PELOTA 1, Glossarium mediae et infimae latinitatis, Du Cange et al.

« 1 pelota » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 253b. http://ducange.enc.sorbonne.fr/PELOTA1

1. PELOTA, vel Pellota, Monticulus in pede canis, Gallis Pelote, Anglis the ball af the foot, i. Pilula. Charta de Forestis cap. 7 :

Talis autem expeditatio (canum) fiat per assisam communiter usitatam, videlicet quod tres ortelli abscindantur, sive Pelota de pede anteriori.

Vide Poleta 1.

PELOSUM 2. PELOTA © École des chartes.

« 2 pelota » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 253b. http://ducange.enc.sorbonne.fr/PELOTA2

2. PELOTA, Globus, Gall. Boule, Pelote. Charta ann. 1319. apud Rymer. tom. 3. pag. 790 :

Lapides ac Pelotes terreas ad hoc aptas, et alia nociva emmittunt per balistas et arcus supradictos, per vices et venellas in civitate.

1. PELOTA 3. PELOTA © École des chartes.

« 3 pelota » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 253c. http://ducange.enc.sorbonne.fr/PELOTA3

3. PELOTA, Pilota, Pila lusoria, quæ ludentium manibus hinc inde comploditur, Gall. Pelote, balon. Statutum Capituli Autissiod. 18. April. ann. 1396 :

Ordinatio de pila facienda. Ordinatum fuit quod domini Stephanus de Hamello et magister Johannes Clementeti qui fuerunt novi stagiatores facient Pilotam proxima die Lunæ post Pascha... et consensit primum mensem pro dicta pila solvi.

Aliud Statutum ejusdem Capit. 19. April. ann. 1412 :

Fuit ordinatum quod Pilota fiat minor solito, tamen quod non possit comprehendi seu apprehendi una sola manu hominis.

At ne ejusmodi ludus ecclesiæ ceremoniis extraneus omnino videretur, sacra profanis miscentes, inter ludendum Prosam Victimæ Paschali, etc. decantabant, et ad ejus modulos retorquebatur pila. Hæc pluribus referuntur in Cod. MS. Autiss. quæ ex Mercurio Gallico mensis Maii ann. 1726. hic exscribemus :

Accepta Pilota a proselyto seu tirone Canonico, Decanus, aut alter pro eo olim gestans in capite almutiam ceterique pariter, aptam diei festo Paschæ prosam antiphonabat quæ incipit

Victimæ Paschali laudes :

tum læva Pilotam apprehendens, ad prosæ decantatæ numerosos sonos tripudium agebat, cæteris manu prehensis choream circa dædalum ducentibus, dum interim per alternas vices Pilota singulis aut pluribus ex choribaudis a Decano serti in speciem tradebatur aut jaciebatur. Lusus erat et organi ad choreæ numeros. Prosa ac saltatione finitis chorus post choream ad merendam properabat.

Nec insolens erat in aliis ecclesiis pilæ ludus, ut testatur Durandus Ration. lib. 7. cap. 16. Verum quod Autissiodori in ecclessia agebatur, decentius Viennæ Allobrogum in palatio Archiepiscopali fiebat : cujus ceremoniæ meminit Codex MS. ejusdem Ecclesiæ 500. annorum in Rubricis diei Lunæ post Pascha his ver bis :

Ad Vesperas dum signa pulsantur, totus Conventus conveniat in domo Archiepiscopi ; ibi debentur mensæ apponi, et ministri Archiepiscopi debent apponere pigmentum cum aliis, et postea vinum. Postea Archiepiscopus jactet Pelotam.

In margine ejusdem Codicis recentiori manu annotatum legitur :

Et est sciendum quod Mistralis debet providere de Pelota, et debet eam jactare domino Archiepiscopo absente.

Et quidem hæc erat Domini seu ejus Locum-tenentis prærogativa, ut pilam propellendam ludentibus projiceret. Vide Mellat.

les Bénédictins de St. Maur, 1733–1736.

◊ Diu obtinuit ejusmodi ludus, præsertim inter Clericos Autissiodorenses quos huic retinendo pertinaciores fuisse observatur in Mercurio Gallico mensis Martii ann. 1727. Sed hæc tandem amandavit purior ætas, cui auctoritatem præbuit Arestum Parlamenti 7. Junii ann. 1538. Nec tamen, re ipsa abolita, penitus nomen interiit ; a Canonicis enim recens receptis etiamnum præstatio pecuniaria exhibetur sub nomine Pilotæ. Utcumque ludum Pelotæ describit MS. :

Li preudome et li bacheler

Alerent les jeux resgarder

De Pelotte et de ploumées

Dont se donnoient grans colées...

Chascune aloit à la fenestre

Veoir le jeu de la palestre.

Ibidem :

Font la Pelote tressaillir,

Puis encommencent à courir

Tout coste à coste sans trespas,

Que l'un fesist l'autre d'un pas ;

Tels les suivent de leur povoir,

Qui faillirent à leur espoir.

les Bénédictins de St. Maur, 1733–1736.

Pillota, Eadem notione, in Statutis Montis Regal. fol. 178 :

Item statutum est quod aliquis non ludat... præterquam ad scacos, et tabulas, et Pillotam.

« 4 pelota » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 254a. http://ducange.enc.sorbonne.fr/PELOTA4

4. PELOTA, apud Provinciales appellatum id, quod exigebatur a sponsis ad secundas nuptias convolantibus, aut ab iis qui alienigenas in matrimonium ducebant, ut ab inconditis vociferationibus, vulgo Charivari, se redimerent. Stat. Provinc. :

Charavits non fiassan, et Pelotas non si pagan... No si demande ren per loudich abus, que on appelle la Pelota, quant una fema va en mariage d'un luech en autre.

Vide Mourgues in Comment. ad ead. Stat. edit. 1658. pag. 309. et supra Charavaritum.