CONDUCERE 1, Glossarium mediae et infimae latinitatis, Du Cange et al.

« 1 conducere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 490b. http://ducange.enc.sorbonne.fr/CONDUCERE1

1. CONDUCERE, Salvum et incolumem præstare, Græcis διασώζειν. Dudo de Actis Norman. lib. 3. pag. 145 :

Misit qui Conduceret ad se Episcopum salvum et incolumem.

Charta Alexandri PP. in Chronico Reicherspergensi ann. 1176 :

Non erat nobis tutum Teutonicum regnum intrare, præsertim cum prædictus Marchio, qui nos Conducere pollicebatur, puer sit annorum tredecim.

Le Roman de Garin MS. :

Qui le Conduira, Sire, dit Lancelins,
S'il ne pooit envers vos asovir,
Que il s'en r'alast seins et saus et gariz.
Je le Condui, dit Hue de Belin,
De par le Roy qui France a à tenir.

Adde Froissartem 4. vol. cap. 6.

◊ Hinc vulgo Conducere aliquem dicimus, cum abeuntem deducimus et comitamur. Ugutio : Conducere est deducere amicum abeuntem, prosequi, comitari, quod vulgale quoddam redolet. Vide Conductor 5. et Conductus.

CONDRICTIO 2. CONDUCERE © École des chartes.

« 2 conducere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 490b. http://ducange.enc.sorbonne.fr/CONDUCERE2

2. CONDUCERE, Hospitio excipere, Mansionaticum præbere. Charta Leonis IX. PP. in Tabulario S. Vitoni Virdunensis :

Eo tenore eis contulisti (altaria, etc.) ut Abbas vel Fratres libere quam voluerint personam eligant, et per se præbenda investiant, et pro cura tantum animarum suscipienda, Episcopo vel Archidiacono Conducant. Conductus vero Abbati, vel Fratribus fidelitatem faciat, et duo servitia per annum Abbati cum comitatu 15. equitum in domo sua faciat, et 12 nummos in festivitate S. Vincentii pro servitio solvat, etc.

Alia Nicolai PP. ibid. :

Deinde pro cura suscipienda Episcopo et Archidiacono Conducant, postea fidelitatem Abbati et Fratribus faciant, et bis in anno Abbati cum 14. equitibus et uno summario serviant, et 12. nummos in festivitate sancti Vincentii solvant.

Vide Conductus 3.

P. Carpentier, 1766.

◊ Nequaquam Hospitio excipere, agitur enim ibi de sacerdote electo, quem monachi episcopo præsentant, ut ab eo cura animarum investiatur : Conducere ergo hic, idem est quod Exhibere, præsentare. Vide infra Conductus 7.

1. CONDUCERE 3. CONDUCERE © École des chartes.

« 3 conducere » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 490b. http://ducange.enc.sorbonne.fr/CONDUCERE3

3. CONDUCERE, Recipere, investituram accipere. Charta Frider. II. imper. ann. 1156. apud Pezium tom. 1. Script. rer. Austr. col. 1196 :

Dux Austriæ... insuper more aliorum principum Imperii, Conducere feoda sua ab Imperio debet.

« 4 conducere » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 490b. http://ducange.enc.sorbonne.fr/CONDUCERE4

4. CONDUCERE, Salvum-conductum seu privilegium alicui concedere, ne ei vis inferatur. Charta ann. 1185. ex Tabul. eccl. Camerac. :

Si quis, quem dom. episcopus Conduxerit, ab aliquo detentus fuerit, dicere debet episcopus, ut dominus, quod tunc eum Conducebat, illeque liber abibit : dum vero capitur, nisi Conductum domini episcopi statim prætenderit, teneatur.

Vide Conductus 1.