SEPULTURA, Glossarium mediae et infimae latinitatis, Du Cange et al.

« Sepultura » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 430c. http://ducange.enc.sorbonne.fr/SEPULTURA

SEPULTURA, Idem quod Atrium, et Cæmeterium, scilicet obventiones, quæ Sacerdotibus ob sepulturam contingunt. Nam olim

Cadavera defunctorum in basilicis sanctorum sepeliri vetitum

, in Concilio Braccarensi ann. 563. cap. 18. ubi Garsias Loaysa. Vetus Notitia in Tabulario Ecclesiæ Viennensis fol. 58 :

Cum ergo illi Ecclesiam cum tertia parte decimæ, et Sepultura possiderent, etc.

Alia in Tabulario Monasterii S. Andreæ Viennensis :

Similiter dederunt Sepulturam, quam accipiebant de Ecclesia S. Petri de Aysin.

Alibi :

Donamus Ecclesiam et altare cum decimis, et Sepultura, et offerendis, etc.

Charta Archembaldi Dom. Burbonensis ann. 1217. pro libertatibus Villæ franchæ :

Et dederunt eis Ecclesiam et cemeterium, tali pacto, quod non posset cogere burgenses de Sepultura, neque de nuptiis ultra debitas consuetudines.

S. Anselmus lib. 4. Epist. 45 :

Dicunt se frequenter vidisse in Ecclesiis, ad curam meam proprie pertinentibus, expulsis presbyteris, laicos altari adstantes, eleemosynam colligentes, Sepulturas, et quædam ad jus Sacerdotum pertinentia audacter usurpantes, etc.

Sed et pro aperienda, ut vulgo dicimus, terra, exactiones factæ, quod etiamnum obtinet apud nos, licet vetitum ab Ecclesia, ac præsertim Bulla Urbani PP. IX. apud

Gariellum in Episcopis Magalonensibus pag. 402. 403 :

Abolendæ consuetudinis nimis abominabilis corruptelæ apud Montempessulanum vitium inolevit, ut videlicet decedentibus non prius permittatur effodi Sepultura, quam pro terra, in qua sepeliendi sunt, certum pretium Ecclesiæ persolvatur, etc.

Vide Cœmeterium.

P. Carpentier, 1766.

◊ Quales fuerint olim ejusmodi obventiones, videsis supra in Funeralia 2.

les Bénédictins de St. Maur, 1733–1736.

◊ Quæ quidem exactiones ne in immensum crescerent, modum adhibuerunt non semel leges cum civiles, tum Ecclesiasticæ. Harum omnium instar sint Statuta Cadubrii cap. 6. fol. 54. v° :

Decernimus quod vos plebani, archidiaconi, vicarii et aliarum ecclesiarum rectores, pro salutari Pœnitentia quatuor sol. Pap. pro Eucharistia totidem habere et percipere debeatis, pro Oleo sancto sol. xx. pro Sepultura totidem, pro Septuagesimo sol. xii. pro Trigesimo xii. habere et percipere debeatis.

Vide Judicium defunctorum.

les Bénédictins de St. Maur, 1733–1736.

◊ Notandum videtur Statutum Augerii Episcopi Conseran. ann. 1280. quo cuivis presbytero præcipitur ut

initio sui presbyteratus vestes sacerdotales sibi fieri faciat cum quibus obitus sui tempore valeat sepeliri

. Eadem jubent Statuta Arnaldi Episc. Magalon. ann. 1339. inter Instr. tom. 6. Gall. Christ. novæ edit. col. 383 :

Monet omnes ut infra annum habeant breviarium, superpelliceum, almuciam sacerdotalem, vestem propriam qua sepeliantur.

Sepultura Crucifixi, Sepulcri Jesu Christi imago et repræsentatio, quæ fieri solet in ædibus sacris die Parasceves. Vetus Charta in Monumentis Paderbonensibus pag. 134 :

Hæ autem parochiæ omnia jura parochialia habebunt, nisi quod crucem diebus dominicis, et in solennitatibus non ferent,.... in Parasceve Sepulturam Crucifixi non facient, etc.

P. Carpentier, 1766.

Sepultura, Tumulus, lapis sepulcralis. Glossar. Provinc. Lat. ex Cod. reg. 7657 : Soboutura, Prov. Tumulus, Sepultura. Testam. Joan. Franc. de Gonzaga Mantuæ march. ann. 1444. tom. 3. Cod. Ital. diplom. col. 1788 :

Item volo et mando quod corpus meum sepeliatur in ecclesia B. Francisci Mantuæ, et in Sepultura illustris quondam domini genitoris mei, mandans quod dicta Sepultura debeat tolli de columnis, super quibus est posita, et deponi in terra plana, a latere sinistro introeundo capellam.

Nostris Sepouture et Sebolture. Testam. Joan. dom. Insulæ ann. 1295. ex Chartul. Vallis N. D :

Après je eslis et voudre avoir ma Sepouture en Val Nostre Dame.

Libert. villæ d'Aigueperse ann. 1374. in Reg. 198. Chartoph. reg. ch. 360 :

Homme ne femme de ladite ville et franchise ne y doivent (au cimetiere) rien paier de Sebolture, mais ce qu'il leur plaira tant seulement.

Sepultura Asini, Extra cœmeterium, Sepultura excommunicatorum. Hugo Flaviniacensis in Chron. pag. 268 :

Extra cimiterium, absque officio Christiano debito, suo tamen jussu et petitione, Sepultura asini sepultus.

Vide Imblocatus. Haltaus. Glossar. German. col. 117. voce Begraben aufs Feld et col. 976. voce Hundebegræbnis.

P. Carpentier, 1766.

◊ Qui mortem sibi conscissebant, aut malefactores capite mulctati, sepultura cum psalmis et commemoratione in oblatione privabantur, ex Conc. Bracar. cap. 6. in vetustissimo Pœnit. MS. :

Placuit ut hi, qui sibi ipsis aut per ferrum, aut per venenum, aut per præcipitium, vel quolibet modo violenter inferunt mortem, nulla illis in oblatione commemoratio fiat, neque cum psalmis ad sepulturam eorum cadavera deducantur. Multi etiam per ignorantiam hoc sibi usurparunt. Similiter et de his placuit, qui pro suis sceleribus puniuntur.

Quæ sepeliendi ratio Sepultura aggrestis dicitur in Charta ann. 1217. ex Diplomat. Bajoar. apud Oefelium tom. 2. Script. rer. Boicar. pag. 103. col. 1 :

Qui (Otto Palatinus) reus læsæ majestatis, ausu videlicet temerario manus in Philippum regem mittere præsumpsit, diu aggrestæ Sepulturæ deputatus, multo tandem labore fratrum in Undensdorff, divino annuente suffragio, ecclesiasticam.... invenerit sepulturam.

Vide supra Biothanati.

P. Carpentier, 1766.

◊ Debitoribus mortuis sepulturam prohibebant creditores, ut patet ex Lit. remiss. ann. 1386. in Reg. 130. Chartoph. reg. ch. 13 :

Jehan Gentil avoit destourné et empeschié à enterrer le corps de Eulart du Pire, pour cause que ledit Gentil disoit, que icellui Eulart lui estoit tenu en la somme de cinq franz d'or ou environ.