1. BAUGA, Bauca, Boga. Papias : Bauca, armilla. Idem : Armillæ proprie virorum sunt, eædem et circuli, et brachiales, rotundæ, id est, Bogæ, armispathæ. Gloss. Latino-Theotiscum, apud Lindenbrogium : Dextralia, latæ armillæ, Bougin. Capitul. 3. ann. 803. cap. 7. et Capitula Caroli Mag. lib. 4. Add. 2. § 1. al. 4. Pith. et Baluz. 5. :

Ut Bauga et brunia non dentur negotiatoribus.

Lib. 6. cap. 212. 223. :

Ut armillæ et Bruniæ non dentur negotiatoribus.

Epist. synodalis Concilii Duziacensis I :

Et multis ac variis ornamentis ex auro et gemmis compositis,... inde umgas ad spatas et balteos, et calcaria atque ligaturas hosarum... fieri jussit.

Ubi legendum censuerim Baugas. Boga in Ruodlieb. Fragm. 3. vers. 356. Inde dubio procul accersi debet etymon vocabulorum apud nos in re militari receptorum, Bague, Bagage, Bagues sauves ; Armes et Bagage. Rob. Gaguin in Poëm. le Passetemps d'oisiveté :

Ils ont perdu Bagues et tentes,

Dependus harnois et chevaus.

Vide Consuetud. Hannoniensem cap. 109. art. 2. Sed an inde annulis apud nos id etiam nominis inditum, etsi mihi indubium, addubitant tamen viri docti, qui a baccis accersunt, hoc est monilibus et unionibus. Ausonius in mosella,... Concharum germina baccas. Atque inde etiam Bagatelles, appellamus non tam nugas, quam mundum muliebrem, cujusmodi sunt Baugæ, monilia, dextralia, et alia ejus generis. Goldasto Bauga, est tympanum, bauck. Olaus Wormius in Lexico Runico ait veteribus Danis Baugur et Baugs, annulum sonare. Vide Graffii Thesaur. Linguæ Francicæ vol. 3. col. 37. sqq. Grimm. ad Walthar. pag. 73.

BOIA, Compes, aut torques vinctorum. Festus : Boiæ, genus vinculorum, tam ferreæ quam ligneæ dicuntur. Gloss. Isid. : Boiæ, Torques damnatorum ; ad quas videre potes Janssonii Collectanea. Gloss. Lat. Gr. : Κλοιός, Boia, Eculeum. Gloss. Anglo-Sax. Ælfrici : Nervi, Boia, fotcopsa, vel sveorscacul, id est, compes, vel numella. German. olim Bog, Boge, Annulus quivis, German. infer Boje. Adel. Plautus in Asinaria :

Carceres, numellas, pedicas, Boias, tortoresque acerrimos.

S. Hieron. lib. 5. in Hierem. cap. 27. in hæc verba,

Fac tibi vincula et catenas, addit, sive ϰλοιούς, qui Hebraice appellantur mototh, et sermone vulgari Boias vocant.

Diploma Caroli M. ann. 797. apud Torrigium de Sacr. Cryp. Vatic. pag. 504 :

Et Boiam de collo Alexandri V. Papæ, et de capillis ejus quantum pugillo capere potest.

Occurrit passim hac notione, apud Scriptores recentioris ævi, Isidor. lib. 5. Orig. cap. 27. Prudentium, Metellum in Quirinalib. pag. 105. 107. Orderic. lib. 6. pag. 630. in Actis S. Quirini Mart. n. 7. 8. S. Babylæ Mart. n. 10. 12. in Actis ejusdem Sancti posteriorib. n. 6. in Vita S. Eparchii Abb. Inculism. cap. 15. in Passion. S. Lupercii Mart. apud Bosquetum pag. 164. in Hist. Translat. S. Honorinæ n. 5. in lib. Miracul. S. Wlfranni n. 24. in Chronico Senoniensi lib. 2. cap. 23. in Chron. Casinensi lib. 4. cap. 58. in Gestis Guillelmi Ducis Norman. pag. 182. apud Arnoldum Lubec. lib. 2. cap. 26. Sugerium lib. de Administr. sua pag. 348. tom. 2. Monastici Anglic. pag. 890. in Martyrol. Notkeri et Usuardi 3. Kl. April. Anastasium in S. Theodoro, etc. Vide præterea Fullerum lib. 5. Miscellan. sacr. cap. 8. Salmasium de Modo usurarum pag. 812. et seqq. et quæ observavimus in Dissertat. 9. ad Joinvillam, ubi Boias, nostris Buies dictas ostendimus, easque descripsimus. De iis etiam le Roman de Rou MS. :

Fu trouvé mort en la gaole

Grimont, si en fit grant parole,

Si come il est enchaanez,

O les Buies fut enterrez.

Alibi :

Au derrain le prist Rou, et en Buies le mist.

Rursum :

En aneaus et en Buies les fist enchaainer :

MS. :

Lambert les fait en Buies enserrer.

Le Roman de la prise de Hierusalem par Titus MS. :

Dedens un puis parfont, hoscur et non voiant,

Firent un sege faire destros par dedevant,

Pilate i avalerent, qui forment vout plorant,

Au deus pertuis li botent les dous piez maintenant,

Une Buis li ferment, et el col un chargant,

Tost adés li seront tot contreval pendant,

Desus firent un huis merveillos et tenans,

A bonne sereure et à verroil courant.

Infra :

Fu Pilate deux ans dedans le puis parfont,

Li maus et li geimers le destraint et confont,

Droit à chief de deux ans l'en ont trait contremont ;

Trestot avoit perdu le visage et le front,

Des piez est si baillis des Buis ou il sont,

Qu'il n'estent desore por tot l'avoir del mont.