« »
 
SALVARIA, SALVATARIA 1, SALVATARIA 2.
[]« Salvaria » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 291a. http://ducange.enc.sorbonne.fr/SALVARIA
SALVARIA, Refugium, Gallis Refuge. Dicitur de eo quod occulte recipitur ut salvetur. Statutum Caroli Comit. Provinc. ann. 1278. ex Cod. MS. D. Brunet fol. 68. v°. :
Nullus civis Arelatis a festo S. Michaelis ultra audeat accipere bestiam extraneam in Salvaria, seu in fraudem in baylia sua.
les Bénédictins de St. Maur, 1733–1736.
Salvataria, Quod ob ejusmodi refugium præstitum exsolvitur. Charta ann. 1178. inter Instr. tom. 6. Gall. Christ. novæ edit. col. 196 :
Retineo tamen mihi feudales corroatas, et medietatem pretii Salvatariæ bestiarum extranearum, quæ ibi advenerint.
P. Carpentier, 1766.
◊ Hinc Sauvedroit dicitur Mulcta, quæ ab iis exigitur, qui jura debita salvant, id est, non solvunt, in Charta ann. 1320. ex Reg. 59. Chartoph. reg. ch. 544 :
Item vendæ et emolumenta justitiæ, vocatæ Sauvedroit, valentis...... quadraginta libras Turon. annui redditus.
Vide infra Salvataria 2.
© École des chartes.
[]« 1 salvataria » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 291b. http://ducange.enc.sorbonne.fr/SALVATARIA1
1. SALVATARIA, Præstatio a tenentibus facta dominis, pro tutela ac protectione personarum ac rerum suarum. Charta ann. 1262. ex Schedis Pr. de Mazaugues :
Item actum est quod si dominus Comes vel aliquis ejus nomine aliquod homagium, vel fidelitatem, vel Salvatariam receperit ab hominibus Hospitalis prædictorum locorum,... illud homagium, vel illam fidelitatem seu Salvatariam desamparant libere ac remittunt.
Pactum inter Jacobum Aragon. Reg. et Berengarium Magalon. Episc. ann. 1272 :
Excepto uno modio hordei annualis quod habitatores dictæ villæ de Muro veteri..... solvere tenentur ac teneantur in Montepessulano, pro Salvataria eidem domino Regi domino Montispessulani.
Vide Salvamentum 1. Alia notione occurrit in Salvaria.
© École des chartes.
[]« 2 salvataria » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 291b. http://ducange.enc.sorbonne.fr/SALVATARIA2
2. SALVATARIA, Exemptio, immunitas, quæ tutela et protectione obtinetur. Charta ann. 1337. in Reg. 71. Chartoph. reg. ch. 21 :
Tenebuntur iidem commissarii.... posse suum facere, quod dicta impositio bene et fideliter levabitur et persolvetur, et quod fraus vel dolus aut Salvatariæ circa hoc minime committentur,...... prohibetur etiam voce præconia, ne quis fraudem aut Salvatariam in præmissis committat.
Vide supra Salvaria et mox Salvateria.
© École des chartes.