PELOTA 3, Glossarium mediae et infimae latinitatis, Du Cange et al.

« 3 pelota » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 253c. http://ducange.enc.sorbonne.fr/PELOTA3

3. PELOTA, Pilota, Pila lusoria, quæ ludentium manibus hinc inde comploditur, Gall. Pelote, balon. Statutum Capituli Autissiod. 18. April. ann. 1396 :

Ordinatio de pila facienda. Ordinatum fuit quod domini Stephanus de Hamello et magister Johannes Clementeti qui fuerunt novi stagiatores facient Pilotam proxima die Lunæ post Pascha... et consensit primum mensem pro dicta pila solvi.

Aliud Statutum ejusdem Capit. 19. April. ann. 1412 :

Fuit ordinatum quod Pilota fiat minor solito, tamen quod non possit comprehendi seu apprehendi una sola manu hominis.

At ne ejusmodi ludus ecclesiæ ceremoniis extraneus omnino videretur, sacra profanis miscentes, inter ludendum Prosam Victimæ Paschali, etc. decantabant, et ad ejus modulos retorquebatur pila. Hæc pluribus referuntur in Cod. MS. Autiss. quæ ex Mercurio Gallico mensis Maii ann. 1726. hic exscribemus :

Accepta Pilota a proselyto seu tirone Canonico, Decanus, aut alter pro eo olim gestans in capite almutiam ceterique pariter, aptam diei festo Paschæ prosam antiphonabat quæ incipit

Victimæ Paschali laudes :

tum læva Pilotam apprehendens, ad prosæ decantatæ numerosos sonos tripudium agebat, cæteris manu prehensis choream circa dædalum ducentibus, dum interim per alternas vices Pilota singulis aut pluribus ex choribaudis a Decano serti in speciem tradebatur aut jaciebatur. Lusus erat et organi ad choreæ numeros. Prosa ac saltatione finitis chorus post choream ad merendam properabat.

Nec insolens erat in aliis ecclesiis pilæ ludus, ut testatur Durandus Ration. lib. 7. cap. 16. Verum quod Autissiodori in ecclessia agebatur, decentius Viennæ Allobrogum in palatio Archiepiscopali fiebat : cujus ceremoniæ meminit Codex MS. ejusdem Ecclesiæ 500. annorum in Rubricis diei Lunæ post Pascha his ver bis :

Ad Vesperas dum signa pulsantur, totus Conventus conveniat in domo Archiepiscopi ; ibi debentur mensæ apponi, et ministri Archiepiscopi debent apponere pigmentum cum aliis, et postea vinum. Postea Archiepiscopus jactet Pelotam.

In margine ejusdem Codicis recentiori manu annotatum legitur :

Et est sciendum quod Mistralis debet providere de Pelota, et debet eam jactare domino Archiepiscopo absente.

Et quidem hæc erat Domini seu ejus Locum-tenentis prærogativa, ut pilam propellendam ludentibus projiceret. Vide Mellat.

les Bénédictins de St. Maur, 1733–1736.

◊ Diu obtinuit ejusmodi ludus, præsertim inter Clericos Autissiodorenses quos huic retinendo pertinaciores fuisse observatur in Mercurio Gallico mensis Martii ann. 1727. Sed hæc tandem amandavit purior ætas, cui auctoritatem præbuit Arestum Parlamenti 7. Junii ann. 1538. Nec tamen, re ipsa abolita, penitus nomen interiit ; a Canonicis enim recens receptis etiamnum præstatio pecuniaria exhibetur sub nomine Pilotæ. Utcumque ludum Pelotæ describit MS. :

Li preudome et li bacheler

Alerent les jeux resgarder

De Pelotte et de ploumées

Dont se donnoient grans colées...

Chascune aloit à la fenestre

Veoir le jeu de la palestre.

Ibidem :

Font la Pelote tressaillir,

Puis encommencent à courir

Tout coste à coste sans trespas,

Que l'un fesist l'autre d'un pas ;

Tels les suivent de leur povoir,

Qui faillirent à leur espoir.

les Bénédictins de St. Maur, 1733–1736.

Pillota, Eadem notione, in Statutis Montis Regal. fol. 178 :

Item statutum est quod aliquis non ludat... præterquam ad scacos, et tabulas, et Pillotam.

