« »
 
CURSUS 2, CURSUS 3, CURSUS 4, CURSUS 5, CURSUS 7, CURSUS 8, CURSUS 9, CURSUS 10, CURSUS 11, CURSUS 12.
[]« 2 cursus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 675b. http://ducange.enc.sorbonne.fr/CURSUS02
2. CURSUS, Officium Ecclesiasticum, seu series Orationum, Psalmorum, Hymnorum, et cæterarum precationum, quæ quotidie in Ecclesia decantantur, quam a D. Hieronymo, Damasi PP. rogatu, dispositam scribit Honorius Augustodunensis lib. 3. cap. 1. Concilium Calchutense[] ann. 787. cap. 7 :
Ut omnes Ecclesiæ publicæ Canonicis horis Cursum suum cum reverentia habeant.
Asserus de Ælfredi reb. gest. :
Post hæc Cursum diurnum id est, celebrationes horarum, etc.
Item :
Libellum, in quo diurnus Cursus et Psalmi scripti habebantur.
Beda lib. de Gest. Angl. cap. 18 :
Accepit et præfatum Joannem Abbatem in Britanniam perducendum, quatenus in Monasterio suo Cursum canendi annuum... edoceret.
Abbo lib. 2. de Bell. Paris. vers. 106 :
Qui missas, Cursusque sacros illic celebrassent.
Eckeardus Junior de Casib. S. Galli cap. 3 :
Plerumque Cursus et Missas negligebat.
Cap. 4 :
Matutinas deinde Laudes, Cursum de S. Cruce... persolventes.
Passim Scriptores, Gregorius Turon. lib. 5. Hist. cap. 21. lib. 8. cap. 15. lib. 10. cap. 19. lib. 1. de Mirac. cap. 11. de Gloria Confess. cap. 38. Anastasius in S. Telesphoro PP. S. Bonifac. Moguntin. Epist. 17. Cæsarius Heisterbach. lib. 1. cap. 6. Vita S. Bertilæ cap. 2. 6. Vita S. Alberti Gambron. num. 12. Leo IV. PP. de Cura Pastorali, initio. S. Audoenus lib. 2. Vitæ S. Eligii cap. 20. Jonas lib. 2. Vitæ S. Joann. Abbat. Reomaens. cap. 7. Lib. de Miracul. S. Quintini cap. 18. Willelm. Malmesb. lib. 2. de Gest. Angl. cap. 4. Hariulfus lib. 4. cap. 35. Vita S. Odon. Abbat. Cluniac. lib. 1. pag. 27. Paulus in Vita S. Hilari Abbat. Galeat. n. 9. Vita S. Ottonis Episc. Bamberg. lib. 2. cap. 44. Egbertus Eborac. Archiepisc. in Pœnitent. pag. 14. Vita S. Geraldi Auriliac. lib. 2. cap. 9. Baudovinia in Vita S. Radegundis cap. 18. etc. Wandelbert. in Vita S. Goaris. Hist. Episc. Saltzburg. pag. 250. Fortunat. in Vita S. Germani Episcopi Paris. cap. 63. 76. idem lib. 2. Poem. 19. et in Vita S. Radegundis cap. 4. 11. 18. 22. Beda lib. 1. de Wiremuthensi Monast. cap. 14. Riculfus Suessionensis in Constit. cap. 3. Vita Burchardi Wormaciensis Episcopi. Vita S. Valarici cap. 26. Vita S. Goaris cap. 4. 5. Vita S. Serenici cap. 9. 15. Vita S. Fructuosi Episc. Bracar. cap. 13. Vita S. Eparchii cap. 17. Vita S. Niceti Lugd. Episc. pag. 97. Honorius Augustod. lib. 2. cap. 63. 65. Amalarius de Ordin. antiph. cap. 1. Regulæ SS. Patrum parte 2. cap. 5. Regula S. Macarii cap. 9. S. Ferreoli cap. 12. S. Columbani cap. 7. 10. S. Aureliani ad Virgines cap. 38. Sic Δρόμος, Græcis. Vide Joan. Phocam cap. 1.
Regula et Cursus sancti Benedicti, in Charta S. Drausii Episcopi Suessionensis.
Cursarius, Cursinarius, Liber Ecclesiasticus, continens Cursum, seu Officium Ecclesiasticum. Acta Murensis Monasterii pag. 10 :
Lectionarius autem vetustus, et Cursarius antiquorum, et Liber regulæ, etc.
Alibi :
Sunt et duo Cursinarii, et tres Benedictionales libri.
P. Carpentier, 1766.
◊ Hinc Clerc courrier appellari videtur, qui huic officio decantando interesse tenetur in Lit. remiss. ann. 1458. ex Reg. 187. Chartoph. reg. ch. 321 :
Jehan Girard clerc Courrier et habitué en l'église collégiale de saint Julien de Brioude.
