« »
 
VOX 1, VOX 2, VOX 3, VOX 4, VOX 5, VOX 6.
[]« 1 vox » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 381b. http://ducange.enc.sorbonne.fr/VOX1
1. VOX, diversis notionibus accipitur : interdum enim pro clamore militari, Cry d'armes. Cæsarius lib. 7. de Mirac. c. 39 :
Nos hodie dextras vobis dedimus, nos signa vestra militaria ibi vidimus, nos Vocem vestram ibi audivimus.
De torneamento loquitur Will. Brito lib. 11. Philippid. :
....... Necdum Vox ulla sonabat.
P. Carpentier, 1766.
◊ Pro Pars. Stat. ann. 1378. tom. 6. Ordinat. reg. Franc. pag. 394 :
Qui dictorum civitatis et burgi majores esse dicebantur, aut specialiter Vocem majorem habere in regimine reipublicæ, universitatis, civitatis et burgi prædictorum.
Pro Fama, nostrates Voix usurparunt. Stat. ann. 1373. tom. 5. earumd. Ordinat. pag. 649. art. 18 :
Et pour ce qu'il est Voix et commune renommée, que, etc.
© École des chartes.
[]« 2 vox » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 381b. http://ducange.enc.sorbonne.fr/VOX2
2. VOX, Jus testimonii ferendi. Edictum Theoderici Regis Italiæ § 48 :
Quia hujusmodi personæ (servi et liberti) neque in civilibus neque in criminalibus causis contra patronos aut dominos, eorumque liberos, etiamsi pro eis dicant, Vocem possunt habere legitimam, etc.
Concilium Francoford. ann. 794. can. 36. al. 34 :
De criminosis, ut non habeant Vocem accusandi majores natu, aut Episcopos suos.
Definitio Concilii Duziacensis de Duda Monacha can. 2 :
Quapropter Vocem non habent, ut sacramento de hoc sacrilego adulterio se... valeat expurgare.
Concilium Pontigonense ann. 876 :
Si post quatuor menses purgare se canonice non poterit, nulla ejus Vox penitus audiatur.
Lactantius lib. de mortibus Persecutor. num. 13. de Christianis :
Non de rebus ablatis agere possent, libertatem denique ac Vocem non haberent,
id est, jus testimonii ferendi.
Vocem non Habere, dicitur apud Bractonum lib. 3. tr. 2. cap. 34. § 3. et in Fleta lib. 1. cap. 34. § 9. cap. 38. § 21. ille, qui inter infames habetur, eoque ipso ad testimonium dicendum non admittitur.
les Bénédictins de St. Maur, 1733–1736.
Vocem Dare, Accusare, deferre, querelam deponere, Gall. Former sa plainte. Conc. Legion. ann. 1012. inter Hispan. tom. 3. pag. 192 :
Si quis vulneraverit aliquem, et vulneratus dederit Vocem Sayoni regis ; ille qui plagam fecerit, persolvat Sayoni regis cannatellam vini, et componat se cum vulnerato.
© École des chartes.
[]« 3 vox » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 381b. http://ducange.enc.sorbonne.fr/VOX3
3. VOX, Jus suffragii ferendi in Capitulis, etc. Charta ann. 1246. apud Columbum in Episcop. Sistaric. :
Concedimus, quod in Capitulo nostro Vocem tanquam Canonicus habeatis.
Charta fundat. S. Capellæ Vicennarum ann. 1379. apud Lobinell. tom. 3. Hist. Paris. pag. 192. col. 2 :
In quo (capitulo) thesaurarius primam, dictus vero cantor post eundem thesaurarium immediate et secundam vocem habeat... In quo duorum vicariorum Voces pro una Voce dumtaxat computabuntur.
Adde tom. 4. Gall. Christ. edit. col. 116. et Hist. Mediani monast. pag. 410.
© École des chartes.
[]« 4 vox » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 381b. http://ducange.enc.sorbonne.fr/VOX4
4. VOX, Jus, quod quis habet in rem aliquam. Lex Wisigoth. lib. 4. tit. 3. § 4 :
Quia vero quidam tutores aut persuasione aut indignatione circumveniunt eos, quos tueri gratissime debuerunt, et de rebus reddendæ rationis securitates accipiunt, vel certe diversarum obligationum scripturas ab illis exigendas insistunt ; quo extinctis[] Vocibus eorum, quæ illis competunt nunquam inquirere, vel recipere permittantur.
Testam. Guifredi Comit. Cerritan. ann. 1035. apud Acher. tom. 6. Spicil. pag. 432 :
Quantum ibi habeo vel habere debeo, sive per prisione, sive per parentorum, vel per qualicumque Voce, etc.
Charta ann. 1070. in Append. ad Marcam Hisp. col. 1153 :
Per hanc scripturam venditionis meæ vendo vobis omnes Voces et dretaticos, possessiones, etc. Per alodium, sive per aliam qualemcumque Vocem.... Per nos vel per nostram Vocem, etc.
in Charta ann. 1126. inter Probat. tom. 2. novæ Hist. Occitan. col. 442. Berengarius Comes Barcinonensis in donatione civitatis Tarraconensis Romanæ Ecclesiæ, ann. 1090 :
Ea scilicet deliberatione, ut ego et mei posteri omnes..... teneamus hoc totum per manum et Vocem S. Petri, ejusque Vicarii Romanæ Sedis Apostolici, per quinquennium persolventes et 125. libr. purissimi argenti ad justum pensum.
