS 7. STATUS © École des chartes.

« 7 status » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589b. http://ducange.enc.sorbonne.fr/STATUS07

7. STATUS, Apparatus, comitatus, familia. Polyptychus Eccl. Vivar. :

Vidit..... Hugonem Meruli qui erat vicarius, tenebat ita magnum Statum sicut unus Episcopus.

Charta ann. 1358. ex Chartul. Domus Dei Pontisar. :

La prieuse, freres et suers de l'ostel Dieu de Pontoise aient ladite Dame, ses gens et tout son Estat et mesnage gracieusement secourue.

6. STATUS 8. STATUS © École des chartes.

« 8 status » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589b. http://ducange.enc.sorbonne.fr/STATUS08

8. STATUS, Reditus, proventus, fiscus regius. Charta ann. 4. Henrici V. Regis,

apud Madox in Formul. Anglic. pag. 68 :

Noverint universi... Johannem atte Stokke ..... relaxasse Ricardo Cheddere, hæredibus et assignatis suis imperpetuum, totum Statum suum quem habet...... in omnibus clausis, pascuis et pasturis, cum pertinentiis in parochia de Cherchehull.

Charta ann. 1245. apud Lobinell. tom. 2. Hist. Britan. col. 394 :

Percipiet 2000. marcas ad Statum nostrum,

Galli dicimus Prendre sur l'Etat.

P. Carpentier, 1766.

◊ Pensio quælibet, vel terræ portio alicui assignata. Charta Henr. V. reg. Angl. ex Cod. reg. 8387. 4. fol. 112. v° :

Concessimus præfato consanguineo nostro castrum, villam, manerium et dominium de Lesparre,...... proviso semper quod si aliquæ aliæ personæ ad tunc habuerint aliquem Statum pro termino vitæ, vel annorum, seu in feodo talliato ex concessione nostra seu aliquorum progenitorum nostrorum in castro, villa, manerio et dominio prædictis seu aliqua parcella eorumdem, valerent eodem Statu libere et pacifice uti et gaudere.

Hinc Estat, pro Appointement, in Stat. ann. 1373. tom. 5. Ordinat. reg. Franc. pag. 660. art. 16 :

Nul n'aura Estat, se ce ne sont les capitaines ordonnez audit nombre de cent hommes d'armes, comme dessus, lesquelz auront chascun cent francs pour moys.

7. STATUS 9. STATUS © École des chartes.

« 9 status » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589c. http://ducange.enc.sorbonne.fr/STATUS09

9. STATUS, Sedes :

Statum facere, tenere

, Sedere, morari. Ethelwerdus lib. 4. cap. 3 :

Attamen oppressi lassatu desistunt pugnæ barbari, et sterilem obtinent tunc victoriæ Statum.

Infra :

Hi tres Reges eorum cum immenso exercitu...... ad cognominatum locum Grantanbricge, Statumque fecere ibi menses 12.

Mox :

Conjecit Statum communem cum occidentali exercitu juxta oppidum, quod Werham nuncupatur.

Obituar. MS. Eccles. Morin. fol. 8 :

Item cuilibet canonico residenti tenenti Statum, duo panes celarii, ponderis quilibet 2. unciarum et 5. estrelingorum.

Vide in Stagium et Statio 4.

P. Carpentier, 1766.

◊ Idem quod Stagium. Charta ann. 1125. in Chartul. S. Dion. pag. 215. col. 1 :

Adam de Vilers de feodo apud Willers ; et iste debet omni tempore vitæ suæ Statum apud Villers.

Reg. S. Justi ex Cam. Comput. Paris. fol. 163. r°. col. 2 :

Galerannus...... est homo regis ligius et debet exercitum et equitatum ad suum custum, et per annum Statum apud Mellentum.

8. STATUS 10. STATUS © École des chartes.

« 10 status » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589c. http://ducange.enc.sorbonne.fr/STATUS10

10. STATUS, pro Stallo Monachorum et Canonicorum in Ecclesia. Galbertus in Vita Caroli Com. Flandr. n. 72 :

Status simul et sedes fratrum dejectæ sunt.

Idem n. 98 :

Inter columnas quippe solarii specula et Status suos ex scriniorum aggeribus et cumulis scamnorum prostituerant.

Stephanus Tornacensis Ep. 12 :

Assignetis ei Statum in Choro, sicut habere solet, sedem in Capitulo, locum in refectorio.

Statutum de Installatione Canonicorum Bononiensium in Morinis :

Assignaturque sibi Status in choro secundum qualitatem et capacitatem recepti, et locus in Capitulo.

P. Carpentier, 1766.

◊ Stallorum series, locus etiam ubi quis stat. Cerem. eccl. Carnot. scriptum paulo post annum 1193 :

Ipse incipiet hymnum et in quintum Statum portabit antiphonam ad Benedictus ; mox revertetur ad Statum suum.

