« »
 
PALARE 2, PALATA 1, PALATA 2, PALATA 3, PALATA 4.
[]« 2 palare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 097b. http://ducange.enc.sorbonne.fr/PALARE2
2. PALARE, Palata, Palaticum. Willelm. Brito in Vocabulario MS. :
Palo, las, dicitur palis aptare, vel palis parare, a palus, li.
Apud Columellam lib. 11. cap. 2. Vitis palari dicitur, quæ pedamentis fulcitur.
Palata, Palorum series, Italis Palata, nostris Palissade ; maxime ad continendas aquas in molendinis. Charta Guill. filii Rogerii Ducis Calabriæ ann. 1142. apud Ughellum in Episc. Frequentinis :
Et cum lignaminibus sufficientibus ad aptandam varcaturam solum pro Palata ejusdem molendini.
Palaticum, Tributum quod pensitatur pro jure figendi palos in fluvio ad opus molendini aut exclusarum. Tabularium majoris Monasterii Turon. seu Vindocinense Thuani, Charta 87 :
Expetivit censum de Palatico molendini [] quem nobis vendidit....... nam palus ejusdem molendini fixus erat in terra ipsius.
Et mox :
Et quidem census 4. denar. de terra illa reddebatur, non tamen pro Palatico, sed pro motatico, hoc est pro eo quod ex ipsa terra prenditur ad opus exclusæ molendini illius.
Infra :
Palus molendini in terra de Radenaco fixus est, censum de eo reddi petit.
◊ Inter operas et servitia consueta Palos dare et figere ad opus molendini tenebantur rustici. Charta Chrodegangi Episcopi Metensis apud Meurissium in Historia Metensi pag. 168. 169 :
Debent autem... aquam molendinariam mundare, Palos dare, domum ipsam ædificare, etc.
Infra :
Solvit unusquisque 30. denarios.... cum Palis molendinariis et verubus, et reliquum omne servitium, etc.
Vide Palificatura.
Palorum Servitia ad opus Castellorum. Tabularium Dervense :
Sed prandia et carropera ad Palos virgasque ferendas ad opus Castri sui, hoc modo ut mane euntia in vespere reverterentur.
© École des chartes.
[]« 1 palata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 098a. http://ducange.enc.sorbonne.fr/PALATA1
1. PALATA. Historia Cortusiorum lib. 11. cap. 10 :
Ungari auxilio bannitorum Tarvisii in Palatis Venetorum ceperunt navigantes : unde Palatæ clauduntur (al. dicuntur) a Venetis.
Chron. MS. Andreæ Danduli ann. 1238 :
Qui resistentes Palatas claudunt et bellatoribus muniunt.
Pallata, in edit. apud Murator. tom. 12. col. 457. Raphanus de Caresino in Chron. MS. ann. 1379 :
Magno impetu transferuntur ad Palatam firmatam in canali.
Annal. Cæsenates apud Murator. tom. 14. col. 1151 :
Castrum ipsum occupavit et Palatam portus fecit comburi et buccam impleri portus.
Ibid. col. 1183 :
Comburi fecere totam Palatam dicti portus.
Videntur dicti loci in æstuariis Venetis palis conclusi. Vide supra Palare 2.
© École des chartes.
[]« 2 palata » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 098a. http://ducange.enc.sorbonne.fr/PALATA2
2. PALATA, inter varia ornamenta et vestes recensetur in Charta ann. 1382. apud Rymer. tom. 7. pag. 356 :
Palatam, quinque mantellos de panno Hibernico.
Idem videtur quod Palletot vel Palthot, quo nostri vestis militaris sive pallii genus significant, Aliis faldo vel paldo dictum. Vide Faldones. L'An des sept Dames apud Borellum :
Je ne vettray en Palletot,
Vers ma sixiesme iray soubit
Pour l'abiller sans dïre mot.
© École des chartes.
[]« 3 palata » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 098a. http://ducange.enc.sorbonne.fr/PALATA3
3. PALATA, idem quod Haia, in veteri Glossar. ex Cod. reg. 521. Vide Palare 2.
© École des chartes.
[]« 4 palata » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 098a. http://ducange.enc.sorbonne.fr/PALATA4
4. PALATA, Instrumentum coquinarium, batillus. Invent. ann. 1476. ex Tabul. Flamar. :
Item unam Palatam ferri.
Vide Pala 4.
© École des chartes.