« »
 
QUARENTENA 1, QUARENTENA 2, QUARENTENA 3, QUARENTENA 4, QUARENTENA 6.
[]« 1 quarentena » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 593c. http://ducange.enc.sorbonne.fr/QUARENTENA1
1. QUARENTENA, Quadragesima, in aliquot Galliæ Provinciis, la Quarantaine : unde efficta vox Carena, quam consule, a Latino Quadragena, non a Teutonico, ut vult Burchardus lib. 19. cap. 5. quod observat Vossius lib. 3. de Vitiis sermonis cap. 40. Alexander III. PP. Epist. 114. inter Francicas tom. 4. Hist. Franc. :
Accepimus ex litteris tuis Regiæ Celsitudini per alia scripta non fuisse expressum, utrum in Quarentenis feria sexta illam relaxationem, quam in sexta feria aliorum temporum tibi fecimus, debeas observare.
Will. Guiart in S. Ludovico :
Tout l'Advent et la Quarantaine.
MS. :
Ja nen vausist jour espargnier,
Ne Venredi, ne Quarantaine.
les Bénédictins de St. Maur, 1733–1736.
Quarantena, Eadem notione. Vita S. Bonæ tom. 7. Maii pag. 151 :
In ultima Quarantenarum, quas Romæ cum abstinentia multa et devotione peregit, etc.
Quarentena, etiam dictum Desertum, in quo Christus 40. diebus totidemque noctibus jejunavit, Eugesipo de Terra S. pag. 119. apud Allatium lib. 5. Symmict. Arnoldo Lubecensi lib. 2. cap. 7. Alberto Stadensi pag. 186. in Vita S. Theotoni Canonici num. 4. Jacobo de Vitriaco lib. 1. Hist. Hieros. cap. 52. et Sanuto lib. 3. part. 14. cap. 3. Deserti istius etiam meminere Adrichomius in Benjamin. num. 9. Quaresmius lib. 6. Elucidar. Terræ Sanctæ, et alii.
© École des chartes.
[]« 2 quarentena » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 593c. http://ducange.enc.sorbonne.fr/QUARENTENA2
2. QUARENTENA, Pœnæ ac multæ monachicæ [] species, quæ describitur in Statutis Ordinis Hospitalariorum Hierosolymit : tit. 18. § 57 :
Si vero positus fuerit in Quarentena, quadraginta diebus continuis jejunabit, et quarta ac sexta feriis dictorum 40. dierum pane et aqua tantum vescetur, comedens in terra. Qualibet vero quarta et sexta feriis disciplinam suscipiet modo sequenti, etc.
Vide Quadragesimæ pœnitentia, et Septena.
© École des chartes.
[]« 3 quarentena » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 594a. http://ducange.enc.sorbonne.fr/QUARENTENA3
3. QUARENTENA, Modus agri apud Anglos, constans 40. perticis, ut est in Monastico Anglic. tom. 1. pag. 313. Pertica vero quarentenarum constat 20. pedibus, ut est in tom. 3. pag. 15. et 16 :
Et quælibet virga, unde Quarantenæ mensurabuntur, erit 20. pedum.
Aliter liber Crabhusiæ fol. 8. apud Spelmannum :
Le mesuage de Crabhus en lungure ouwoc la terre de la rive tendant vers Occident, desqu'à la fosse de le mareys, conteynt tres Quarenteynes, et trente oyt perchez. Checun Quarenteyne par sey conteynt quarante perchez : et checun perche conteynt seize pès d'home : le avant det messuage conteynt en lée à le chef juste de la rive entre... trente cink perchées, et quatre pès larges de homme de graunt estature.
Charta Witlafii Regis Merciorum in Monast. Anglic. tom. 1. pag. 166. 168 :
Sex carucatas terræ arabilis, habentes in longitudine 15. Quarentenas, et 9. Quarentenas in latitudine, et 100. acras prati.
Habetur ibi pluries, et tom. 2. pag. 547. 853. et 872. tom. 3. pag. 181. 182. in Legibus Ethelredi Regis Angl. cap. 20. apud Brompton. et in Legibus Henrici I. cap. 16. Adde Ingulfum pag. 875. 909. Thomam Blount in Nomolexico et Kennettum in Glossario ad calcem Antiq : Ambrosden. Chronicon Monasterii de Bello :
Octo virgæ unam hidam faciunt ; wista vero 4. virgatis constat : leuga autem Anglica 12. Quarantenis.
P. Carpentier, 1766.
◊ Nostris etiam cognitus hic modus agrorum, ut colligitur ex Charta ann. 1340. in Reg. 72. Chartoph. reg. ch. 217 :
Six deniers pour scze Quarantainnes de terre, qui furent Raimbaut... Un denier pour onze Quarantaines de terre au Prumereul.
Vide supra Quarellus 6.
© École des chartes.