© École des chartes.
[]« 3 cursus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 675c. http://ducange.enc.sorbonne.fr/CURSUS03
3. CURSUS, Excursus, præda, quæ in ipsis excursibus capitur. Gall. Course. Gregor. Magn. lib. 12. Epist. 23 :
Hostem collectum habet,... et si huc Cursum Deo sibi irato mittere voluerit, vos loca ipsius, quantum vos Dominus juverit, deprædamini, etc.
Ubi mittere Cursum, nihil aliud sonat quam mittere ad prædam, seu prædatores. Cursus enim, ut Tacticis [] Græcis Κοῦρσος, prædam sonat. Leo in Tactic. cap. 12. § 27 :
Ἀπο ϰουρσόρων, ἤγουν τῶν εἰς Κοῦρσον τεταγμένων στρατευμάτων.
Joannes Cananus :
Ὅτι τε τῆς πόλεώς τε τὸν πλοῦτον... εἰς διανομὰν παραδίδη, ϰαὶ ϰοῦρσος τοῖς Μουσουλμάνοις.
Et mox :
Οἱ ἐπιστήμονες εἰς τὰ ϰούρση.
Hinc Κουρσεύειν, Prædari. Historia Bellissarii MS. :
Λεηλάτουν, ϰουρσεύουσιν ταῖς χῶρες τῶν Ρωμαίων.
Alia suggerunt Rigaltius, Meursius, et Fabrotus in Glossariis Gr. Obertus lib. 2. Annal. Genuensium apud Muratorium tom. 6. col. 303 :
Doleo quod galea ista exivit nunc de portu isto et vadit in Cursum.
Ibidem col. 394 :
Supradicti vero Consules maris tres magnas naves cum tribus galeis, tribusque barchis, tribusque cantheriis magnis viriliter armaverunt et in Cursu miserunt.
© École des chartes.
[]« 4 cursus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 676a. http://ducange.enc.sorbonne.fr/CURSUS04
4. CURSUS. Fori Morlanenses art. 32. de Homicida :
Si vero istas leges dare nequiverit, quidquid habet, sit in Cursu meo, et sepeliatur subtus mortuum.
Ubi legendum, in incursu meo, i. e mulctam incurrat. Vide Incursus 1. post Incurrimentum.
© École des chartes.
[]« 5 cursus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 676a. http://ducange.enc.sorbonne.fr/CURSUS05
5. CURSUS, Locus ludicri certaminis. Vita S. Magdalenæ de Pazzis, tom. 6. Maii pag. 251 :
Erant autem parentum ædes ad plateam, quam Cursus appellant. Cum ergo circa festum S. Johannis... publicæ decursiones ad pallium, ut aiunt, celebrarentur, etc.
Cursus Equorum, Ἰπποδρόμιον. Libertates, concessæ Villæ Franchæ ab Archembaldo D. Burbonensi ann. 1217 :
Dom. Archimbaudus et Agnes ejus uxor constituerunt Cursum equorum apud Villam Francham in crastinum nundinarum, quæ sunt in octabis Pentecostes, et dederunt illi, qui Cursum lucraretur, unam marcham argenti, et illi, qui equos equaret ad pontem de Baria 5. sol.
Vide Thomasserium in Consuet. Bituric. lib. 1. cap. 100. 101.
© École des chartes.
[]« 7 cursus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 676a. http://ducange.enc.sorbonne.fr/CURSUS07
7. CURSUS, Cursus Publicus, Vehicularius, cujus Augustum auctorem memorat Suetonius in Aug. cap. 49. Trajanum, Aurelius Victor Schotti cap. 13. De cujus usu, et cæteris ad hanc rem pertinentibus, vide Titulum de Cursu publico in Cod. Theod. et quæ ibi notavit Jacobus Gothofredus, Casaubonum ad Spartianum Savaronem ad Sidonium, etc.
Cursuales Equi, Ad cursum publicum destinati, in leg. 64. Cod. Theod. de Curs. (8, 5.) apud Senatorem lib. 4. Epist. 47. lib. 5. Epist. 5. Qui ad continuos Cursus constituti sunt, lib. 1. Epist. 29. Cursualis tractus, apud eumdem lib. 4. Epist. 47. Cursuale ministerium, apud eumdem Senatorem lib. 5. Epist. 5. Præpositi Cursus publici, in leg. 35. Cod. Theod. de Curs. leg. 9. de Curios. (6, 29.)