Rursum :

Duo canonici de majori Statu, etc. Incipitur primum Alleluia in grandi Statu. Duo in quinto Statu. Tertio Alleluia incepto, omnes clerici de primo, secundo, tertio et quarto Statu vadunt et exuunt capas suas.

« 11 status » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 589c. http://ducange.enc.sorbonne.fr/STATUS11

11. STATUS, Sedes, apotheca, Gall.

Etau ; idem quod Stallum 1. Charta Ludovici Crassi Reg. Fr. ann. 1134. apud Lobinell. tom. 3. Hist. Paris. pag. 61 :

Guillelmo Silvanectensi, cujus erat illius terræ vicaria, pro eadem vicaria Statum unum inter veteres Status carnificum...... in commutationem dedimus.

les Bénédictins de St. Maur, 1733–1736.

In Statu Tenere, Gall. Tenir en Etat, Curare, tueri, suis stipendiis servare. Charta Henrici III. Reg. Angl. ann. 1225. apud Rymer. tom. 1. pag. 280 :

Et vobis mandamus rogantes quatinus illis immorari non omittatis, negotia nostra in Statu tenentes.

Index MS. Benefic. Eccles. Constant. fol. 51. v° :

In dicta parrochia est quædam capella S. Andreæ. Rector tenet ipsam in Statu.

« 12 status » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 590a. http://ducange.enc.sorbonne.fr/STATUS12

12. STATUS, Dilatio, induciæ ; quod res in eo Statu, quo sunt, maneant : nostris Estat, eadem notione ; unde Securum Statum, et nostri unica voce Seurestat, dixerunt Securitatem, qua coram judice, vel etiam amicis, qui inter se inimicitias ob crimen aliquod perpetratum exercent, sibi invicem per certum temporis spatium de nihil faciendo fidejubent, adeo ut de suo Statu sint securi. Lit. remiss. ann. 1396. in Reg. 153. Chartoph. reg. ch. 269 :

Pour laquelle chose ledit Tassin et ses amis se garderent, et y ot aucuns Estas prins par les amis de l'un de l'autre ; et aprez iceulz Estas failliz, etc.

Hinc Tenir en Estat, pro En suspens, in Lit. ann. 1380. tom. 6. Ordinat. reg. Franc. pag. 489 :

Et par ainsi estoient leurs causes tenues en Estat.

Lit. remiss. ann. 1356. in Reg. 84. ch. 554 :

Cum propter quasdam dissentiones et riotas..... inter ipsos Securus Status et assecuramentum dati fuissent, etc.

Aliæ ann. 1360. in Reg. 88. ch. 15 :

Après ce fu pris entre main d'amis certain Seurestat entre les parties jusques à certain temps ;...... quant ledit Seurestat fu finé et ledit temps passé, lesdites parties s'entretindrent et demourerent en guerre comme devant. Certaines treves et Seurestat furent bailliez entre les parties,

ibid. in ch. 74. Aliæ ann. 1376. in Reg. 109. ch. 413 :

Pour occasion de plusieurs injures et villenies, qui faites ont esté audit exposant ..... pardessus certain Seurestat, qui pris avoit esté entre eulx, etc.

« 13 status » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 590a. http://ducange.enc.sorbonne.fr/STATUS13

13. STATUS, Honoris et dignitatis gradus, Gall. Rang, dignité. Testam. Joan. Fabri Carnot. episc. ann. 1390 :

Eos (executores) rogo intime, quod papiros, quas Vite soleo appellare, eidem domino Petro Solier, et non alteri, tradant, quod meæ fatuitates vulgarentur amplius, quod non expedit homini, qui Statum habuit in vita.

Galli diceremus :

Qui a eu un certain rang pendant sa vie.

Hinc vir dignitate insignis, Homme d'Estat nuncupatur, in Lit. remiss. ann. 1406. ex Reg. 161. Chartoph. reg. ch. 111 :

Jehan du Vergier chevalier, homme d'honneur et d'Estat, et qui bien et loyalement a servi nous et nos prédecesseurs en nos guerres, etc.

Dicitur etiam de iis, qui habent domicilium et bona immobilia possident. Charta ann. 1410. in Reg. 165. ch. 80 :

Comme en icelle ville (de Paris) de tout temps ait eu confrairie d'arbalestriers de Gens d'Estat et mesnagiers, etc.

Vide supra Homo status et Statica 2.

« 14 status » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 590a. http://ducange.enc.sorbonne.fr/STATUS14

14. STATUS, Ministerium, artificium. Arest. parlam. Paris. ann. 1416. 8. Aug. ex Bibl. S. Germ. Prat. :

Executores seu causam habentes defunctorum.... non focum tenentium et aliarum gentium Status, in aliquo Statu seu artificio causa adiscendi servientium, etc.

« 15 status » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 590a. http://ducange.enc.sorbonne.fr/STATUS15

15. STATUS. Comput. ann. 1362. inter Probat. tom. 2. Hist. Nem. pag. 252.

col. 2 :

Solverunt..... pro uno tabulario Statorum empto...... pro solaciando supra platheam, etc.

Leg. Scacorum.