Charta Alfonsi Regis Legionensis apud Anton. de Yepez in Chron. Ord. S. Benedicti tom. 3. pag. 227 :
Do et offero monasterio S. Vincentii Ovetensis, quod dicitur Capella Regum, totam Vocem et totum jus Capellaniæ, in ipsa plantatione, ubicumque extensa fuerit, etc.
Charta Sancii Regis Aragon. æræ 1131. apud eumdem tom. 7 :
Sicut unquam habui, vel tenui, seu habere potui per qualescunque Voces, etc.
Charta Ranimiri Regis Aragon. æræ 1173. apud Blancam in Comment. Rer. Aragon. pag. 647 :
Cum suis terminibus,... directaticis, eremis, et populatis, et montibus, et aquis, et palustris, et cum omni censu, quod pertinet ibi, vel pertinere debet ad meam regalem personam vel Vocem.
Alia apud Catellum lib. 4. Rerum Occitan. pag. 651. de quadam Inquisitione :
Aut si de ipsa insula terræmeritum exuunt ad potestatem Rainardi, aut permansit postea in Voce Vaidrani, etc.
Vide tom. 2. Capitul. Regum Franc. col. 1548.
Vox, Eadem, ni fallor, notione, in veteri Charta Rivipollensi æræ 888. apud Yepez in Chronico Ord. S. Benedicti tom. 4 :
Ipso alode cum fines et terminos suos, sicut in ipso judicio resonat, quem acquisivit per Vocem liberto suo, etc.
Mala Vox, seu Mala voce possidere dicitur is, qui contra jus rem detinet. Charta Garsiæ Regis Navarræ, æræ 1185. apud Sandovallium in Episcopis Pampilon. qua concedit Episcopo Pampilonensi,
Synagogam Judæorum de Stella, liberam et integram, sine ulla Mala Voce, ad peragendum in ea Ecclesiasticum ministerium, etc
. Fori Oscæ ann. 1247. f. 5 :
Quicunque miserit Malam Vocem in hæreditatem, quam alius possidet, et forte infra unum annum et unum diem noluerit accipere directum de illo, qui tenet illam hæreditatem, etc.
Observantiæ Regni Aragon. lib. 6. tit. de Generalib. Privileg. § 21 :
Postea sine Mala Voce retinere potest emptor, etc.
Adde Foros Aragon. lib. 7. pag. 132. v. 133. etc. Michael del Molino in Repertorio Foror. Aragon. pag. 331 :
Viduitatis jure si possidet vidua aliquam rem, et imponitur sibi in ea Mala Vox, debet in judicio nominare hæredes viri sui mortui, et dabitur ei dilatio, ut denuntiet Malam Vocem dictis hæredibus sui viri, etc.
Adde pag. 81. 82. v.
© École des chartes.
[]« 5 vox » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 381c. http://ducange.enc.sorbonne.fr/VOX5
5. VOX, Actio qua rem aliquam quis postulat, ceu in eam jus habens. Notitia judicati ann. 1036. in Append. ad Marcam Hispan. col. 1063 :
Quod si aliquis homo utriusque sexus hanc donationem seu consignationem disrumpere tentaverit, [] Vox ejus in nullo proficiat.
Eadem occurrunt apud Marten. tom. 1. Anecd. col. 156.
© École des chartes.
[]« 6 vox » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 382a. http://ducange.enc.sorbonne.fr/VOX6
6. VOX, Fiscus, dominium. Charta Fernandi Hispan. Reg. æræ 1210. apud Cencium inter Census Eccl. Rom. :
Si quis igitur..... hoc meum spontaneum factum irrumpere præsumpserit,...... pro temerario ausu parti regiæ et nostræ centum libras auri persolvat ; et quod invaserit vobis vel Voci vestræ in contraduplum reddat.
les Bénédictins de St. Maur, 1733–1736.
◊ Haud facile est divinare quid significet Prendre la voix du Roy in Litteris ann. 1372. inter Ordinat. Reg. Franc. tom. 5. pag. 565 :
En nostre presence ont prins la Voix du Roy nostredit Seigneur, et mis ses penons et bannieres ès forteresses des dictes villes.
Ubi de supremi dominii professione agitur : unde Cl. Editor suspicatur iis significari posse ab iis hominibus jus regium in eos agnitum fuisse : haud probabiliori fortasse conjectura existimem ego intelligendum esse proclamationes Regis nomine factas, quod signum erat supremi dominii non secus ac vexillorum erectio, ut videre licet supra in voce Vexillum.
Falsis Vocibus Cantare, dicitur Musicis de voce acutam vocem ementiente, Gall. Fausset. Alii a faucibus vocis originem accersunt. Institutiones Capituli Generalis Cisterciencis Ord. cap. 71 :
Viros docet virili voce cantare, et non more fœmineo, tinnulis, vel ut vulgo dicitur, falsis Vocibus histrionicam imitari lasciviam.
© École des chartes.