« »
 
CARRUCA 1, CARRUCA 2, CARRUCA 3, CARRUCHA 1, CARRUCHA 2.
[]« 1 carruca » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 190b. http://ducange.enc.sorbonne.fr/CARRUCA1
1. CARRUCA, Caruca, Carrucha, Rheda, Honoratorum vehiculum opertum, in leg. un. Cod. Theod. (14. 12.) et Justin. (11, 19.) de Honorator. vehiculis. Ammianus lib. 14 :
Alii summum decus in Carrucis solito altioribus et ambitioso vestium cultu ponentes.
Paulinus Epist. 10. ad Severum :
Circumflui Senatores prosequebantur Carrucis nutantibus, phaleratis equis, auratis pilentis, et carpentis pluribus, etc.
Ubi per carrucas nutantes expressit, ni fallor, Carrucas hodiernas, quas Cariots branslans vocabant Galli nostri, seu currus suspensos. Acta Numidarum Martyrum :
Cum ejusdem Carrucæ vehiculo Marianus et Jacobus, et cum his ego viam communiter carperemus.
S. Fulgentius Homil. 56 :
Dicuntur Imperatores terreni inter Carrucas diversas, quarum sessione utuntur, habere Carrucam, in qua nullus sedeat, quæ vocatur Angelica. Ista Carruca, non tantum Angelica, sed et Dominica.
Vide S. Hieronym. ad cap. 66. Isaiæ. Accipitur etiam pro Lectica gestatoria et pro quolibet vehiculo ordinario et communi. Acta SS. Bened. sec. 3. part. 1. pag. 681. ex Vita sancti Wigberti Abb. auctore Servato Lupo :
Quidam ægrotus eo usque, ut in Carruca in morem lecticæ instructa perduceretur ad memoratum Cœnobium.
Ejusdem sec. part. 2. pag. 345. in Miraculis S. Dionysii Paris. :
Quidam a nativitate claudus... quadam die Carruca impositus... ad Cœnobium B. Dionysii [] perlatus est.
Sec. 4. part. 1. pag. 544. in Translatione Filiberti Abb. :
Aliquos Carrucis, corbeculis, sellis gestatoriis atque scalis advehi.
Sec. 5. pag. 100. in Vita S. Hugonis Monachi :
Tunc denique vir quidam adductus est in Carruca, trahentibus se bubus duobus
Vide Forcellin. et Scheffer. de re vehicul. 2, 27.
les Bénédictins de St. Maur, 1733–1736.
Carruca, Celebre illud vexilli genus, de quo dictum est in Carrocium. Chronicon Romualdi II. Archiep. Salernitani apud Muratorium tom. 7. col. 215 :
Pedites vero Mediolanenses cum paucis militibus qui circa Carrucam erant, fugere non valentes, simul conglomerati stare cœperunt.
© École des chartes.
[]« 2 carruca » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 190c. http://ducange.enc.sorbonne.fr/CARRUCA2
2. CARRUCA, Sella curulis. Acta S. Julianæ Virginis Martyr. cap. 1 :
Hæc audiens Eleusius, dedit munera Imperatori Maximiano, et successit Præfecto alii administranti, seditque in Carruca, agens officium Præfecturæ.
Ubi quidam Codd. habent, curru, alii cathedra.
© École des chartes.
[]« 3 carruca » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 190c. http://ducange.enc.sorbonne.fr/CARRUCA3
3. CARRUCA, Caruca, sequioris ætatis Scriptoribus sumitur pro aratro, Gall. Charrue. Lex Salica tit. 40. § 1 :
Si quis Caballum, qui Carrucam trahit, furatus fuerit.
Lex Aleman. tit. 96 :
Si Carrucam involat, aut rumpit rotas in priori parte.
Vide Legem Rip. tit. 44. Epistola Gaufridi de Meduana tom. 2. Spicilegii Acheriani :
Decem aratra cum bobus, quæ Carucas vocatis, et terram duabus sessionibus aptam ad laborandum dedi.
Matth. Paris :
Inquiratur in maneriis Religiosorum, quot sint Carrucæ propriæ ad colendum Dominicum.
Madox Formulare Anglic. pag. 384 :
Et salvis mihi necessariis meis capiendis de meremio de boscis in foresta prædicta, ad sex Carucas, duas carras, duas carectas, quatuor hercias meas, attilia et alia minuta.
les Bénédictins de St. Maur, 1733–1736.
Carruca, pro Carrucata. Vide in hac voce.
Caruca Corveia. Charta ann. 960. apud Hemereum in Augusta Viromand. :
Ter in anno ad generale placitum Domini præfatæ villæ convenirent, et ei bis in anno Carrucam Corveiam facerent.
Ubi Carruca Corveia aliis dicitur consuetudinaria, quæ a tenentibus domino subministratur ad arandas illius terras. Carrugarum Corveia in Charta anni 1230. e Tabulario Fossatensi fol. 50. Polyptych. Irminon. Br. 22. cap. 4 :
Facit in unaquaque ebdomada Curvadam 1. cum quantis animalibus habuerit, quantum ad unam Carrucam pertinent.
Extrinsecam vocat Fleta lib. 2. cap. 76. § 1. ad differentiam intrinsecæ, quæ ipsius domini est propria : Custumariam cap. 84. Statuta Willelmi Episc. Parisiensis cap. 14 :
Præcipitur, quod commodationes Carrucarum, quæ fiunt in festivis diebus, quibus fieri solent, per Sacerdotem fiant, ne in hoc aliqua inter commodantes interveniat confusio.
L. Favre, 1883–1887.
Carrucarum precaria
idem sonat atque Carrucagium 1 :
Precarias Carrucarum ter in anno. (Parisiis, an. 1259, mus. arch. dép. p. 167).»
© École des chartes.
[]« 1 carrucha » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 191c. http://ducange.enc.sorbonne.fr/CARRUCHA1
1. CARRUCHA, Carrucæ opus a vassallis Domino debitum. Hist. Mediani Monasterii pag. 327. in Charta anni 1261 :
Homines dictæ villæ... furcam et falcem et saclam et Carruchas et vecturas annonæ et feni, et omnes alias consuetudines quas mihi debebant... persolvent Ecclesiæ memoratæ.
Vide Forcellinum in Carruca.
© École des chartes.
[]« 2 carrucha » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 191c. http://ducange.enc.sorbonne.fr/CARRUCHA2
2. CARRUCHA, Navis. Vide Curuca.
© École des chartes.