2. PELOTA 4. PELOTA © École des chartes.

« Pilatus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 321c. http://ducange.enc.sorbonne.fr/PILATUS

PILATUS, Latinis πιλοφόρος. Joan. de Janua :

Pilatus, pilum habens, pilata, hic et hæc, fur, latro. Pilatulum, tale latrocinium, quod cum pilo i. telo lateat.

Sed aliud sonat in Mandato Henrici III. Reg. Angliæ super Juratis ad arma, in Adversar. ad Matth. Paris pag. 149 :

Omnes alii, qui possunt habere arcus et sagittas, extra forestam habeant : qui vero in foresta, habeant arcus et Pilatos.

Ubi Watsius annotat, in simili mandato Edw. I. cap. 6. hanc vocem Anglice verti bolts, quæ vox, inquit, sagittas catapultarum totas ligneas et obtusas, quibus aves feriebantur, significat. Vide Piletta. Quod vero Pilatus Matthæo Parisio, Pyle dicitur in Statutis Willelmi Regis Scotiæ cap. 23. de venientibus ad guerram, § 5 :

Et omnes alii, qui habere poterunt, habeant arcum et sagittas extra forestam ; et intra forestam arcum et Pyle.

Sed quidquid sit apud Anglos, constat expressam ac redditam vocem Pilet, nostris olim notam, seu pro pilo ac spiculi specie quadam, seu pro arcubalistarum quadrellis. MS. :

Volent Pilet plus que pluie en pré,

Et les sajettes, et carriax empanez.

Guillelmus Guiart ann. 1214. V. Piletus. :

Ribaus qui de l'ost se partent,

Par les chans çà et là s'espartent,

Li uns une Pilete porte,

L'autre croc, et maçue torte.

Infra :

Maces levées, et Piletes,

Se fierent parmi les viletes.

MS. :

Des tors lor lancent Pels agus,

Auberc, heaume, ne escus

Ne puet garir qui n'est attaint.

Neque aliud videtur Pilum, in Epistola Ricardi Regis Angliæ apud Hovedenum pag. 698 :

Tertia autem die ante ipsius Saladini confusionem, in sinistro latere cum quodam Pilo vulnerati fuimus.

Pilotus, Pilota, Eadem notione, apud Ottonem Morenam in Histor. Rerum Laudensium pag. 54 :

Nec... ad ipsum murum aliquis appropinquare poterat, quem hi, qui supra castellum stabant, lapidibus vel Pilotis non vulnerarent.

Infra :

Per totum etiam castrum Cremæ lapides atque Pilotos projicere leviter poterant.

Et pag. 71 :

Projicientes ignem cum ipsis petreriis et Pilotas seu sagittas igne accensas infra civitatem.

Chron. Placent. Joh. Demussis apud Murator. tom. 16. col. 488. ad ann. 1311 :

Dominus Valeranus frater dicti Imperatoris fuit percussus cum uno Piloto, ex qua percussione mortuus est.

Oberti Cancellarii Annal. Genuens. apud Murator. tom. 6. col. 338 :

Ecce duæ galeæ Pisanorum venientes obviam illis cum tribus buciis et non dimiserunt pro illis, quin in terram ponerent Lucenses quosdam et res illorum ejectis Palotis et sagittis.

Ubi leg. Pilotis, ut habet alter Codex MS. teste Muratorio.

P. Carpentier, 1766.

◊ Unde nostris Apilletté, Instar pili acutus. Lit. remiss. ann. 1476. in Reg. 195. Chartoph. reg. ch. 1592 :

Le suppliant joua et tira d'un arc de couldre ou tremble, et une sayette ou volet, ou avoit ou bout ung fer Apiletté.

P. Carpentier, 1766.

◊ En estre Pilate, More Pilati agere, in aliis Lit. ann. 1404. ex Reg. 159. ch. 162 :

Lequel Bauduin respondi qu'il en estoit Pilate et en lavoit ses mains.

« 1 pilota » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 325b. http://ducange.enc.sorbonne.fr/PILOTA1

1. PILOTA, Pilum. Vide in Pilatus.

« 2 pilota » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 325b. http://ducange.enc.sorbonne.fr/PILOTA2

2. PILOTA, Pila lusoria. Vide Pelota 3.