[]« 4 quarentena » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 594a. http://ducange.enc.sorbonne.fr/QUARENTENA4
4. QUARENTENA, Quarantena, Spatium quodvis 40. dierum. Transactio Simonis de Joinvilla cum Comitissa Campaniæ ann. 1218. tom. 2. Anecd. Marten. col. 865 :
Quod si non observarem prædictas conventiones, et submonitus infra Quadraginta dies non emendarem, etc.
Mox :
Adjunctum est, quod si non emendarem infra duas Quarentenas, postquam essem super hoc requisitus, ego prædictam senescalliam dimitterem.
Conventio inter Henricum Reg. Angl. et Robertum Flandriæ Comitem in libro Scaccarii cap. 14 :
Et ipsi eam infra tres Quarantenas reconciliare non potuerint Regi.
Quarentena, Nostris vulgo Quarantaine le Roy, Spatium 40. dierum, intra quod eorum, qui bella indicendi jus habebant, vel revera ex qualibet causa indicebant, agnati seu cognati, impeti non poterant. Id lege sancitum S. Ludovici scribit Butelerius in Summa Rurali tit. 34. quam non Philippo Ludovici filio adscribit Philippus Bellomanerius, Ludovico coævus, in Consuetud. Bellovacensi MS. cap. 60. ut hic scribit Cangius, sed Philippo Augusto, ut probat de Lauriere tom. 1. Ordinat. Reg. pag. 46. et 47. Quippe, cum ex usu apud Gallos recepto, tenerentur agnati bellis agnatorum interesse, eosque adjuvare, accidebat plerumque, ut antequam diffidationum[] fama ad eos perveniret, incauti et inscii impeterentur. Si quis igitur agnatos aggrederetur ante hos 40. dies, loco proditoris habebatur, et supremo plectebatur supplicio, uti habet idem Bellomanerius. Lewold. a Northof in Chronico Markano ann. 1356 :
Servare juraverat, videl. quod judicium pacis et Quarentenarum et jurisdictiones Episcopi... non impedirent.
Joannes Hocsemius in Adolpho a Marka Episc. Leod. cap. 13 :
Cum tres homines Episcopi ad mandatum ejus inter quosdam inimicos in Brabantia indicerent Quarentenas, Dux eos confestim capi faciens, etc.
ubi indicere Quarentenam, apud Jacob. Hemricurtium de Bellis Leodiensibus, exponitur jetter les Quarantaines, num. 9. et 12. quibus etiam locis observat, id moris obtinuisse ut, si quispiam iis in bellis occisus fuisset, pro quolibet mortuo quatuor Quarantenæ indicerentur :
En ce temps demoront tos chis linages en pais por les Quarantaines getées par le Saignor : car de chascon noveal mort, on commandoit 4. Quarantaines, lesquelles Quarantaines. furent tousiours bien tenues queilconques haymes qu'il avist entre les parties.
Adde num. 23. 24. 25. 29. 30. 46. 55. Quarentenæ ejusmodi mentio est etiam in Magno Recordo Leodiensi pag. 56. Vide Dissert. 29. ad Joinvillam pag. 334. Vide supra Quadragena 2.
Quarentena, Spatium 40. dierum quod viduæ ex lege conceditur a morte mariti, intra quod dos ei debet assignari vel restitui, et donec illa fuerit restituta, ali debet de bonis defuncti, et in illius domo manere. Quod si infra hos 40. dies dos non restituitur, vidua deforciari de Quarentena sua dicitur in Statuto de Merton ann. 20. Henrici III. cap. 1. in Statutis Roberti III. Scotor. Regis cap. 20. § 1. et Alexandri cap. 22. et apud Matthæum Paris pag. 288. Skenæus apud Gallos ejusmodi quarentenam, le Caresme des femmes vocari auctor est. Adde Fletam lib. 5. cap. 24. § 5. Th. Blount in Nomolexico et Rastallum verbo Quarentine. Plac. Ebor. rot. 18. ann. 18. Edward. I. in Abbrev. Placit. pag. 223 :
In magna charta continetur quod vidua post mortem viri sui maneat in capitali messuagio quod fuit viri sui per 40. dies post mortem viri sui, infra quos 40. dies... assignetur ei dos sua, nisi prius ei fuerit assignata et nisi sit castrum.
Locus magnæ chartæ est cap. 7. eadem fere leguntur in Statut. laudat. Alexandri II. In Statut. Henric. III. et Robert III. Quarentena est Pars fructuum ex bonis mariti defuncti quæ viduæ debetur usquedum dos ei sit assignata et tradita, non vero restituta.
© École des chartes.
[]« 6 quarentena » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 594b. http://ducange.enc.sorbonne.fr/QUARENTENA5
6. QUARENTENA, Inter oblationes ecclesiasticas, illas forte quæ per Quadragesimam fiebant, recensetur in Charta ann. 1048. ex Tabul. S. Vict. Massil. :
Acaptavi medietatem decimi de pane et de vino et de carne et cum totis primitiis suis et offerendis et Quarentenis et cimeteriis.
© École des chartes.