Primi quibus Cursus publici cura sollicitudoque mandatur
, Firmico lib. 3. cap. 4. Mancipes Cursus publici, leg. 15. de Curs. etc. Gregor. Magn. lib. 3. Dial. cap. 8 :
Andreas... qui quondam in stabulis itinerum Cursum servaverat equorum.
Vetus Inscriptio, apud Gualterum in Tabul. Sicul. pag. 18 :
Instante Fl. Valeriano Ducenario Agente in reb. et PP. Cursus publici.
Exstat Dialogus Theodori Abucaræ scriptus Πρὸς τὸν τοῦ δρόμου Ἐμέσης. Vide Glossar. med. Græc. in Δρόμος et Κοῦρσος.
© École des chartes.
[]« 8 cursus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 676a. http://ducange.enc.sorbonne.fr/CURSUS08
8. CURSUS, Prædium. Diploma Rudolphi Reg. Rom. de Dotalicio Filiæ Regis Angl. apud Rymerum tom. 2. pag. 112 :
Damus et assignamus... oppidum Zuge et Cursum seu curiam ibidem.
Donatio[] anni 1978. apud Joan. Mantelium Hist. Lossensis part. 2. pag. 14 :
Hujus autem boni operis beatæ memoriæ Dominum Episcopum Henricum incentorem habuit et devotissimum suffragatorem : et ut hoc libentissime perageret, quorumdam Episcopi Cursuum delegavit ei redditus, donec viveret.
© École des chartes.
[]« 9 cursus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 676b. http://ducange.enc.sorbonne.fr/CURSUS09
9. CURSUS, Ordo laterum in struendis parietibus. Vide Corium.
P. Carpentier, 1766.
◊ Ita et nostri Cours usurparunt, pro ordine ferculorum mensæ appositorum, vulgo Service. Tract. MS. de Officio herald. sub Henr. VI. reg. Angl. scriptus :
Et se doit la largesse crier quand ils (les princes et grands seigneurs) sont à disner, quand le segont Cours et entremais sont servis.
© École des chartes.
[]« 10 cursus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 676b. http://ducange.enc.sorbonne.fr/CURSUS10
10. CURSUS, Computandi ratio. Charta privil. Pisanis a Conrado II. reg. Sicil. concessorum ann. 1269. apud Lamium tom. 3. Delic. erudit. pag. 270 :
xviii. Kal Julii secundum Cursum Pisanorum, etc.
Vide Curriculum 1.
© École des chartes.
[]« 11 cursus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 676b. http://ducange.enc.sorbonne.fr/CURSUS11
11. CURSUS, Pastio seu glandatio porcorum in silvis, quas pascendo percurrunt, unde nomen. Charta Rotrodi comit. Pertic. ex Reg. forest. comitat. Alencon. Pertic. etc. fol. 52. v°. in Cam. Comput. Paris. :
Dono etiam monachis supradictis (Tironensis monast.) omnia nemora mea ad... Cursum porcorum suorum et pasturam porcorum suorum.
Alia ann. 1091. ibid. fol. 65. r°. :
Currant porci dominici S. Florentini, seu pauci seu multi, per omnes meos lucos absque pasnagio.
Charta ann. 1229. in Chartul. Buxer. part. 14. ch. 4 :
Quousque exartatum sit (illud nemus) prædicti homines in larretio illo, ubicumque nemus fuerit, habebunt usuagium et Cursum suum.
Hinc
P. Carpentier, 1766.
Cursum facere, dicuntur animalia, quæ in locis prohibitis vagantur pascendi causa, in Inquisit. ann. 1268. ex schedis Pr. de Mazaugues :
Vidit tamen quod avere Arelatis jacebat et pascebat in valle de Moreriis, sine aliqua contradictione et prohibitione alicujus, hoc salvo quod abstinebant se a bladis, pratis et deffendudis ; et si in prædictis faciebant Cursum, emendabant talam illi cujus erat ; sed bannum erat dom. archiepiscopi Arelatis.
© École des chartes.
[]« 12 cursus » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 676b. http://ducange.enc.sorbonne.fr/CURSUS12
12. CURSUS.
Appositio, que dicitur esse artificiosa dictionum structura, ideo a quibusdam Cursus vocatur. (Buoncompagno ap. Marot, hist. des doctrines grammat. au m. p. 480.)
Strictior plerumque sensus esse videtur :
Non enim hos pedes judicamus in prosa juxta metricam rationem, scilicet secundum correptionem et productionem ex Cursu vero tantum quem habent dictiones. (B. N. Ms. l. 8653, f. 24 a.)
Gallice explicare posses
manière dont sont accentués les mots.
Vide Bibl. Sch. Cart. 1881. pag. 161. et sqq. Etude sur le rythme des bulles pontificales.
© École des chartes.