« »
 
[]« 10 tenere » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 061a. http://ducange.enc.sorbonne.fr/TENERE10
10. TENERE dicitur Equus admissarius, quando equam init. Constit. MSS. Petri III. Reg. Aragon. ann. 1359 :
Quod equa, quam ille cujus fuerit, quis Teneri seu calcari fecerit per equum aut roncinum nostrum, nequeat pro debito vel quavis alia causa seu occasione pignorari seu capi, nec etiam interim donec ad habendum apta fuerit.
P. Carpentier, 1766.
Tenere in Amicitia. Vide supra Amicitia.
P. Carpentier, 1766.
Tenere Arma, Ludicras pugnas seu hastiludium agere. Constit. Feder. reg. Sicil. cap. 106 :
Item quod comites, magnates, barones et milites possint habere pro buchurvando seu Tenendo arma, duo guarnimenta, videlicet tunicam incordatam de scarlato et mantellum.
les Bénédictins de St. Maur, 1733–1736.
Tenere Campum Duelli, Duello præesse, præsidere, a Gallico Tenir, ut cum dicimus :
Ce Juge tient ses assises.
Vide locum in Campus 3.
P. Carpentier, 1766.
Tenere Captionem dicebatur fidejussor, qui in loco designato manere debebat, quamdiu is, pro quo spoponderat, pacto fecisset satis. Charta ann. 1213. ex Chartul. S. Joan. de Valle :
Fide obligati tenentur, si fratres illi ab hoc recederint, hoc plene facere observari, et ad submonitionem partis alterius tamdiu Tenere captionem apud Sparnonem, donec istud fecissent integre perfici et teneri.
Vide Hostagium 3.
les Bénédictins de St. Maur, 1733–1736.
Tenere Chorum, Gall. Tenir le Chœur, Cantantium choro præesse, cantum moderari. Juramentum Cantoris S. Capellæ Paris. apud Lobinell. tom. 3. [] Hist. Paris. pag. 151. col. 2 :
Item, quod in Festis annualibus, videlicet in utrisque Vesperis.... Tenebo chorum nisi debilitate corporis aut infirmitate fuero excusatus.
Statuta S. Capellæ Bituric. ann. 1407. ex Bibl. reg. :
In festis autem novem lectionum duo vicarii Tenebunt chorum, etc.
P. Carpentier, 1766.
Tenere Chorum dicuntur etiam Canonici, cum officio ecclesiastico intersunt. Necrol. eccl. Paris. MS. :
Statuit autem universum capitulum præfati regis (Philippi) anniversarium singulis annis sollempniter celebrari, et Missam ad majus altare celebrari, canonicis in Vesperis et in Missa chorum Tenentibus in capis sericis.
les Bénédictins de St. Maur, 1733–1736.
Tenere Contra, vel Tenere Cum, Gall. Tenir contre ou pour quelqu'un.
Cum Rege contra Principem Tenuit in hoc bello
. in Chronico Trivetti tom. 8. Spicil. Acher. pag. 646. id est, Regis partes adversus Principem sequitur. Occurrunt hæ loquendi formulæ in Chronico Parm. ad ann. 1297. apud Murator. tom. 9. col. 838. in Diar. Belli Hussitici, apud Ludewig. tom. 6. Reliq. MSS. pag. 182. in Chron. Angl. Thomæ Otterbourne pag. 85. et alibi.
P. Carpentier, 1766.
Tenere Curtum, Cohibere, coarctare, Gall. Tenir de court. Vide supra Curtus.
P. Carpentier, 1766.
Tenere Duellum, Illud juridici decernere. Vide supra in Duellum 3.
P. Carpentier, 1766.
Tenere in Guerra, Infense agere. Vide supra in Guerra.
P. Carpentier, 1766.
Tenere Se in Mercato, Pactionem de re comparanda ratam habere, Gall. Tenir un marché. Charta ann. 1054. ex Tabul. S. Vict. Massil. :
Guillelmus Theodosiæ et Nicecius suus consanguineus fecerunt fidem in tali tenore, quia si sui fratres de S. Stephano non se Tenent in isto mercato de ista terra, etc.
P. Carpentier, 1766.
Tenere Ordinem, Capitulo monachorum præesse, in capitulo convenire. Item, Observationes monachicas servare. Vide supra in Ordo 6.
P. Carpentier, 1766.
Tenere Parolam, Promissa exigere. Vide supra Parola.
les Bénédictins de St. Maur, 1733–1736.
Tenere Prisionem Corporalem, in Charta ann. 1252. ex Chartular. Maurigniac. Phrasis Gallica, Tenir prison.
les Bénédictins de St. Maur, 1733–1736.
Tenere Punctum in cantando dicuntur qui plus æquo protrahunt cantum finiendo. Spicilegium MS. Fontatanell. pag. 202 :
Punctum nullus Teneat, sed cito dimittat.... Nullus ante alios incipere et magis currere præsumat, aut post alios minus currere, trahere vel punctum Tenere.
P. Carpentier, 1766.
Tenere Quæstionem, Congregationem habere, in qua proponuntur a magistro quæstiones a discipulis discutiendæ et solvendæ. Constit. Carmelit. MSS. part. 1. rubr. 15 :
Magister studentium omnes actus scholasticos fieri consuetos intus vel extra infaillibiliter exerceat et sequatur, et specialiter quod omni ebdomada, semel ad minus, habeat Tenere quæstionem.
les Bénédictins de St. Maur, 1733–1736.
Tenere ad Raubas. Vide in Raub.
P. Carpentier, 1766.
Tenere in Regardo, Timorem incutere. Vide supra in Regardum 3.
les Bénédictins de St. Maur, 1733–1736.
Tenere Regnum, Illud regere. Charta ann. 1213. ex Chartul. Campaniæ fol. 86 :
Umfredus nichil valet ad regnum Tenendum, et ideo, dicebant, auferamus ei uxorem suam et demus eam Marchioni qui bene reget regnum.
les Bénédictins de St. Maur, 1733–1736.
Tenere Se, Vim vi repellere, defendere, Gall. Se défendre. Breviarium Historiæ Pisanæ ad ann. 1171. apud Murator. tom. 6. col. 184 :
Cumque diu pugnatum esset, illi se non valentes Tenere, videntes murum a gatto foratum, et a [] manganis turrim, iv. Nonas Decembris se reddiderunt Pisanis.
P. Carpentier, 1766.
Tenere Societatem, Gall. Tenir compagnie, Cum aliquo versari. Arest. ann. 1350. 6. Nov. in vol. 2. arestor. parlam. Paris. :
Audito quod dictus Colardus erat in prisione detentus, Johannes Candelerii iverat ad locum in quo erat detentus,.... et Tenendo sibi societatem, etc.
© École des chartes.