SURTARIA, Glossarium mediae et infimae latinitatis, Du Cange et al.

« Surtaria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 680a. http://ducange.enc.sorbonne.fr/SURTARIA

SURTARIA. Gregorius Magn. PP. lib. 7. Ind. 2. Epist. 54 :

Direximus tibi Surtarias duas imaginem Dei Salvatoris et sanctæ Dei Genitricis Mariæ continentes.

Stephanus II. PP. Epist. ad Hilduinum Abb. :

Et vidi ante altare Dominum Petrum et Dominum Paulum, et nota mente illos recognovi de illorum Surtariis.

Regino ann. 753. habet surcariis, ut et MS. codex Ecclesiæ Senonensis : alter vero S. Evodii de Brana surgariis. Baronius ann. 754. 4. Surtariam, idem esse, quod scutum, ubi sunt pictæ imagines, scribit ex prædicto S. Gregorii loco. Recte, nam utrobique legendum Scutaria. Id colligere licet ex Walafrido Strabone lib. de Rebus Eccles. cap. 8. ubi quod Stephanus Surtaria, is Thoracidas appellat :

In gestis Silvestri PP. legitur Constantinum Imperatorem per Thoracidas Apostolorum, quos ipse in visione viderat, cognovisse.

Nam Thoracidas seu imagines pectorales in scutis et clypeis depingi solitas docuimus in voce Scutum. Glossæ Gr. Lat. : Σϰουτάριον, Citra. Suidas :

Θυρεὸς, ὅπλον, τὸ παρ᾽ ἡμῖν σϰουτάριον.

Vide Vitam S. Silvestri a Combefisio editam pag. 278. et Doubletum pag. 665. Sed et Stethariis legi potest. Vide in Thoracida.

les Bénédictins de St. Maur, 1733–1736.

◊ Haud scio an huc spectet vox Surtail in Computo Stephani de la Fontaine Argentarii Regis ann. 1350 :

Pour le Roy à la feste du sacre une chambre de Surtail armoyée de France toute plaine, le champ et les fleurs de lys dyaprées, en laquelle chambre a grant coutepointe, cheveciel et ciel garny de 3. courtines et de goutieres, qui sont armoyées à 2. endrois et 6. carreaux et une courtine azurée pour le travers de la chambre, esquelles choses est entré 27. pieces de cendaux azurez de larges, et 10. pieces de cendaux jaunes pour le Surtail, etc.