« »
 
SONARE 1, SONARE 2, SONARE 3.
[]« 1 sonare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 525b. http://ducange.enc.sorbonne.fr/SONARE1
1. SONARE. Lex Longob. lib. 2. tit. 52. § 2 : Si Comes in suo ministerio justitiam non fecerit, tunc Missus noster de hac causa Sonare faciat, usque dum justitia ibi fiat. Ubi Glossæ, Sonare, inquirere. Carol. M. 18. Apud Pertz. Leg. tom. 1. pag. 38. in Capitul. ann. 779. cap. 21. locus sic habet :
Si comes in suo ministerio justitias non fecerit, missos nostros de sua casa Soniare faciat usque dum justitiæ ibidem factæ fuerint. Et si vassus noster justitiam non fecerit, tunc et comis et missus ad ipsius casa sedeant et de suo vivant quousque justitiam faciat.
Vide Soniare, Hospitio excipere.
© École des chartes.
[]« 2 sonare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 525b. http://ducange.enc.sorbonne.fr/SONARE2
2. SONARE, Dicere, dici. Concilium Ticinense sub Benedicto VIII. PP. in Præfat. :
Quia usuale est apud eos Sonare, Filii matrem sequuntur.
Notitia judicati ann. 843. in Append. Marcæ Hispan. col. 780 :
Et quando ipse Episcopus Wimar ab hoc seculo migravit, plenam vestituram exinde habebat de omnia quæ superius Sonuit.
Charta ann. 1066. in Notis ad Concilia Narbon. :
Sicut Sonat in præceptis Regum,
id est, sicut scriptum est. In Consuetud. Andegav. art. 426 :
En sonnant en termes generaux, qu'il a possedé à titre.
Id est, dicendo in terminis generalibus justo se titulo possedisse. Epistola Honorii Imper. apud Baron. ann. 419. 2 :
Cum post abscessum venerabilis viri Zozimi, circa meritum Eulalii ordine subrogandi communi judicio conveniens, multitudo Sonuisset, etc.
Id est, una voce meritum Eulalii commendasset. Lex Vervini ann. 1233. art. 13 :
Super burgensium aliquem neque ego, neque villicus meus, clamorem facere potero, nisi sub testimonio Scabinorum ; ita tamen, quod si clamoris alicujus duo jurati testes Sonuerint, hæreditate excepta, post juratorum testimonium jus cujusque judicio Scabinorum relinquatur. Sonner
vero in Consuetudine Inculismensi art. 13. et Rupellensi art. 29. idem valet ac æquivalere, équipoller. Item pro loqui. S. Columbanus in Regula cœnobiali fratrum, seu Pœnitentiali cap. 1 :
Qui loquutus fuerit in plausu, id est, altiore sono solito Sonaverit, etc.
Laur. Byzyn. in Diario belli Hussit. apud Ludewig. tom. 6. pag. 156 :
Insuper et litteras per Boemiæ regnum materiam præmissam Sonantes, scribebant.
P. Carpentier, 1766.
◊ Verbum Sonare, phrasis Gallica, Sonner mot, mutire. Privil. curiæ MSS. fol. 6. v°. ex Bibl. reg. :
Non audent excommunicare, nec mandata curiæ exequi, nec solum verbum Sonare.
P. Carpentier, 1766.
◊ Hinc, ni fallor, Estre suns, Reus dici, reputari, in Sent. baillivi de Herissent ann. 1364. ex Reg. 140. Chartoph. reg. ch. 252 :
Comme Jehan li Sarmonniers fust Suns et accusez..... pour le soupechon de le mort de feue Jehanne le Caronnesse sa femme, etc.
Non a Latino Sons deduco, quod accusatus tantum dicatur. Vide Sonare 3.
Resonare, Idem quod Sonare. Versus scripti in fronte Bibliorum Metensis Ecclesiæ :
Et præsens transacta canit præsentia monstrans,
  Singula jura solet, singula sed Resonat.
Charta ann. 824. apud Sandovallium :
Inter ipsos terminos, qui in ista scriptura Resonant.
Infra :
Et per ipsos terminos cum sua rem causa, quod in ista scriptura Resonat.
Charta Rivipullensis æræ 888. apud Anton. de Yepez tom. 4 :
Sicut in ipso judicio Resonat, etc.
Tabularium [] Conchensis Abbatiæ in Ruthenis ch. 296 :
Ita sicut Resonat in testamento, et in præscriptione patris nostri, etc.
Adde Appendic. ad Capitul. num. 66. 104.
© École des chartes.
[]« 3 sonare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 525c. http://ducange.enc.sorbonne.fr/SONARE3
3. SONARE, in veteri Consuetudine Normanniæ cap. 68. idem valet ac testes improbare, reprocher les tesmoins :
Et quant il l'en aura ouy leurs dits, et mis en escript, cil qui est en prison doit estre amené devant eux, et lui doit-on demander, s'il en vout aucuns Saonner ; et se il dit sur aucuns d'eux suffisant Saon, chose que disent ceux, qui sont ainsi Saonez, ne doit estre en rien contée : mais si le Saon n'est suffisant, ce qu'il dira sera receu avec les autres.
Ubi editio Latina habet Saonnare, et Saonnium. Occurrit rursum cap. 102. 109.
les Bénédictins de St. Maur, 1733–1736.
Sonare et Seonium, in edit. Latina apud Ludewig. tom. 7. Reliq. MSS. pag. 281 :
Et auditis dictis eorum, et in scriptis redactis, criminosus coram eis debet adduci et ab eo debet queri, si quem eorum Sonare voluerit, et si sufficiens Seonium super aliquem miserit, dictum ejus pro nullo debet reputari.
Statutum Johannis Reg. Franc. ann. 1350. tom. 2. Ordinat. pag. 397 :
Enquerroient ou se enfourmeroient par bons tesmoings et convenables, sans Saon et sans suspeçon.
Litteræ Caroli V. ann. 1366. ibid. tom. 4. pag. 717 :
Qui soient passez sanz Saon et sans souspeçon.
Vide in Recordum, Sonatio et Sunnis.
© École des chartes.